ସୋରଡ଼ା,୨୭ା୧୧(ଡି.ଏନ୍.ଏ.): ଜିଲା ମୁଖ୍ୟ ଉନ୍ନୟନ ଅଧିକାରୀ କୀର୍ତ୍ତି ଭାସନ ଭି ଏବଂ ବ୍ରହ୍ମପୁର ମ୍ୟୁନିସିପାଲ କମିଶନର ଜେ ସୋନାଲ ରବିବାର ସକାଳେ ସୋରଡ଼ାଗ୍ରସ୍ତ କରି ଫେରିଛନ୍ତି। ସହରର ପାହାଡ଼ ଉପର ଖୁଣ୍ଟେଶରୀ ମନ୍ଦିର, ସିଦ୍ଧେଶ୍ୱର ୨ ମନ୍ଦିର, ପିକ୍ନିକ୍ ଅଞ୍ଚଳ, ଜଳଭଣ୍ଡାର, କନ୍ଧୁଣୀଦେବୀ ମନ୍ଦିର ଭ୍ରମଣ କରି ଅଞ୍ଚଳର ବିକାଶ ଉପରେ ସମୀକ୍ଷା କରି ଥିଲେ। ବହୁ ପୁରାତନ ଏହି ସହରର ସୌନ୍ଦର୍ଯ୍ୟ କରଣ ପ୍ରତି ଯଥାଶକ୍ତି ଧ୍ୟାନ ଦିଆଯାଇଥିବା କହିଥିଲେ। ପର୍ଯ୍ୟଟକଙ୍କୁ ଆକୃଷ୍ଟ କରୁଥିବା ଖୁଣ୍ଟେଶରୀ ପାହାଡ଼ର ଚତୁଃପାର୍ଶ୍ୱ ବୁଲି ଦେଖି ଖୁସି ବ୍ୟକ୍ତ କରିଥିଲେ। ଏନ୍ଏସି କାର୍ଯ୍ୟ ନିର୍ବାହୀ ଅଧିକାରୀ ଦୂତିକୃଷ୍ଣ ପାତ୍ର,ଏବି ସଂଜୀବ ରାଜ ସେନାପତି ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ।
