ପାଖେଇ ଆସୁଛି ଧନୁଯାତ୍ରା: କଂସ କଳାକାର ଚୟନ ନିଷ୍ପତ୍ତି ଉପରେ ସଭିଙ୍କ ନଜର

ବରଗଡ଼,୧୨।୧୦(ପ୍ରେମାନନ୍ଦ ଖମାରୀ)- ବୃହତ୍ ମୁକ୍ତାକାଶ ବରଗଡ଼ ଧନୁଯାତ୍ରା ମହୋତ୍ସବ ପାଖେଇ ଆସୁଛି। ଆସନ୍ତା ଡ଼ିସେମ୍ବର ମାସ ୨୪ତାରିଖରୁ ଏହି ମହୋତ୍ସବ ଆରମ୍ଭ ହେବ। ଦୀର୍ଘ ୧୧ଦିନ ବ୍ୟାପୀ ହେବାକୁ ଥିବା ଏହି ମହୋତ୍ସବ ଯେତିକି ପାଖେଇ ଆସୁଛି, ଦର୍ଶକ ତଥା ସ୍ଥାନୀୟ ଲୋକଙ୍କ ମନରେ ସେତିକି ଉତ୍କଣ୍ଠା ବଢିବାରେ ଲାଗିଛି । ତେବେ ସୋମବାର ସନ୍ଧ୍ୟାରେ ବରଗଡ଼ ଜିଲାପାଳଙ୍କ ସମ୍ମିଳନୀ କକ୍ଷରେ ଧନୁଯାତ୍ରା ମହୋତ୍ସବ ସମିତିର କାର୍ଯ୍ୟକାରୀ ଏବଂ ଉପଦେଷ୍ଟା କମିଟିର ବୈଠକ ଥିବା ଯୋଗୁ ଏହି ବୈଠକ ଉପରେ ସଭିଙ୍କ ନଜର ରହିଛି। ଉକ୍ତ ବୈଠକରେ ଏଥର କଂସ ସମେତ ଅନ୍ୟ ପ୍ରମୁଖ କଳାକାରଙ୍କ ଚୟନ ପ୍ରକିୟା ନେଇ ଆଲୋଚନା ହେବା ସହିତ ନିଷ୍ପତ୍ତି ନିଆଯିବ ବୋଲି ସୂଚନା ମିଳିଛି। ଫଳରେ ଉକ୍ତ ବୈଠକ ଅନେକ ଗୁରୁତ୍ବ ବହନ କରୁଥିବାବେଳେ କଳାକାର ଚୟନ ପ୍ରତି ଏଥର କଳାକାରଙ୍କ କେଉଁ ଦିଗକୁ ଅଧିକ ଦୃଷ୍ଟି ଦିଆଯିବ, ତାକୁ ନେଇ ଚା ଖଟିଠାରୁ ଆରମ୍ଭ କରି ସବୁଠି ଚର୍ଚ୍ଚା ଆରମ୍ଭ ହୋଇ ଯାଇଛି।

