ଦାରିଙ୍ଗବାଡି,୧୦।୨(ଅରୁଣ ସାହୁ): ଓଡିଶାର କଶ୍ମୀର କୁହାଯାଉଥିବା ପର୍ଯ୍ୟଟନ କ୍ଷେତ୍ର ଦାରିଙ୍ଗବାଡି ଗସ୍ତରେ ରାଜ୍ୟର ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା। ସେ ସୋମବାର ବିଳମ୍ବିତ ରାତ୍ରିରେ ଦାରିଙ୍ଗବାଡି ଇକୋ ରିଟ୍ରିଟ ପରିସରରେ ପହଞ୍ଚିଥିଲେ। ତାଙ୍କୁ ସ୍ଥାନୀୟ ପ୍ରଶାସନ ଓ ସାଧାରଣ ଲୋକ ଏବଂ ଭାଜପା ପକ୍ଷରୁ ବିପୁଳ ସମ୍ବର୍ଦ୍ଧନା ଦିଆଯିବା ସହ ମୁଖ୍ୟ ପାଠକଠାରୁ ପାରମ୍ପରିକ ବାଦ୍ୟ ଯନ୍ତ୍ର, ଚାଙ୍ଗୁ ନୃତ୍ୟରେ ଶୋଭାଯାତ୍ରା ମାଧ୍ୟମରେ ସ୍ବାଗତ କରାଯାଇଥିଲା। ସେ ସକାଳ ସମୟରେ ଇକୋ ରିଟ୍ରିଟ ପରିସରେ ବୁଲି ଦାରିଙ୍ଗବାଡିର ଶୀତକୁ ଅନୁଭବ କରି ପ୍ରଂଶସା କରିଥିଲେ। ସେହିପରି ଓଡିଶା ପର୍ଯ୍ୟଟନ ବିଭାଗ ଦ୍ୱାରା ପ୍ରତିବର୍ଷ କରାଯାଉଥିବା ଇକୋ ରିଟ୍ରିଟ ପରିଦର୍ଶନ କରିବା ସହ ଇକୋ ରିଟ୍ରିଟ ରେ କାର୍ଯ୍ୟରତ କର୍ମଚାରୀ, ଅଧିକାରୀଙ୍କ ସହ ଆଲୋଚନା କରିଥିଲେ।
ଦାରିଙ୍ଗବାଡିର ପର୍ଯ୍ୟଟନକ୍ଷେତ୍ର ବୁଲିବା ପରେ ପର୍ଯ୍ୟଟନ କ୍ଷେତ୍ରର ବିକାଶକୁ ନେଇ ଏକ ସମୀକ୍ଷା କାର୍ଯ୍ୟକ୍ରମ ଇକୋ ରିଟ୍ରିଟ ପରିସର ମଧ୍ୟରେ ରହିଥିବା ଜଣାପଡିଛି। ଉପମୁଖ୍ୟମନ୍ତ୍ରୀଙ୍କ ଏହି ଗସ୍ତ ସମୟରେ ଫୁଲବାଣୀ ବିଧାୟକ ଉମା ଚରଣ ମଲିକ, କନ୍ଧମାଳ ଜିଲାପାଳ ବେଦ ଭୂଷଣ, ବାଲିଗୁଡା ଉପଜିଲାପାଳ ପ୍ରଣୀତା ଦାସ,କନ୍ଧମାଳ ଅତିତିକ୍ତ ଏସପି ରମେନ୍ଦ୍ର ପ୍ରସାଦ, ଡିଏସପି ଗୋବିନ୍ଦ ଚନ୍ଦ୍ର ବୁରୁଦା,ବାଲିଗୁଡା ଏସଡିପିଓ ଶ୍ରୀନିବାସୁଲୁ,ମୁଖ୍ୟ ଉନ୍ନୟନ ଅଧିକାରୀ ଶମ୍ବୁନାଥ ନନ୍ଦୀ, ଫୁଲବାଣୀ ଆଇଟିଡିଏର ପ୍ରକଳ୍ପ ପ୍ରଶାସକ ଗଦାଧର ପାତ୍ର, ଦାରିଙ୍ଗବାଡି ବିଡ଼ିଓ ପ୍ରୀତିରଞ୍ଜନ ରଥ,ତହସିଲଦାର ଧୀରଜ ପାତ୍ର, ଜିଲା ପର୍ଯ୍ୟଟନ ଅଧିକାରୀ ଶ୍ରୀନିବାସ ଷଡ଼ଙ୍ଗୀ ପ୍ରମୁଖ ଉପସ୍ଥିତ ରହିଛନ୍ତି। ଦାରିଙ୍ଗବାଡି ଆଇଆଇସି ସଂଗ୍ରାମ କେଶରୀ ଜେନାଙ୍କ ନେତୃତ୍ୱରେ ସୁରକ୍ଷାକର୍ମୀ ସଦଳବଳ ଆଇନଶୃଙ୍ଖଳାର ତଦାରଖ କରିଥିଲେ।
Dharitri – Odisha’s No.1 Odia Daily
