ନୂଆଦିଲ୍ଲୀ,୯।୨: କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡର ଛାତ୍ରମାନଙ୍କ ପାଇଁ ଏକ ବଡ଼ ଖବର ଅଛି। ଏହି ଖବର ବିଶେଷତଃ ସେହି ଛାତ୍ରମାନଙ୍କ ପାଇଁ, ଯେଉଁମାନଙ୍କର ଟାଇପ୍ ୧ ଡାଇବେଟିସ୍ ଅଛି । ବୋର୍ଡ ଏହାର ନୀତିରେ ଏକ ପ୍ରମୁଖ ପରିବର୍ତ୍ତନରେ କରି ଛାତ୍ରମାନଙ୍କୁ ଡାକ୍ତରୀ ଉପକରଣ, ସ୍ନାକ୍ସ ଇତ୍ୟାଦି ପରୀକ୍ଷା ହଲକୁ ନେବାକୁ ଅନୁମତି ଦେଇଛି। ସେମାନେ ସେମାନଙ୍କ ସହିତ ଗ୍ଲୁକୋମିଟର, ସୁଗାର ଷ୍ଟ୍ରିପ କିମ୍ବା ଅନ୍ୟ କୌଣସି ଚିକିତ୍ସା ସାମଗ୍ରୀ ନେଇପାରିବେ। ଯାହାକୁ ସେମାନେ ଡାଇବେଟିସ ପରିଚାଳନା କିମ୍ବା ତଦାରଖ କରିବା ପାଇଁ ଆବଶ୍ୟକ କରନ୍ତି।
ଏହି ନିୟମ ଲାଗୁ ହେବା ପରେ, ମଧୁମେହ ଛାତ୍ରମାନେ ବହୁ ଲାଭ ପାଇବେ ଏବଂ ସେମାନେ ସୁଗାର ଲେବଲ ହ୍ରାସ ହେବାର ବିପଦକୁ ଏଡାଇ ପାରିବେ। ପରୀକ୍ଷା ସମୟରେ ଚାପ ସ୍ତର ବୃଦ୍ଧି ହେତୁ ପିଲାମାନେ ସୁଗାର ଲେବଲ କମିଯାଏ। ଏହିପରି ଭାବେ ସିବିଏସ୍ଇର ଏହି ନିଷ୍ପତ୍ତିରୁ ସେମାନେ ଆରାମ ପାଇବେ।
