କେସିଙ୍ଗା,୧୬ା୮(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗାସ୍ଥିତ କୋଣାର୍କ ସୂତାକଳରେ ନୂତନ ପରିଚାଳକ ନିର୍ଦ୍ଦେଶକଙ୍କ ନିଯୁକ୍ତି ଓ ସୂତାକଳକୁ ରୂପାନ୍ତରିତ କରିବା ପାଇଁ ରାଜ୍ୟ ସଭା ଏମ୍ପି ସୁଜିତ କୁମାର ଓ ଜିଲାପାଳଙ୍କୁ କୋଣାର୍କ ସୂତାକଳର କର୍ମଚାରୀ ଓ ଶ୍ରମିକ ସଂଘର ଉପସଭାପତି ସୁରେଶ ରାଓ ଭବାନୀପାଟଣାରେ ବୁଧବାର ସାକ୍ଷାତକରି ଏକ ଦାବିପତ୍ର ପ୍ରଦାନ କରିଛନ୍ତି। ଗତ ୧୩.୮.୨୩ରେ କୋଣାର୍କ ସୂତାକଳର ପରିଚାଳକ ନିର୍ଦ୍ଦେଶକ ଅନୀଲ କୁମାର ଦୋରାଙ୍କ ଅକାଳ ବିୟୋଗ ହୋଇଥିବାରୁ ସୂତାକଳର ପରିଚାଳନା କ୍ଷେତ୍ରରେ ବହୁ ଅସୁବିଧା ହେଉଥିବାରୁ ଏଠାରେ ଯଥାଶୀଘ୍ର ପରିଚାଳନା ନିର୍ଦ୍ଦେଶକଙ୍କ ନିଯୁକ୍ତି ପାଇଁ ଦାବି କରାଯାଇଛି।
କଳାହାଣ୍ଡି ଜିଲାର ଏକ ମାତ୍ର ସୂତାକଳ ସମଗ୍ର ବିଶ୍ୱ ଦରବାରରେ ପରିଚିତ। ଦୀର୍ଘ ୩୦ବର୍ଷରୁ ଊଦ୍ଧର୍ବ ହେଲା ଏହି ସୂତାକଳ ଅର୍ଦ୍ଧନିର୍ମିତ ଅବସ୍ଥାରେ ପଡ଼ିରହିଛି। କପା ଫସଲ ଅମଳ ସମୟରେ ବହୁ ଅମଳ ହୋଇ ଏହି ମିଲ୍ରେ ଜିନିଙ୍ଗ ହୋଇ ବାହାର ରାଜ୍ୟକୁ ଯାଉଛି। କିନ୍ତୁ ସୂତାକଳ ସବୁ ପ୍ରକାର ଭିତ୍ତିଭୂମି ସୁବିଧା ଥାଇ ମଧ୍ୟ ଦୀର୍ଘ ୩୦ବର୍ଷ ହେଲା ସୂତାକୁଳ ବିକାଶ ହୋଇପାରୁନାହିଁ। ରାଜ୍ୟ ସରକାରଙ୍କ ଦୃଷ୍ଟି ଦେଲେ ଏଠାରେ ଆଖପାଖ ଅଞ୍ଚଳର ହଜାର ହଜାର ଶ୍ରମିକ ଓ କର୍ମଚାରୀ ନିଯୁକ୍ତି ପାଇଁ ପାରିବେ। ଏହି ଅଞ୍ଚଳରେ କପାକୁ ଜିନିଙ୍ଗ କରି ଅନ୍ୟ ରାଜ୍ୟକୁ ପଠାଯାଉଛି। ଅଥଚ ଏହି ଅଞ୍ଚଳରେ କୁଟୀର ଶିଳ୍ପ ନିର୍ମାଣ କଲେ ଘରେ ଘରେ ମହିଳା, ଯୁବକ/ଯୁବତୀ ଘରେ ବସି ରେଡି ମେଟ ପ୍ୟାଣ୍ଟ, ପ୍ୟାଣ୍ଟ ଶର୍ଟ, ଧୋତି, ବ୍ଲାଉଜ ଇତ୍ୟାଦି କାମ କରି ରୋଜଗାରକ୍ଷମ ହୋଇପାରିବେ। ଯୁବତୀ/ଯୁବକ ରୋଜଗାର ବୃଦ୍ଧି ପାଇପାରିବ। ଶିଳ୍ପର ବିକାଶ ହେବ। କଳାହାଣ୍ଡି ଜିଲା ତଥା ଏହି ଅଞ୍ଚଳର କୃଷକ, ଯୁବତୀ/ଯୁବକ ବ୍ୟବସାୟୀଙ୍କ ଆର୍ଥିକ ବିକାଶ ସଙ୍ଗେ କୁଟୀର ଶିଳ୍ପ ନିର୍ମାଣ ଓ ଅର୍ଦ୍ଧ ନିର୍ମିତ ସୂତାକଳର ରୂପାନ୍ତରିତ କରିବା ପାଇଁ ରାଜ୍ୟ ସଭା ଏମ୍ପି ସୁଜିତ କୁମାର ଓ କଳାହାଣ୍ଡି ଜିଲାପାଳଙ୍କ ନିକଟରେ କୋଣାର୍କ ସୂତାକଳ କର୍ମଚାରୀ ଶ୍ରମିକ ସଂଘର ଉପସଭାପତି ସୁରେଶ ରାଓ, ସାଧାରଣ ସଂପାଦକ ଜୋନାଥନ ନାଏକ, ଯୁଗ୍ମ ସମ୍ପାଦକ ଅମରେଶ ସେଠୀ, ପୂର୍ବତନ କର୍ମଚାରୀ ସଂଯୁକ୍ତା ନାଏକ, ପବିତ୍ର କୁମାର ପ୍ରମୁଖ ଦାବି କରିଛନ୍ତି।
