ସୋହେଲା,୨୭ା୫(ଡି.ଏନ୍.ଏ.): ମରୁଡ଼ି କ୍ଷତିଗ୍ରସ୍ତ ଚାଷୀମାନଙ୍କୁ ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ବୀମା ସହାୟତା ପ୍ରଦାନରେ ଅହେତୁକ ବିଳମ୍ବ ହୋଇଛି। ଚାଷୀମାନେ ବୀମା କମ୍ପାନୀ ଏବଂ ପ୍ରଶାସନକୁ ବାରମ୍ବାର ଦୃଷ୍ଟି ଆକର୍ଷଣ ସତ୍ତ୍ବେ କିଛି ସୁଫଳ ମିଳି ନାହିଁ। ଏହାର ପ୍ରତିବାଦରେ ବରଗଡ଼ ଜିଲା ସୋହେଲାରେ ଚାଷୀମାନେ ସମ୍ବଲପୁର-ରାୟପୁର ଜାତୀୟ ରାଜପଥକୁ ଅବରୋଧ କରିଛନ୍ତି। ସୋହେଲା- ପଦ୍ମପୁର ବିଜୁ ଏକ୍ସପ୍ରେସ ଓ୍ବେକୁ ମଧ୍ୟ ଅବରୋଧ କରାଯାଇଛି। ଫଳରେ ସେହେଲାରୁ ବରଗଡ଼ ଛତିଶଗଡ଼ ଏବଂ ପଦ୍ମପୁର ପଟକୁ ଯାତାୟାତ ଠପ୍ ପଡ଼ିଛି। ରାଜପଥର ଉଭୟ ପାଶର୍ବରେ ବହୁସଂଖ୍ୟକ ଯାନବାହନ ଅଟକି ରହିଛି। ୨୦୨୧ ମସିହାର ଫସଲ ବୀମାର ପ୍ରାପ୍ୟ ଚାଷୀମାନଙ୍କୁ ତୁରନ୍ତ ପ୍ରଦାନ କରିବାକୁ ଚାଷୀମାନେ ଦାବି କରିଛନ୍ତି । କୃଷକ ବିକାଶ ମଞ୍ଚ ନେତୃତ୍ୱରେ ଚାଲିଥିବା ଏହି ଆନ୍ଦୋଳନରେ ବହୁସଂଖ୍ୟକ ଚାଷୀ ଏକତ୍ରିତ ହୋଇଛନ୍ତି। ଚାଷୀନେତା ମନ ମାଝିଙ୍କ ନେତୃତ୍ୱରେ ଆନ୍ଦୋଳନ ଚାଲିଛି ।
