ନୂଆଦିଲ୍ଲୀ,୧।୩: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନ ବିରୁଦ୍ଧରେ ଆମେରିକା ଏବଂ ଇସ୍ରାଏଲୀ ସାମରିକ କାର୍ଯ୍ୟାନୁଷ୍ଠାନ ସମ୍ପର୍କରେ ଏକ ବଡ଼ ଏବଂ ଆଶ୍ଚର୍ଯ୍ୟଜନକ ଦାବି କରିଛନ୍ତି । ସେ କହିଛନ୍ତି ଯେ ଏହି ମିଳିତ ସାମରିକ କାର୍ଯ୍ୟାନୁଷ୍ଠାନରେ ୪୮ଜଣ ଶୀର୍ଷ ଇରାନୀ ନେତାଙ୍କୁ ନିପାତ କରାଯାଇଛି । ତାଙ୍କର ସାମରିକ କାର୍ଯ୍ୟାନୁଷ୍ଠାନ ଆଶାଠାରୁ ଅଧିକ ଦ୍ରୁତ ଗତିରେ ଚାଲିଛି । ଏହି ଆକ୍ରମଣରେ ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନିଙ୍କ ସମେତ ଅନେକ ବରିଷ୍ଠ ନେତାଙ୍କ ମୃତ୍ୟୁ ହୋଇଛି ।
ଟ୍ରମ୍ପ ଦାବି କରିଛନ୍ତି ଯେ ଇରାନ ବିରୁଦ୍ଧରେ ହୋଇଥିବା ଏହି ଅଭିଯାନ “ଗୋଟିଏ ଆକ୍ରମଣରେ ୪୮ ଜଣ ଇରାନୀ ନେତାଙ୍କୁ ନିପାତ କରିଥିଲା।” ସେ ଏହା ମଧ୍ୟ ସୂଚାଇ ଦେଇଛନ୍ତି ଯେ ଆମେରିକା ଜାଣେ ଯେ କେତେ ଲକ୍ଷ୍ୟ ରହିଛି। ପେଣ୍ଟାଗନ ଏବଂ ଇସ୍ରାଏଲୀ ପ୍ରତିରକ୍ଷା ବାହିନୀ ଆକ୍ରମଣର ଫଳାଫଳ ମୂଲ୍ୟାଙ୍କନ କରୁଥିବା ସମୟରେ ଟ୍ରମ୍ପଙ୍କ ଏହି ବିବୃତ୍ତି ଆସିଛି। ଏକ ଟିଭି ସାକ୍ଷାତକାରରେ ଡୋନାଲ୍ଡ ଟ୍ରମ୍ପ କହିଛନ୍ତି ଯେ ଇରାନର ସେନାକୁ ଟାର୍ଗେଟ କରି କାର୍ଯ୍ୟାନୁଷ୍ଠାନ “ନିର୍ଦ୍ଧାରିତ ସମୟ ପୂର୍ବରୁ” ଚାଲିଛି ।
ତେହେରାନ ଦ୍ୱାରା ସୃଷ୍ଟି ହୋଇଥିବା ବିପଦର ଜବାବରେ ଆରମ୍ଭ ହୋଇଥିବା ଏହି କାର୍ଯ୍ୟାନୁଷ୍ଠାନ ଆମେରିକାର ରଣନୈତିକ ଯୋଜନା ଅନୁସାରେ ଚାଲିଛି । ଆମେରିକା ରାଷ୍ଟ୍ରପତି ଏହା ମଧ୍ୟ ଦାବି କରିଛନ୍ତି ଯେ ଖାମେନେଇଙ୍କ ମୃତ୍ୟୁ ପରେ, ନୂତନ ଇରାନୀ ନେତା ଆମେରିକା ସହିତ ଆଲୋଚନା କରିବାକୁ ଚାହୁଁଛନ୍ତି ।