ସୂଚନା ଅନୁଯାୟୀ, ପ୍ରତି ୩ବର୍ଷରେ ବରଗଡ଼ ଧନୁଯାତ୍ରା ମହୋତ୍ସବର କଳାକାର ଚୟନ ବିଧି ରହିଛି । ତେବେ ସ୍ବାସ୍ଥ୍ୟ ବିଭାଗରେ ସରକାରୀ ଡ୍ରାଇଭରଭାବେ କାର୍ଯ୍ଯରତ ଥିବାବେଳେ ପୂର୍ବତନ କଂସ କଳାକାର ହୃଷୀକେଶ ଭୋଇଙ୍କ ବିରୋଧରେ ଶବ ବାହକ ଗାଡି (ମହାପ୍ରୟାଣ)ରେ ଶବ ପରିବହନ ବାବଦକୁ ଜଣେ ମୃତକଙ୍କଠାରୁ ଅର୍ଥ ଦାବି ଅଭିଯୋଗ ହେବା ସହିତ କଥାଟି ପୋଲିସକୁ ଯାଇଥିଲା ଏବଂ ତାଙ୍କ ବିରୋଧରେ ଥାନାରେ ମାମଲା ମଧ୍ୟ ରୁଜୁ ହୋଇଥିଲା। ଏହା ସହିତ ସ୍ବାସ୍ଥ୍ୟ ବିଭାଗ ମଧ୍ୟ ତାଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ଏଭଳି ବିବାଦୀୟ ହୋଇ ପଡିଥିବା ଯୋଗୁଁ ଗତବର୍ଷ ଧନୁଯାତ୍ରାରେ ତାଙ୍କୁ କଂସ ଅଭିନୟର ସୁଯୋଗ ମିଳି ନ ଥିଲା। ବିଭିନ୍ନ ମହଲରେ ଦାବି ହେବା ପରେ ତାଙ୍କୁ କଂସ ଅଭିନୟରୁ ବାଦ୍ ଦେଇ ସେତେବେଳେ ସେଥର ପାଇଁ କେବଳ କଂସ କଳାକାର ଚୟନ ପ୍ରକିୟା ହୋଇଥିଲା। ଅନ୍ୟପଟେ ଇତିମଧ୍ୟରେ ଆଗକୁ ଆଉ ବରଗଡ଼ ଧନୁଯାତ୍ରା ମହୋତ୍ସବରେ କଂସ ଅଭିନୟ କରିବେ ନାହିଁ ବୋଲି ଗତ ଧନୁଯାତ୍ରା ମହୋତ୍ସବର କଂସ କଳାକାର ଭୁବନେଶ୍ୱର ପ୍ରଧାନ ଘୋଷଣା କରି ସାରିଛନ୍ତି। ସେହିପରି ବରଗଡ଼ ଧନୁଯାତ୍ରା ମହୋତ୍ସବର କଳାକାର ଚୟନକୁ ମଧ୍ୟ ୩ବର୍ଷ ପୂରି ଯାଇଛି। ଫଳରେ ସୋମବାର ହେବାକୁ ଥିବା ଧନୁଯାତ୍ରା ମହୋତ୍ସବ ସମିତିର ବୈଠକରେ କଳାକାର ଚୟନ ପ୍ରକିୟାକୁ ହିଁ ଅଧିକ ଗୁରୁତ୍ବ ଦିଆଯିବ ବୋଲି ସାଧାରଣରେ ଆଲୋଚିତ ହେଉଛି।


Enter your email to get our daily news in your inbox.

All Right Reserved By Dharitri.Com

ଦୁର୍ଘଟଣା ମୁହାଁ କେଲୁଅ ନଦୀବନ୍ଧ: ନିର୍ବାଚନ ପରେ ସଠିକ୍‌ ଢଙ୍ଗରେ ହେଉନି ପୂର୍ତ୍ତ ବିଭାଗ କାମ

ଧର୍ମଶାଳା,୨।୨(ଶିବପ୍ରସାଦ ମହାନ୍ତି): ଯାଜପୁର ଜିଲା ଧର୍ମଶାଳା ବ୍ଲକ କାଏମା ବ୍ରିଜ ଠାରୁ ମିର୍ଜାପୁର ନଦୀବନ୍ଧ ରାସ୍ତାର ବିଭିନ୍ନ ସ୍ଥାନରେ ଖାଲଖମା ସୃଷ୍ଟି ହୋଇଛି। ଏ ନେଇ ପ୍ରତ୍ୟେକ…

ଟ୍ରେନ୍‌ରେ ହଠାତ୍ ଲାଗିଲା ନିଆଁ, ତୁରେକେଲା ରୋଡ୍ ଷ୍ଟେସନରେ…

ବଲାଙ୍ଗୀର,୨।୨(ସୁନିଲ କୁମାର ମହାନ୍ତି/ଗୁରୁଦ୍ୱାଲ ହିଂସ): କଣ୍ଟାବାଞ୍ଜି ଷ୍ଟେସନରୁ ରାୟପୁର ବିଶାଖପାଟଣା ଦେଇ ଯାଉଥିବା ଏକ ମାଲବାହୀ ଟ୍ରେନରେ ନିଆଁ । ତୁରେକେଲା ରେଳ ଷ୍ଟେସନରେ ସୋମବାର ଏକ…

ପାଣି ପାଇଁ ରାଜରାସ୍ତାକୁ ଓହ୍ଲାଇଲେ ମହିଳା: ଶୁଣୁନାହାନ୍ତି ବିଭାଗୀୟ ଯନ୍ତ୍ରୀ

ପରଜଙ୍ଗ,୨/୨(ନିଗମାନନ୍ଦ ଦଳବେହେରା): ଢେଙ୍କାନାଳ ଜିଲା ପରଜଙ୍ଗ ଥାନା ମୁଣ୍ଡେଇଲୋ ପଞ୍ଚାୟତ ହାତୀ ଲୁଚଣି ଗ୍ରାମରେ ଗତ ୧୦ ଦିନ ହେବ ପାଇପ୍‌ ଯୋଗେ ପାନୀୟ ଜଳ ଯୋଗାଣ…

