ଗଞ୍ଜମ,୨୨।୧(ବିଦ୍ୟାଧର ସାହୁ): ଆସନ୍ତା ମାର୍ଚ୍ଚ ୧ରୁ ଆରମ୍ଭ ହେବ ଗଞ୍ଜାମ ଐତିହାସିକ ଦୋଳପୂର୍ଣ୍ଣମୀ ଯାତ୍ରା। ଏଥିପାଇଁ ସମସ୍ତ ସାହି ଗୁଡିକରେ ଯାତ୍ରା ପ୍ରସ୍ତୁତି ଶେଷ ପର୍ଯ୍ୟାୟରେ। ଏହି ଦୋଳ ଯାତ୍ରା ଉପଲକ୍ଷେ ପୁଇଁତୋଳା ଚାରି ସାହି ବୈଠକ ଶନିବାର ସାରେ ତିନି ମୁଁହା ଦୋକିରି ଛକ ଠାରେ ଅନୁଷ୍ଠିତ ହୋଇଥିଲା । କାନ୍ତରି ଦଳାଇ, କୈଳାଶ ପଲାଇ, ଗୌରୀ ଶଙ୍କର ବାରିକି, ସୁଦାମ ଚରଣ ଜେନା, ହରିବିଶ୍ୱାଳ,ନୀଳାଞ୍ଚଳ ବାରିକି,ଗୁରୁଚରଣ ରାଉଳ, ଶିବରାମ ଜେନା, ଧରଣୀ ସାହୁ,ଅଜୟ ବାରିକି, ଭଗବାନ ପ୍ରଧାନ, ପ୍ରକାଶ ରାଉଳ,ଚିତ୍ର ସେନ ତରାଇ ପ୍ରମୁଖ ଚାରି ସାହିର ଶାନ୍ତି କମିଟି ସଦସ୍ୟ ଉପସ୍ଥିତ ଥିଲେ। ସାହି ଯାତ୍ରା ଓ ବଜାର ଯାତ୍ରା ବେଳେ କୁଞ୍ଜ ଗଲାବେଳେ ବାଣ ଫୁଟିବା ନିଷେଧ ଘୋଷଣା କରାଯାଇଛି । ଏଥିସହ ଉଚ୍ଚ ଶବ୍ଦ ବ୍ୟବହାର ନକରିବାକୁ ଆଲୋଚନା ହୋଇଥିଲା । ବିଶେଷ କରି ଯାତ୍ରା କିଭଳି ଶାନ୍ତି ଶୃଙ୍ଖଳାର ସହ ଶେଷ ହେବ ସେଥିପାଇଁ କମିଟି ପକ୍ଷରୁ ଗୁରୁତ୍ୱାରୋପ କରାଯାଇଥିଲା । ପୂର୍ବ ନିିର୍ଦ୍ଧାରିତ ସମୟ ଅନୁସାରେ ଠାକୁର ଉଠିବେ ଏବଂ ଫେରିବା ଲାଗି ନିସ୍ପତ୍ତି ନିଆଯାଇଥିଲା । ଯେକୌଣସି ବ୍ୟକ୍ତି ବିଶୃଙ୍ଖଳା କରେ ତାଙ୍କ ପ୍ରତି ଶାନ୍ତି କମିଟି ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମତ ପ୍ରକାଶ ପାଇଥିଲା। ଏଥିରେ ଚାରି ସାହିର ବହୁ ଯୁବ ଗୋଷ୍ଠୀ ସାମିଲ ହୋଇଥିଲେ।
