ଭଞ୍ଜନଗର,୫।୫(ବାବୁଲା ପ୍ରଧାନ): ଗଞ୍ଜାମ ଜିଲା ବୁଗୁଡ଼ା ବ୍ଲକ କଞ୍ଚୁରୁ ଗ୍ରାମର ମନୋଜ ଡାକୁଆ ଜଣେ ଦିବ୍ୟାଙ୍ଗ । କିନ୍ତୁ ସରକାରଙ୍କ ଘୋଷଣା ଅନୁସାରେ ତାଙ୍କୁ ବର୍ଦ୍ଧିତ ଭତ୍ତା ମିଳୁନାହିଁ । ଏଥିସହ ଅନ୍ୟାନ୍ୟ କିଛି ସୁବିଧା ମଧ୍ୟ ତାଙ୍କୁ ମିଳିନାହିଁ। ତେଣୁ ମନୋଜ ସୋମବାର ଭଞ୍ଜନଗର ଉପଜିଲାପାଳ ଉମା ଶଙ୍କର ବେହେରାଙ୍କୁ ଭେଟି ସମସ୍ୟା ତାଙ୍କ ସମ୍ପର୍କରେ ଅବଗତ କରାଇବା ସହ ବର୍ଦ୍ଧିତ ଭତ୍ତା ଦେବା ପାଇଁ ନିବେଦନ କରିଛନ୍ତି। ଏଥିସହ ଛୋଟିଆ ଦୋକାନ ଟିଏ କରି ପରିବାର ଚଳାଉଥିବା ଯୋଗୁ ଋଣ ଦେବା ସହ
ବ୍ୟାଟେରୀ ଚାଳିତ ଗାଡିଟେ ଦେବା ପାଇଁ ଅନୁରୋଧ କରିଛନ୍ତି। ଉପ ଜିଲାପାଳ ଆଇନ ଅନୁଯାୟୀ ଯାହା ସହାୟତା ସମ୍ଭବ ଯୋଗାଇ ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି। ସ
ସୂଚନା ଯୋଗ୍ୟ ଯେ ମନୋଜ ୮୦ ପ୍ରତିଶତ ଦିବ୍ୟାଙ୍ଗ ଅଛନ୍ତି । ତଥାପି ସରକାରଙ୍କ ଯୋଜନାର ସୁଫଳ ଅଗ୍ରାଧିକାର ଭିତ୍ତିରେ ପାଇପାରୁନାହାଁନ୍ତି । ଯାହାକୁ ନେଇ ମନୋଜ ନିଜର ଦୁଃଖ ବଖାଣିଛନ୍ତି।
