ନବରଙ୍ଗପୁର,୧୨।୧୧(ବି.ପ୍ର.): ସ୍କୁଲରେ ୬ମାସ ହେବ ଅନୁପସ୍ଥିତ ଥିବା ଶିକ୍ଷୟିତ୍ରୀଙ୍କ ତଥ୍ୟ ଦେବାକୁ ଜିଲା ଶିକ୍ଷା ଅଧିକାରୀ ନିର୍ଦ୍ଦେଶ ଦେଇଥିଲେ। ଉକ୍ତ ନିର୍ଦ୍ଦେଶକୁ ବିତିଲା ୧୦ ଦିନ। କିନ୍ତୁ ଏହା ଏବେ ଯାଏ ପାଳନ ହୋଇପାରିଲା ନାହିଁ। ତଦନ୍ତ ରିପୋର୍ଟ ଡିଇଓଙ୍କୁ ପଠାଯାଇନି। ୩ ତାରିଖ ସୁଦ୍ଧା ସମସ୍ତ ତଥ୍ୟ ସହ ଡିଇଓ ଅଫିସରେ ପହଞ୍ଚତ୍ବା ପାଇଁ ଜିଲା ଶିକ୍ଷାଧିକାରୀ ଚଳିତ ମାସ ୨ ତାରିଖ ଦିନ ଚିଠି ନମ୍ବର ୬୩୨୬/୨୦୨୨ରେ ପ୍ରଧାନ ଶିକ୍ଷୟିତ୍ରୀଙ୍କୁ ନିର୍ଦ୍ଦେଶ ଦେଇଥିଲେ। ଏବେ ଯାଏ କିନ୍ତୁ ତଥ୍ୟ ସବୁ ଜିଲା ଶିକ୍ଷା ବିଭାଗ ନିକଟରେ ଉପସ୍ଥାପନ କରାଯାଇ ନ ଥିବା ଜଣାପଡିଛି।
ନବରଙ୍ଗପୁର ଜିଲା ଝରିଗାଁ ବ୍ଲକର ୫ଟି ଅଧିନ ଚଚା ସରକାରୀ ୟୁଜି ହାଇସ୍କୁଲର କ୍ଲାସିକାଲ ଶିକ୍ଷୟିତ୍ରୀ ମଧୁସ୍ମିତା ଦାସ ବିନା ଦରଖାସ୍ତରେ ଚଳିତ ବର୍ଷ ମେ’ ୬ ତାରିଖରୁ ଅକ୍ଟବର ୩୧ ତାରିଖ ପର୍ଯ୍ୟନ୍ତ ବିଦ୍ୟାଳୟରେ ଅନୁପସ୍ଥିତ ଥିବା ନେଇ ଅଭିଯୋଗ ହୋଇଥିଲା। ପ୍ରଧାନ ଶିକ୍ଷୟତ୍ରୀ ବିପ୍ଲବିନୀ ମଲ୍ଲିକ ଅନୁପସ୍ଥିତ ବଦଳରେ ଶିକ୍ଷୟିତ୍ରୀ ମଧୁସ୍ମିତା ଉପସ୍ଥିତ ଥିବା ନେଇ ଡିଇଓ ଅଫସିକୁ ରିପୋର୍ଟ ଦେଇଥିଲେ। ଫଳରେ ଶିକ୍ଷୟତ୍ରୀ ମଧୁସ୍ମିତା ନିୟମିତ ଭାବେ ୬ମାସର ଦରମା ପାଇଛନ୍ତି ବୋଲି ଏସ୍ଏମ୍ସି କମିଟି ସଭାପତି ଭଗବାନ ମାଝି ଡିଇଓଙ୍କୁ ମେଲ୍ ଯୋଗେ ଅଭିଯୋଗ କରିଥିଲେ। ଅଭିଯୋଗ ପରେ ୨ ତାରିଖ ଦିନ ଡିଇଓ ପ୍ରଧାନ ଶିକ୍ଷୟିତ୍ରୀବିପ୍ଲବିନୀ ମଲ୍ଳିକଙ୍କୁ ଷ୍ଟାଫ ଉପସ୍ଥାପନ ଖାତା ମାସିକ ବିଲର ରିଟର୍ଣ୍ଣ ଫାଇଲ କରିଥିବା ସମସ୍ତ ତଥ୍ୟ ବ୍ୟକ୍ତିଗତ ଭାବେ ଗୁରୁତର ସହ ଉପସ୍ଥାପନ କରିବାକୁ ଜଣାଇଥିଲେ ମଧ୍ୟ ଏବେ ଯାଏ ତଥ୍ୟ ଉପସ୍ଥାପନ କରାଯାଇନି ବୋଲି ଡିଇଓ ଅଫିସରୁ ଜଣାପଡିଛି। ଏନେଇ ପ୍ରଧାନଶିକ୍ଷୟତ୍ରୀଙ୍କୁ ତାଙ୍କ ମୋବାଇଲ ନମ୍ବର ୮୪୮୦୧୦୨୧୦୧ରେ ଯୋଗାଯୋଗ କରିଥିଲେ ମଧ୍ୟ କୌଣସି ଉତ୍ତର ମିଳ ନ ଥିଲା। ଚଚା ହୟୁଜି ହଇସ୍କୁଲକୁ ଯାଇ ପଚାରିବାକୁ ପ୍ରଧାନ ଶିକ୍ଷୟିତ୍ରୀ ଏକ ବୈଠକରେ ଯୋଗ ଦେବାକୁ ଯାଇଛନ୍ତି ବୋଲି ସୂଚନା ମିଳିଥିଲା। ଶିକ୍ଷୟତ୍ରୀ ମଧୁସ୍ମିତା ଜଏନ କରି ସାରିଲେଣି। ସେ ଡିଇଓଙ୍କ କାର୍ଯ୍ୟାଳୟକୁ ଯାଇଛନ୍ତି ବୋଲି ଅନ୍ୟ ଶିକ୍ଷକମାନେ କହିଛନ୍ତି। ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ପଚାରିବାରୁ ଶିକ୍ଷୟିତ୍ରୀ ମଧୁସ୍ମିତା ଆସିନାହାନ୍ତି ବୋଲି କହିଥିଲେ। ଏହି ଘଟଣାକୁ ଗୁରୁତର ସହ ନେଇ ଜିଲା ପ୍ରଶାସନ ଓ ରାଜ୍ୟ ଗଣ ଶିକ୍ଷା ବିଭାଗ ସଚିବ, ଆଞ୍ଚଳିକ ଶିକ୍ଷା ନିର୍ଦ୍ଦେଶକ ଏହାର ତଦନ୍ତ କରିବାକୁ ଦାବି ହେଉଛି।
