ବର୍ତ୍ତମାନର ସମୟରେ ଯୁବପିଢ଼ୀ ବିୟର ପିଇବାକୁ ଭଲ ପାଆନ୍ତି। ଏହି ଅଭ୍ୟାସ ସେମାନଙ୍କ ପାଇଁ ପରେ ସମସ୍ୟା ସୃଷ୍ଟି କରିପାରେ। ଅଧିକ ପରିମାଣର ବିୟର ପିଇବା ସ୍ବାସ୍ଥ୍ୟ ପାଇଁ କ୍ଷତିକାରକ। ଏକ ଗବେଷଣାରେ ଏହା ଦାବି କରାଯାଇଛି ଯେ, ବହୁ ପରିମାଣରେ ବିୟର ପିଇବା ପୁରୁଷଙ୍କ ସେକ୍ସ ହରମୋନ୍ ଉପରେ ପ୍ରଭାବ ପକାଇଥାଏ। ଗବେଷକଙ୍କ ଅନୁଯାୟୀ, ଅଧିକ ବିୟର ସେବନ କରୁଥିବା ପୁରୁଷଙ୍କ ପିତା ହେବାର କ୍ଷମତାକୁ ୫୦ ପ୍ରତିଶତ ହ୍ରାସ ହୋଇଥାଏ। ଯଦି ଆପଣ ଅଧିକ ବିୟର ପିଅନ୍ତି, ତେବେ ସାବଧାନ ରୁହନ୍ତୁ ଏବଂ ବିୟରର ମାତ୍ରା କମାଇବାକୁ ଚେଷ୍ଟା କରନ୍ତୁ।
ହରମୋନରେ ପରିବର୍ତ୍ତନ
ଅଧିକ ବିୟର ପିଇବା ଦ୍ୱାରା ଏକ ରାସାୟନିକ ପଦାର୍ଥ ଉତ୍ପନ୍ନ ହୁଏ, ଯାହା ଟେଷ୍ଟୋଷ୍ଟେରନକୁ ମହିଳା ସେକ୍ସ ହରମୋନ ଇଷ୍ଟ୍ରୋଜେନରେ ପରିଣତ କରେ।
ବଢ଼ାଏ ପେଟର ଆକାର
ଅଧିକ ବିୟର ସେବନ ପୁରୁଷଙ୍କ ପେଟର ଆକାରବଢ଼ାଇଥାଏ। ଅନ୍ୟ ଏକ ଗବେଷଣାରେ କୁହାଯାଇଛି, ପେଟର ଚର୍ବି ବୃଦ୍ଧି ହେଲେ ପୁରୁଷମାନଙ୍କ ମଧ୍ୟରେ ପିତା ହେବା ଦକ୍ଷତା ୧୦ ପ୍ରତିଶତ ହ୍ରାସ ପାଇବ।
ପେଟର ଚର୍ବି କ୍ଷତିକାରକ
ଅନୁସନ୍ଧାନକାରୀଙ୍କ ଅନୁଯାୟୀ ପେଟର ଚର୍ବି ଶରୀରର ଅନ୍ୟ ଅଙ୍ଗ ଅପେକ୍ଷା ଅଧିକ ବିପଦଜ୍ଜନକ ଅଟେ। ୪୦ ଇଞ୍ଚର ଅଣ୍ଟା ଥିବା ପୁରୁଷମାନେ ୩୨ ଇଞ୍ଚ ଅଣ୍ଟା ଥିବା ପୁରୁଷଙ୍କ ତୁଳନାରେ ପିତା ହେବାର ସମ୍ଭାବନା ୩୩ ପ୍ରତିଶତ କମ୍।
ମେଦବହୁଳତା ଶୁକ୍ରାଣୁ ତିଆରି କରିବା କ୍ଷମତାକୁ କରେ ପ୍ରଭାବିତ
ଗବେଷକଙ୍କ ଅନୁଯାୟୀ, ପୁରୁଷମାନଙ୍କଠାରେ ଥିବା ମୋଟାପଣ ଶୁକ୍ରାଣୁ ତିଆରି କରିବାର କ୍ଷମତା ଉପରେ ମଧ୍ୟ ପ୍ରଭାବ ପକାଏ।
