ଅମରପାଲି,୧୮।୯(ପୀତାମ୍ବର ସାହୁ): ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ଅନ୍ତର୍ଗତ ପିତାମହୁଲ ହାଇସ୍କୁଲ ରେ ଗୁରୁବାର ବ୍ଲକ ସ୍ତରୀୟ କବାଡି ଓ ଖୋକୋ ଖେଳାଳି ଚୟନ ହେବ। ଏଥିରେ ବ୍ଲକର ତିନୋଟି ଜୋନରୁ ପ୍ରତିଯୋଗୀ ଅଂଶ ଗ୍ରହଣ କରିବେ। ମାତ୍ର ବ୍ଲକ ସ୍ତରୀୟ କବାଡି ଓ ଖୋକୋ ଖେଳାଳି ଚୟନ ଶିବିର ରେ ପ୍ରତିଯୋଗୀ ଅଂଶ ଗ୍ରହଣ ନେଇ ସନ୍ଦେହ ଦେଖା ଦେଇଛି।
ସୂଚନା ଅନୁସାରେ ବୀରମହାରାଜପୁର ବ୍ଲକ କୁ ତିନୋଟି ଜୋନରେ ସ୍କୁଲ ଗୁଡିକୁ ଭାଗ କରାଯାଇଥିଲା। ସୁବଳୟା ଜୋନ ପାଇଁ ପିତାମହୁଲ ହାଇସ୍କୁଲରେ ଓ ଅମରପାଲି ଜୋନ ପାଇଁ ଅମରପାଲି ହାଇସ୍କୁଲରେ କବାଡି ଓ ଖୋକୋ ଖେଳାଳି ଚୟନ ଶିବିର କରାଯାଇଥିଲା। ଉଭୟ ବାଳିକା ଓ ବାଳକ ବିଭାଗର ୧୪ ବର୍ଷରୁ କମ ଓ ୧୭ ବର୍ଷରୁ କମ ବର୍ଗ ରେ ଉଭୟ କବାଡି ଓ ଖୋକୋ ଖେଳାଳି ଚୟନ ହୋଇଥିଲା। ଏଥିରେ ଉଭୟ ସୁବଳୟା ଓ ଅମରପାଲି ଜୋନରେ ବିଭିନ୍ନ ସ୍କୁଲରୁ ପ୍ରାୟ ୨୩୦ ରୁ ଅଧିକ ପ୍ରତିଯୋଗୀ ଅଂଶ ଗ୍ରହଣ କରିଥିଲେ। ମାତ୍ର ବୀରମହାରାଜପୁର ଜୋନ ପାଇଁ ଉକ୍ତ ଖେଳାଳି ଚୟନ ଶିବିର ହୋଇ ନ ଥିବା ଅଭିଯୋଗ ହୋଇଛି। ଫଳରେ ଉକ୍ତ ଜୋନ ର ବିଭିନ୍ନ ସ୍କୁଲର ଖୋକୋ ଏବଂ କବାଡି ଖେଳାଳି ଉକ୍ତ ଚୟନ ଶିବିର ରେ ଅଂଶ ଗ୍ରହଣ କରି ପାରି ନାହିଁ। ତେବେ ଗୁରୁବାର ପିତାମହୁଲ ହାଇସ୍କୁଲରେ ହେବାକୁଥିବା ବ୍ଲକ ସ୍ତରୀୟ କବାଡି ଓ ଖୋକୋ ଖେଳାଳି ଚୟନ ଶିବିର ରେ ଏହି ଜୋନର ବିଭିନ୍ନ ସ୍କୁଲର ଖେଳାଳି ଅଂଶ ଗ୍ରହଣ କରିବା ନେଇ ସନ୍ଦେହ ଦେଖା ଦେଇଛି। ତେବେ ଉକ୍ତ ଜୋନରୁ କେଉଁ କେଉଁ ଖେଳାଳି ଅଂଶ ଗ୍ରହଣ କରିବେ ତାହା ଏବେ ପ୍ରଶ୍ନବାଚୀ ଦେଖା ଦେଇଛି। ସରକାର ସ୍କୁଲ ସ୍ତର ରୁ ପ୍ରତିଭା ଚୟନ ପାଇଁ କରିଥିବା ପ୍ରୟାସ ଏବେ ବୀରମହାରାଜପୁର ରେ ଏକ ପ୍ରକାର ମୂଲ୍ୟହୀନ ହୋଇ ପଡ଼ିଛି। ଅସମର୍ଥିତ ସୂତ୍ରରୁ ମିଳିଥିବା ତଥ୍ୟ ଅନୁସାରେ କେତେକ ର୍ନିଦ୍ଦିଷ୍ଟ ସ୍କୁଲ ରୁ କବାଡି ଓ ଖୋକୋ ଦଳ କୁ ବ୍ଲକ ସ୍ତରୀୟ ଚୟନ ରେ ଅଂଶ ଗ୍ରହଣ ପାଇଁ ପ୍ରସ୍ତୁତି ହେଉଥିବା ସୂଚନା ମିଳିଛି। ଏନେଇ ବୀରମହାରାଜପୁର ବିଇଓ ଗଣେଶ କିଶନଙ୍କୁ ପଚାରିବାରୁ ସେ ବିଷୟ ରେ ଜାଣି ନ ଥିବା କହିବା ସହିତ ବ୍ଲକ କ୍ରୀଡା ଶିକ୍ଷକ ସମ୍ପାଦକଙ୍କୁ ପଚାରିବାରୁ କହିଥିଲେ। ଏନେଇ ଦାୟିତ୍ୱରେ ଥିବା ବ୍ଲକ କ୍ରୀଡା ଶିକ୍ଷକ ସମ୍ପାଦକ ପ୍ରଦୀପ ମହାନନ୍ଦ ଙ୍କୁ ପଚାରିବାରୁ ସେ ବୀରମହାରାଜପୁର ହାଇସ୍କୁଲ ରେ ଜୋନ ସ୍ତରୀୟ ହୋଇଛି ବୋଲି କହିଥିଲେ। ତେବେ ବିଭାଗ ଏହାର ତଦନ୍ତ କରିବାକୁ ସାଧାରଣ ରେ ଦାବି ହେଉଛି।
