ନୂଆଦିଲ୍ଲୀ,୨୫ା୨: ମଙ୍ଗଳବାର ଦକ୍ଷିଣ କୋରିଆର ଏକ ଏକ୍ସପ୍ରେସୱେ ନିର୍ମାଣ ସ୍ଥାନରେ ଏକ ପୋଲ ଭୁଶୁଡ଼ି ପଡ଼ିବା ଫଳରେ ଦୁଇଜଣଙ୍କର ମୃତ୍ୟୁ ହୋଇଛି ଏବଂ ପାଞ୍ଚ ଜଣ ଆହତ ହୋଇଛନ୍ତି। ସ୍ଥାନୀୟ ଗଣମାଧ୍ୟମ ପୋଲର ଏକ ଅଂଶ ଖସି ପଡ଼ିବାର ଭୟଙ୍କର ଫୁଟେଜ୍ ପ୍ରସାରଣ କରିଛି। ଯାହା ଫଳରେ ସେଠାରେ ଏକ ବଡ ଅଞ୍ଚଳ ଧୂଆଁର ଆଚ୍ଛାଦିତ ହୋଇଯାଉଥିବା ଦେଖିବାକୁ ମିଳିଛି।
ଜାତୀୟ ଅଗ୍ନିଶମ ସଂସ୍ଥାର ଏକ ବିବୃତ୍ତି ଅନୁଯାୟୀ, ଦୁଇ ଜଣଙ୍କର ମୃତ୍ୟୁ ହୋଇଛି, ଚାରି ଜଣ ଗୁରୁତର ଆହତ ହୋଇଛନ୍ତି ଏବଂ ଜଣେ ସାମାନ୍ୟ ଆହତ ହୋଇଛନ୍ତି। କର୍ତ୍ତୃପକ୍ଷ ଏବେ ବି ଭଗ୍ନାବଶେଷ ତଳେ ଚାପି ହୋଇ ରହିଥିବା ତିନି ଜଣଙ୍କୁ ଖୋଜୁଛନ୍ତି, ଏହା ଆହୁରି ମଧ୍ୟ କହିଛି।
BIG BREAKING NEWS
At least 3 construction workers killed, 5 injured after portion of highway overpass collapsed near Anseong, South Korea
🇰🇷🇰🇷‼️‼️‼️‼️‼️‼️‼️‼️‼️‼️‼️ pic.twitter.com/qk6LSajfLe
— WW3 Monitor (@WW3_Monitor) February 25, 2025
ଜଣେ ଆଭ୍ୟନ୍ତରୀଣ ମନ୍ତ୍ରଣାଳୟ ଅଧିକାରୀ ଏଏଫପିକୁ କହିଛନ୍ତି ଯେ ଆହତମାନଙ୍କୁ ଡାକ୍ତରଖାନାକୁ ପଠାଯାଉଛି। ଦକ୍ଷିଣ କୋରିଆର ରାଜଧାନୀରୁ ପ୍ରାୟ ୬୫ କିଲୋମିଟର (୪୦ ମାଇଲ) ଦକ୍ଷିଣରେ ଅନସେଓଙ୍ଗରେ ସକାଳ ପ୍ରାୟ ୯:୫୦ ସମୟରେ ଏହି ଘଟଣା ଘଟିଥିଲା।
କାର୍ଯ୍ୟକାରୀ ରାଷ୍ଟ୍ରପତି ଚୋଇ ସାଙ୍ଗ-ମୋକ୍ ଉଦ୍ଧାର କାର୍ଯ୍ୟ ପାଇଁ ସମସ୍ତ ଉପଲବ୍ଧ ସମ୍ବଳ ଏବଂ କର୍ମଚାରୀଙ୍କୁ ନିୟୋଜିତ କରିବା ପାଇଁ ଜରୁରୀ ନିର୍ଦ୍ଦେଶ ଜାରି କରିଛନ୍ତି। ସିଓଲର ଶ୍ରମ ମନ୍ତ୍ରଣାଳୟର ତଥ୍ୟ ଅନୁଯାୟୀ, ୨୦୨୦ ରୁ ୨୦୨୩ ପର୍ଯ୍ୟନ୍ତ ଦେଶରେ ୮,୦୦୦ ରୁ ଅଧିକ କାର୍ଯ୍ୟ ସମ୍ପର୍କିତ ମୃତ୍ୟୁ ଘଟିଛି।
