ପୁରୁଷୋତ୍ତମପୁର,୧୬ା୧(ସୀମାଞ୍ଚଳ ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ବ୍ଲକର ପୂର୍ବତନ ସରପଞ୍ଚ ସଂଘ ସଭାପତି ଓ ପୂର୍ବତନ ପଞ୍ଚାୟତ ଜନପ୍ରତିନିଧିମାନଙ୍କ ବୌଠକ ଓ ବନ୍ଧୁମିଳନ କାର୍ଯ୍ୟକ୍ରମ ଗୁରୁବାର ସଭାପତି ରାଜେନ୍ଦ୍ର ପ୍ରସାଦ ଶତପଥୀ ସଂଯୋଜନାରେ ହିଣ୍ଡୁଳାଗ୍ରାମଠାରେ ଅନୁଷ୍ଠିତ ହୋଇଯାଇଛି। ଏଥିରେ ପୂର୍ବତନ ଜନପ୍ରତିନିଧିମାନଙ୍କ ସହ ବର୍ତ୍ତମାନର ବହୁଜନ ପ୍ରତିନିଧି ଯୋଗଦେଇଥିଲେ। ପୂର୍ବବର୍ଷମାନଙ୍କର ସ୍ମୃତିକୁ ମନେ ପକେଇବା ସହିତ ଆଗାମୀ ଦିନରେ ସମସ୍ତେ ଏକତ୍ରିତ ହୋଇ ରହି ମିଳିମିଶି କାର୍ଯ୍ୟ କରି ଯେପରି ପଞ୍ଚାୟତର ବିକାଶ ହେବା ସହ ଜନସାଧାରଣଙ୍କ ରହିଥିବା ସମସ୍ୟାମାନ ସମାଧାନ ହୋଇପାରିବ ସେଥିନେଇ କାର୍ଯ୍ୟ କରିବାକୁ ନିଷ୍ପତ୍ତି ନେଇଥିଲେ। ସଭାପତି ତଥା ରାଇପୁର ପଞ୍ଚାୟତର ପୂର୍ବତନ ସରପଞ୍ଚ ରାଜେନ୍ଦ୍ର ପ୍ରସାଦ ଶତପଥୀ, ପାଣ୍ଡିଆ ପୂର୍ବତନ ସରପଞ୍ଚ ତଥା ସମ୍ପାଦକ ଗୋପାଳ ସେଠୀ, ସିଏଚ ନୂଆଗାଁ ପୂର୍ବତନ ସମିତିସଭ୍ୟ ନିର୍ମଳ ଚନ୍ଦ୍ର ସାହୁ, କେଏନ ପୁର ପୂର୍ବତନ ସରପଞ୍ଚ କୈଳାସ ଗୌଡ଼, ପ୍ରତାପୁର ପୂର୍ବତନ ସମିତିସଭ୍ୟ ଗୌରୀ ଶଙ୍କର ରାଉଳ, ଷୋଳଘର ସମିତିସଭ୍ୟ ପ୍ରମୋଦ ମହାନ୍ତି, ଚିଙ୍ଗୁଡ଼ି ଘାଇ ପ୍ରଶାନ୍ତ ପ୍ରଧାନ, ଟଙ୍କା ଛାଇ ଚିରଞ୍ଜୀବ ବିଷୋୟୀ, ରଣ ଝାଲି ରମେଶ ବେହେରା, ଶିକୁଳା ରବୀନ୍ଦ୍ର ବେହେରା, ଟଙ୍କା ଛାଇ ଅମର ସ୍ବାଇଁ, ଭୀମପୁର ନାରାୟଣ ପାଣିଗ୍ରାହୀ, ସମା ଗୋବର୍ଦ୍ଧନ ବିଷୋୟୀ, ପ୍ରତାପୁର କାହ୍ନୁ ଚରଣ ନାୟକ, ଜଗନ୍ନାଥପୁର ସତ୍ୟନାରାୟଣ ଗୌଡ଼, ସୁନାଥର ମୁନା ବସନ୍ତିଆ, ବଡ଼ ବଗାଁ ହରିକୃଷ୍ଣ ବେହେରା ପ୍ରମୁଖ ଜନ ପ୍ରତିନିଧିମାନେ ଯୋଗଦେଇ ଥିଲେ।
