ବାରିପଦା,୨୦ା୧୧(ନୀଳାଦ୍ରି ବିହାରୀ ଦଣ୍ଡପାଟ):ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପର ମହାବଳ ବାଘ କାଳିଆକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର୍ ଧରିଛି। ପୂର୍ବତନ ପିସିସିଏଫ୍ ସୁଶାନ୍ତ ନନ୍ଦ ଶିମିଳିପାଳର ହିରୋ ‘କାଳିଆ’କୁ ନେଇ ରୋଚକ ତଥ୍ୟ ଉପସ୍ଥାପନ କରିଛନ୍ତି। ଶିମିଳିପାଳରେ ବାଘବଂଶ ଲୋପ ପାଇବାକୁ ବସିଥିବା ବେଳେ ଏହି ‘କାଳିଆ’ ମହାବଳ ବାଘ (ମିଲେନାଷ୍ଟିକ ଟାଇଗର) ବଂଶ ବୃଦ୍ଧି କରିବାରେ ସହାୟକ ହୋଇଥିଲା, ଯାହାକି ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପ ପାଇଁ ଗର୍ବ ଓ ଗୌରବ ଆଣିପାରିଛି। ଏବେ ବନ୍ୟଜୀବ ସୁରକ୍ଷା ଇତିହାସରେ ମହାବଳ କଳାବାଘ ଗୁରୁତ୍ୱପୂର୍ଣ୍ଣ ସ୍ଥାନ ଅଧିକାର କରିଛି ା ଯାହାକୁ ‘ବ୍ଲାକ୍ ବିଉଟି’ ବୋଲି ପୂର୍ବତନ ପିସିସିଏଫ ନନ୍ଦ ସୋସିଆଲ ମିଡିଆ (ଏକ୍ସ)ରେ ପୋଷ୍ଟ କରିଛନ୍ତି।
୨୦୧୪ରେ ଶିମିଳିପାଳରେ ବାଘସଂଖ୍ୟା ହ୍ରାସ ପାଇ ୪କୁ ଖସିଆସିଥିଲା। ସେଥିମଧ୍ୟରେ ୩ଟି ମାଈ ବାଘ ଥିବା ବେଳେ ଗୋଟିଏ ମିଲେନାଷ୍ଟିକ ଟାଇଗର ‘କାଳିଆ’ ଯୋଗୁ ମହାବଳ ବାଘସଂଖ୍ୟା ଏବେ ୩୯ରେ ପହଞ୍ଚତ୍ଛି। ଏହି ବାଘଙ୍କ ମଧ୍ୟରେ ୧୪ଟି କଳାବାଘ ରହିଛନ୍ତି। ତେବେ ବାଘବଂଶ ବୃଦ୍ଧିର ଶ୍ରେୟ ‘କାଳିଆ’କୁ ଯାଉଛି ବୋଲି ପୂର୍ବତନ ପିସିସିଏଫ ନନ୍ଦ ତାଙ୍କ ପୋଷ୍ଟରେ ଉଲ୍ଲେଖ କରିବା ସହ ମହାବଳ ବାଘ କାଳିଆର ଭିଡିଓ ପୋଷ୍ଟ କରି କହିଛନ୍ତି। ଏହି ଅଣ୍ଡିରା ବାଘ ଅନେକ ଶାବକର ପିତା ହୋଇଥିବାରୁ ଶିମିଳିପାଳରେ ବାଘବଂଶ ବୃଦ୍ଧି ପାଇଛି। ଏଣୁ ‘କାଳିଆ’ ଶିମିଳିପାଳର ଗର୍ବ ଗୌରବ ବୋଲି ନନ୍ଦ କହିଛନ୍ତି।
Dharitri – Odisha’s No.1 Odia Daily
