ମୁମ୍ବାଇ ୧୭। ୩:ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ୍ନବିସ୍ଙ୍କ ସ୍ତ୍ରୀ ତଥା ବ୍ୟାଙ୍କର ଅମୃତା ଫଡ୍ନବିସ୍ଙ୍କୁ ମୁମ୍ବାଇର ଜଣେ ଡିଜାଇନର୍ ବ୍ଲାକ୍ମେଲ୍ କରିବା ନେଇ ଥାନାରେ ଅଭିଯୋଗ ହେବାପରେ ଗୁରୁବାର ଉକ୍ତ ଡିଜାଇନରଙ୍କୁ ପୋଲିସ ଗିରଫ କରିଛି। ଅନିକ୍ସା ନାମ୍ନୀ ଡିଜାଇନଙ୍କ ବିରୋଧରେ ଫେବୃୟାରୀ ୨୦ରେ ଅମୃତା ମୁମ୍ବାଇସ୍ଥିତ ମାଲାବାର ହିଲ୍ ଥାନାରେ ଏଫ୍ଆଇଆର୍ କରିଥିଲେ। ଅନିକ୍ସାଙ୍କ ବାପା ଅନୀଲ ଜୟସିଂଘାଲିଙ୍କ ବିରୋଧରେ ଅନେକ ଥାନାରେ ମାମଲା ରହିଛି। ସେଗୁଡ଼ିକରୁ ତାଙ୍କ ନଁାକୁ ହଟାଇବା ଲାଗି ଲାଞ୍ଚ ସ୍ବରୂପ ଅନିକ୍ସା ୧ କୋଟି ଟଙ୍କା ଅମୃତାଙ୍କୁ ଦେବାକୁ କହିଥିବା ଅଭିଯୋଗରେ ଉଲ୍ଲେଖ କରିଥିଲେ। ୨୦୨୧ ନଭେମ୍ବରରେ ପ୍ରଥମ ଥର ଅମୃତା ଡିଜାଇନର୍ଙ୍କ ସମ୍ପର୍କରେ ଆସିଥିଲେ। ଅନିକ୍ସା ଅନେକ ଡିଜାଇନ୍ଡ ପୋଷାକ ଓ ଅଳଙ୍କାର ଅମୃତାଙ୍କୁ ପଠାଇଥିଲେ। ଫେବୃୟାରୀ ୧୬ରେ ଡିଜାଇନର୍ ଅମୃତାଙ୍କୁ ଫୋନ୍ କରି କହିଥିଲେ, ବାପା ଅନୀଲ ଏକ ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି। ତାଙ୍କୁ ଦୋଷମୁକ୍ତ କରିଦେଲେ ତା’ ବଦଳରେ ସେ କୋଟିଏ ଟଙ୍କା ଦେବେ । ଲାଞ୍ଚ କଥା ଶୁଣି ଅମୃତା ସଙ୍ଗେ ସଙ୍ଗେ ଫୋନ୍ କାଟି ଦେଇଥିଲେ। ଅନିକ୍ସା ଅମୃତାଙ୍କୁ ଏକ ବ୍ୟାଗ୍ ଭର୍ତ୍ତି ଟଙ୍କା ଯାଚିଥିବାବେଳେ ସେ ଅମୃତାଙ୍କୁ ବ୍ଲାକ୍ମେଲ୍ କରୁଥିବା ମହାରାଷ୍ଟ୍ର ଉପ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡ୍ନବିସ୍ ନିଜ ପ୍ରତିକ୍ରିୟାରେ କହିଥିଲେ।
