ନୂଆଦିଲ୍ଲୀ,୨୪ ।୬: ରାଷ୍ଟ୍ରପତି ନିର୍ବାଚନ ୨୦୨୨ ପାଇଁ ଏନଡିଏ ପ୍ରାର୍ଥି ଦ୍ରୌପଦୀ ମୁର୍ମୁ ପ୍ରାର୍ଥିପତ୍ର ଦାଖଲ କରିସାରିଛନ୍ତି । ଶୁକ୍ରବାର ସେ ପ୍ରାର୍ଥିପତ୍ର ଦାଖଲ କରିବା ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ସହ ଉପସ୍ଥିତ ଥିଲେ । ରାଷ୍ଟ୍ରପତି ନିବ;ାଚନ ପାଇଁ ଏନଡିଏ ବ୍ୟୀତ ମୁର୍ମୁଙ୍କୁ ଅନ୍ୟ କିଛି ଦଳର ବି ସମର୍ଥନ ରହିଛି । ଏଥିପାଇଁ ସେ ନିଜେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ଫୋନ ଯାଗେ କଥା ହୋଇଛନ୍ତି । ଏହି ସମୟରେ ସେ ମମତାଙ୍କ ସମର୍ଥନ ଲୋଡିଥିବା କୁହାଯାଉଛି ।
ତେବେ ପ୍ରଥମେ ମମତା ରାଷ୍ଟ୍ରପତି ପ୍ରାର୍ଥି ହିସାବରେ ଦ୍ରୌପଦୀ ମୁର୍ମୁଙ୍କୁ ଶୁଭକାମନା ଦେଇଥିଲେ । ହେଲେ ସମର୍ଥନକୁ ନେଇ ସେ ହଁ ଭରି ନ ଥିବା କୁହାଯାଉଛି । ମମତା କହିଥିଲେ ଦଳ ଯାହା ସ୍ଥିର କରିବ ତାହାହିଁ ହେବ । ହେଲେ ଦିଦି ଦ୍ରୌପଦୀଙ୍କୁ ସମର୍ଥନ ଦେବା ସହଜ ନୁହେଁ କାରଣ ତାଙ୍କ ନିଜ ଦଳ ତୃଣମୂଳ କଂଗ୍ରେସ (ଟିଏମସି)ର ନେତା ଯଶୱନ୍ତ ସିହ୍ନା ରାଷ୍ଟ୍ରପତି ପ୍ରାର୍ଥି ହୋଇଛନ୍ତି । ବିରୋଧି ଦଳ ଆପୋଷ ବୁଝାମଣା ମଧ୍ୟମରେ ତାଙ୍କୁ ପ୍ରାର୍ଥି କରିଛି । ତେଣୁ ମମତା ଯଶୱନ୍ତଙ୍କୁ ସମର୍ଥନ ନ କରି ଦ୍ରୌପଦୀଙ୍କୁ ସମର୍ଥନ କରିବାର ପ୍ରଶ୍ନ ଉଠୁ ନାହିଁ ।
ଏନଡିଏ ପ୍ରାର୍ଥି ଦ୍ରୌପଦୀ ମୁର୍ମୁ ମମତା ବାନାର୍ଜୀଙ୍କ ବ୍ୟତୀତ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ, ଝାଡଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ଓ ଏନସିପି ନେତା ଶରଦ ପାୱାରଙ୍କ ସହ କଥା ହୋଇଛନ୍ତି । ଏ ସମସ୍ତ ବଡ ଦଳକୁ ଦ୍ରୌପଦୀ ସମର୍ଥନ ମାଗିଛନ୍ତି । ସବୁଦଳ ପକ୍ଷରୁ ମୁର୍ମୁଙ୍କୁ ଶୁଭକାମନା ଜଣାଯାଇଛି । ସୂଚନାଯୋଗ୍ୟ, ପ୍ରାର୍ଥିପତ୍ର ଦାଖଲ କରିବାର ଠିକ୍ ପୂର୍ବରୁ ମୁର୍ମୁଙ୍କ ପକ୍ଷରୁ ବହୁ ନେତାଙ୍କୁ ଫୋନ କରାଯାଇଥିଲା ।