ଉଚ୍ଚ ମାଧ୍ୟମିକ ବିଦ୍ୟାଳୟରେ ‘ଉଡ଼ାନ-୨୦୨୬’: କ୍ରୀଡ଼ା ପ୍ରାଙ୍ଗଣରେ ପ୍ରତିଭାର ମହୋତ୍ସବ

ଥୁଆମୂଳ ରାମପୁର, ୨।୨ (ଦୁର୍ଗା କୀର୍ତ୍ତି)-କଳାହାଣ୍ଡି ଜିଲା ଥୁଆମୂଳ ରାମପୁର ବ୍ଲକ ଅନ୍ତର୍ଗତ ମହୁଲପାଟଣା ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ବାର୍ଷିକ କ୍ରୀଡ଼ା ଓ ସାଂସ୍କୃତିକ…

ନିଷ୍ପାପ ଶିଶୁର ବଡ଼ ବାର୍ତ୍ତା: ନିଜେ ଖାଇ, ଅନ୍ୟକୁ…

ଗୁଣପୁର, ୩୧।୧(ସଂକେତ ପାତ୍ର):ଗ୍ରାମାଞ୍ଚଳର ଏକ ସାଧାରଣ ଦୃଶ୍ୟ, କିନ୍ତୁ ଭାବନାରେ ଅସାଧାରଣ। ନିଷ୍ପାପ ଶିଶୁଟି ନିଜ ହାତରେ ଧରିଥିବା ଖାଦ୍ୟରୁ ନିଜେ ଖାଉଛି, ପୁଣି ସେଇ ଖାଦ୍ୟକୁ…

ପ୍ରଶାସନର ଟାଳଟୁଳ ନୀତିକୁ ବିରୋଧ: ତହସିଲ ଅଫିସ ଘେରାଉ କଲେ ଅଞ୍ଚଳବାସୀ

ଲାଞ୍ଜିଗଡ, ୨।୨(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ ବ୍ଲକ ଲାଞ୍ଜିଗଡର ସବ-ରେଜିଷ୍ଟର କାର୍ଯ୍ୟାଳୟ ସ୍ଥାପନରେ ପ୍ରଶାସନର ଟାଳଟୁଳ ନୀତିକୁ ବିରୋଧ କରି ଅଞ୍ଚଳବାସୀ ସୋମବାର ଲାଞ୍ଜିଗଡ…

ଅନନ୍ୟ ପ୍ରତିଭା ଦେଖାଇଲେ ଅଭିଜିତ-ପ୍ରୀତିଶଙ୍କର

ଗୁଣପୁର, ୨/୨(ସଂକେତ ପାତ୍ର):ଗୁଣପୁର ଗାନ୍ଧୀ ବିଶ୍ୱବିଦ୍ୟାଳୟର ଯାନ୍ତ୍ରିକ (Mechanical Engineering) ବିଭାଗର ତୃତୀୟ ବର୍ଷର ଦୁଇ ଜଣ ଛାତ୍ର ଅଭିଜିତ ନାରାୟଣ ସେଠୀ ଓ ପ୍ରୀତିଶଙ୍କର ପଣ୍ଡା…

ଓଡ଼ିଶାରେ ବିକ୍ରି କଲେ ଧାନ, କେରଳ ଆକାଉଣ୍ଟରେ ଜମା ହେଲା ଟଙ୍କା

ଲୋଇସିଂହା,୨।୨(ସୁଶାନ୍ତ ବାରିକ):ଏବେ ବି ରାଜ୍ୟରେ ମଣ୍ଡିରେ ଧାନ ବିକ୍ରି ନେଇ ଅବ୍ୟବସ୍ଥା ଲାଗି ରହିଛି। ଧାନ ବିକ୍ରି ବାବଦ ଟଙ୍କା ପାଇବାରେ ଚାଷୀଙ୍କୁ ହଟହଟା ହେବକୁ ପଡୁଛି।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala

Model This Week

ପିଲାଙ୍କ ଧରିତ୍ରୀ

Why Dharitri