ଗଞ୍ଜାମ,୨୭।୩(ବିଦ୍ୟାଧର ସାହୁ): ପବିତ୍ର ଶ୍ରୀରାମ ନବମୀ ଅବସରରେ ଗଞ୍ଜାମ ସହରରେ ଅନ୍ତଃରାଷ୍ଟ୍ରୀୟ ହିନ୍ଦୁ ପରିଷଦ ସଂସ୍ଥାପନ ଅଧକ୍ଷ ତଥା ଅଗଣିତ ହିନ୍ଦୁମାନଙ୍କ ହୃଦୟ ସମ୍ରାଟ ଡ଼ଃ ପ୍ରବୀଣ ଭାଇ ତୋଗଡ଼ିଆଙ୍କୁ ଭବ୍ୟ ସମର୍ଦ୍ଧନା ପ୍ରଦାନ କରାଯାଇଛି । ଅନ୍ତଃ ରାଷ୍ଟ୍ରୀୟ ହିନ୍ଦୁ ପରିଷଦ ତଥା ରାଷ୍ଟ୍ରୀୟ ବଜରଙ୍ଗ ଦଳ ଗଞ୍ଜାମ ଶାଖା ପକ୍ଷରୁ ଆୟୋଜିତ ବାଇକ ଶୋଭାଯାତ୍ରାର ପ୍ରାରମ୍ଭରେ ଡ଼ଃ ତୋଗାଡିଆଙ୍କୁ ଦାମୋଦରପୁର ଗ୍ରାମ ନିକଟସ୍ଥ ଜାତୀୟ ରାଜପଥ ନିକଟରେ ଶତାଧିକ ଯୁବକ ସୱାଗତ କରିଥିଲେ । ପରେ ବିଶାଳ ଏକ ବାଇକ ଶୋଭାଯାତ୍ରାରେ ଜୟ ଶ୍ରୀରାମ ନାରା ଦେଇ ସହର ପରିକ୍ରମା କରିଥିଲେ । ପରେ ଗଞ୍ଜାମ ସହର ସ୍ଥିତ ଭାରତୀ ବିଦ୍ୟାପୀଠ ମିନି ଷ୍ଟାଡିୟମ ସଭାସ୍ଥଳକୁ ପାଛୋଟି ନିଆଯାଇଥିଲା । କାର୍ଯ୍ୟକର୍ତା ସମ୍ମିଳନୀରେ ଡ଼ଃ ତୋଗାଡିଆ ଉଦବୋଧନ ଦେଇ ରାମ ମନ୍ଦିର ନିର୍ମାଣ କରିଥିବା ସମସ୍ତ ନେତୃବୃନ୍ଦଙ୍କୁ ଧନ୍ୟବାଦ ଅର୍ପଣ କରିବା ସହ ଭାରତରେ ଲକ୍ଷ ଲକ୍ଷ ବାଂଲାଦେଶୀଙ୍କୁ ସୁରକ୍ଷା ପ୍ରଦାନ କରାଯାଉଥିବା ବେଳେ ବଙ୍ଗଳା ଦେଶରେ ହିନ୍ଦୁ ମାନଙ୍କୁ ହତ୍ୟା କରାଯାଉଥିବା ନେଇ କ୍ଷୋଭ ପ୍ରକାଶ କରିଥିଲେ ।
ଗୋ’ ହତ୍ୟା ବନ୍ଦ କରିବା, ଭାରତକୁ ହିନ୍ଦୁ ରାଷ୍ଟ୍ରରେ ପରିଣତ କରିବା ଉପରେ ଗୁରୁତ୍ୱାରୋପ କରିଥିଲେ । ଏହି ସମାବେଶରେ ରାଷ୍ଟ୍ରୀୟ ବଜରଙ୍ଗ ଦଳ ଓଡିଶା ପ୍ରଦେଶ ଅଧ୍ୟକ୍ଷ ବିଶ୍ୱାନାଥ ପାତ୍ର (ଜିତୁ ଭାଇ), ଅନ୍ତରାଷ୍ଟ୍ରୀୟ ହିନ୍ଦୁ ପରିଷଦ କେନ୍ଦ୍ରୀୟ ସାଧାରଣ ସମ୍ପାଦକ ମନୋଜ କୁମାର ସାହୁ,ଅନ୍ତରାଷ୍ଟ୍ରୀୟ ହିନ୍ଦୁ ପରିଷଦ ସଭାପତି ଓଡିଶା ପୂର୍ବ ଦୀପକ କୁମାର ମହନ୍ତ, ଆନ୍ତରାଷ୍ଟ୍ରୀୟ ହିନ୍ଦୁ ପରିଷଦ ଗଞ୍ଜାମ ଜିଲା ସଭାପତି ପୀତବାସ ସାହୁ ରାଷ୍ଟ୍ରୀୟ ବଜରଙ୍ଗ ଦଳ ଜିଲ୍ଲା ସଭାପତି ସନ୍ତୋଷ କୁମାର ଖଟେଇ, ବଦ୍ରୀନାଥ ପଟନାୟକ, ବିଶ୍ୱନାଥ ପାତ୍ର, ସନ୍ତୋଷ ଖଟେଇ, ଦିନେଶ ଦାସ, ମନୋଜ ସାହୁ ପ୍ରମୁଖ ସମ୍ମାନିତ ଅତିଥିଭାବେ ଯୋଗଦେଇଥିଲେ ।
ଯୁବ ବ୍ୟକ୍ତିତ୍ୱ ସୁଧିର କୁମାର ପାଢ଼ୀ,ଯୁବ ସ୍ବେଚ୍ଛାସେବୀ ରାକେଶ ରଞ୍ଜନ ଦାସ ଗୋ’ ରକ୍ଷକ ଗଙ୍ଗା ରାଉଳ, ସଂଯୋଜକ ପ୍ରଭାତ ସାହୁ, ସହ ସଂଯୋଜକ କେ. ଏଲେୟା ରେଡି, ନିଲୁ ତରେଇ କାଳିଆ ଗୌଡ଼, ମିଳିତ କେନ୍ଦ୍ର ପ୍ରମୁଖ ଜିତୁ ବାରିକି, ମନୋଜ ପ୍ରଧାନ, ସଭାପତି କୃଷ୍ଣ ପରିଡା, ସମ୍ପାଦକ ଶ୍ୱେତ ପ୍ରଧାନଅଙ୍ଗଦ, ସୀତାରାମ ପ୍ରମୁଖ ଉପସ୍ଥିତ ଥିଲେ । ଡ଼ଃ ତୋଗଡ଼ିଆଙ୍କ ଏହି ଗ୍ରସ୍ତ ପାଇଁ ଗଞ୍ଜାମ ଥାନା ଆଇଆଇସି ସୁମିତ୍ରା ପାତ୍ରଙ୍କ ନେତୃତ୍ୱରେ ବ୍ୟlପକ ପୋଲିସ ବନ୍ଦୋବସ୍ତ କରାଯାଇଥିବା ଦେଖିବାକୁ ମିଳିଥିଲା ।
