ଭୁବନେଶ୍ୱର,୨୩।୫: ବର୍ତ୍ତମାନ ସାରା ଦେଶରେ ସମସ୍ତ ପ୍ରକାରର ଅତ୍ୟାବଶ୍ୟକ ସାମଗ୍ରୀର ଦରବୃଦ୍ଧିକୁ ନେଇ ବିଭିନ୍ନ ସ୍ତରରେ ଚର୍ଚ୍ଚା, ଆଲୋଚନା ଓ ଆନ୍ଦୋଳନ ଜାରି ରହିଛି। ଏପରିକି ବିରୋଧୀ ଦଳଗୁଡ଼ିକ ଦରବୃଦ୍ଧିକୁ ଅସ୍ତ୍ର କରି ସରକାରଙ୍କୁ ଅକଳରେ ପକାଇ ଆସୁଛନ୍ତି। ମେ ୨୧ରେ ହଠାତ କେନ୍ଦ୍ର ସରକାର ତୈଳ ଦର ଉପରୁ ଉତ୍ପାଦ ଶୁଳ୍କ ହ୍ରାସ କରିଛନ୍ତି। ବିଶେଷ କରି ପେଟ୍ରୋଲ ଉପରୁ ୮ଟଙ୍କା ଓ ଡିଜେଲରୁ ୬ଟଙ୍କା ଶୁଳ୍କ କମାଇବା ଫଳରେ ପ୍ରାୟ ଦୁଇ ମାସ ହେବ ସ୍ଥିର ରହିଥିବା ତୈଳ ଦର ରବିବାର ପରିବର୍ତ୍ତନ ହୋଇଛି। ଦେଶର ପ୍ରମୁଖ ତୈଳ ବିପଣନ କମ୍ପାନୀ ଭାରତୀୟ ତୈଳ ନିଗମ ଲିମିଟେଡ (ଆଇଓସିଏଲ)ର ସୂଚନା ଅନୁସାରେ ରବିବାର ଭୁବନେଶ୍ୱରରେ ପେଟ୍ରୋଲ ଲିଟର ପିଛା ୧୦୩.୧୯ ଟଙ୍କା ଥିବାବେଳେ ଡିଜେଲ ୯୪.୭୬ ଟଙ୍କାରେ ରହିଛି। ସେହିଭଳି ରାଜ୍ୟର ପ୍ରମୁଖ ସହର କଟକ ସହରାଞ୍ଚଳରେ ପେଟ୍ରୋଲ ଲିଟର ପିଛା ୧୦୩.୫୪ ଟଙ୍କା ଥିବାବେଳେ ଡିଜେଲ ୯୫.୧୦ ଟଙ୍କାରେ ପହଞ୍ଚତ୍ଛି। ସେହିପରି ବାଲେଶ୍ୱର, ଭଦ୍ରକ, ପୁରୀ, ଢେଙ୍କାନାଳ, ସମ୍ବଲପୁର, ରାଉଲକେଲା, ମାଲକାନଗିରି, ଗଜପତି ଏବଂ ବହ୍ମପୁର ଭଳି ସହରାଞ୍ଚଳରେ ପେଟ୍ରୋଲ ଲିଟର ପିଛା ଯଥାକ୍ରମେ ୧୦୩.୧୮ ଟଙ୍କା, ୧୦୩.୭୫ ଟଙ୍କା, ୧୦୩.୧୧ ଟଙ୍କା, ୧୦୩.୯୮ ଟଙ୍କା, ୧୦୩.୭୮ ଟଙ୍କା, ୧୦୪.୬୦ ଟଙ୍କା, ୧୦୮.୯୩ ଟଙ୍କା, ୧୦୫.୬୬ ଟଙ୍କା, ୧୦୪. ୮୪ ଟଙ୍କା ଥିଲାବେଳେ ଡିଜେଲ ଦର ମଧ୍ୟ ୯୪.୭୬ ଟଙ୍କା, ୯୫.୩୧ ଟଙ୍କା, ୯୪.୬୮ଟଙ୍କା, ୯୫.୫୨ ଟଙ୍କା,୯୫.୩୫ ଟଙ୍କା, ୯୫.୯୩ ଟଙ୍କା,୧୦୦.୩୦ ଟଙ୍କା, ୯୭ .୧୩ ଟଙ୍କା, ୯୬ .୩୪ ଟଙ୍କାରେ ବିକ୍ରି ହେଉଛି ବୋଲି ଡିଲର ପଏଣ୍ଟଗୁଡିକରୁ ସୂଚନା ମିଳିଛି।
କେନ୍ଦ୍ର ସରକାର ତୈଳ ଦର ଉପରୁ ଟିକସ ହ୍ରାସ କରିବା ଫଳରେ ନୂଆଦିଲ୍ଲୀରେ ରବିବାର ଉଭୟ ପେଟ୍ରୋଲ ଓ ଡିଜେଲରୁ ୯.୫୦ ଟଙ୍କା ଓ ୭ ଟଙ୍କା କମିଥିବା ସୂଚନା ମିଳିଛି। ଫଳରେ ରବିବାର ନୂଆଦିଲ୍ଲୀରେ ପେଟ୍ରୋଲ ଲିଟର ପିଛା ୯୬.୭୨ ଟଙ୍କା ଥିବାବେଳେ ଡିଜେଲ ଲିଟର ପିଛା ୮୯.୬୨ ଟଙ୍କାରେ ବିକ୍ରି ହେଉଛି। ସେହିଭଳି ଦେଶର ପ୍ରମୁଖ ମହାନଗର କୋଲକାତା, ମୁମ୍ବାଇ ଓ ଚେନ୍ନାଇରେ ପେଟ୍ରୋଲ ଦର ୧୦୬.୦୩ ଟଙ୍କା, ୧୧୧.୩୫ ଟଙ୍କା ଏବଂ ୧୦୨.୬୫ ଟଙ୍କାରେ ପହଞ୍ଚତ୍ଥିବାବେଳେ ଡିଜେଲ ଦର ମଧ୍ୟ ଯଥାକ୍ରମେ ଉପରୋକ୍ତ ମହାନଗରରେ ୯୨.୭୬ ଟଙ୍କା,୯୭.୨୮ ଟଙ୍କା ଏବଂ ୯୪.୨୫ ଟଙ୍କାରେ କାରବାର ହେଉଥିବା ଆଇଓସିଏଲ ପକ୍ଷରୁ ସୂଚନା ମିଳିଛି।
