ପ୍ରୟାଗରାଜ,୧୮।୧: ଉତ୍ତରପ୍ରଦେଶର ପ୍ରୟାଗରାଜରେ ଆରମ୍ଭ ହୋଇଥିବା ମହାକୁମ୍ଭ ମେଳାରେ କୋଟି କୋଟି ଶ୍ରଦ୍ଧାଳୁ ପବିତ୍ର ବୁଡ଼ ପକାଇ ସାରିଛନ୍ତି। ଏବେ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ମଧ୍ୟ ମହାକୁମ୍ଭରେ ପହଞ୍ଚି ସାରିଛନ୍ତି। ସେ କହିଛନ୍ତି, ଯେ ଏହା ମୋର ସୌଭାଗ୍ୟ ଯେ ଭଗବାନ ମୋତେ ମହାକୁମ୍ଭକୁ ଆସିବାର ସୁଯୋଗ ଦେଇଛନ୍ତି। ପ୍ରତିରକ୍ଷା ମନ୍ତ୍ରୀ ତ୍ରିବେଣୀ ସଙ୍ଗମରେ ବୁଡ଼ ପକାଇ କହିଲେ ଯେ ମହାକୁମ୍ଭ ଭାରତୀୟ ସଂସ୍କୃତିର ଏକ ମହାନ ପର୍ବ।
ପ୍ରତିରକ୍ଷା ମନ୍ତ୍ରୀ କହିଛନ୍ତି, ‘ଏହି ସ୍ବତନ୍ତ୍ର ମହାକୁମ୍ଭକୁ ଆସି ସଙ୍ଗମରେ ବୁଡ଼ ପକାଇ ମୁଁ ନିଜକୁ ଧନ୍ୟ ମନେ କରୁଛି। ମୁଁ ବିଶ୍ୱାସ କରେ ଯେ ଏହା ଭାରତୀୟ ସଂସ୍କୃତି ଏବଂ ସନାତନ ଧର୍ମର ଆଧ୍ୟାତ୍ମିକ ଅନୁଭୂତିର ଏକ ପର୍ବ। ମହାକୁମ୍ଭ ହେଉଛି ଜ୍ୟୋର୍ତିବିଜ୍ଞାନ ଉପରେ ଆଧାରିତ ଏକ ଉତ୍ସବ। ସମସ୍ତ ଜାତି, ଧର୍ମ ଏବଂ ବିଭିନ୍ନ ଦେଶର ଲୋକମାନେ ଏକତାରେ ଏକାଠି ହୁଅନ୍ତି।
ରାଜନାଥ ସିଂହ କହିଛନ୍ତି ଯେ ମହାକୁମ୍ଭ ହେଉଛି ସନାତନ ଧର୍ମର ଆଧ୍ୟାତ୍ମିକତା ଏବଂ ବୈଜ୍ଞାନିକ ଦିଗ ସହିତ ଗଙ୍ଗା, ଯମୁନା ଏବଂ ସରସ୍ବତୀଙ୍କ ସଙ୍ଗମସ୍ଥଳ ଏବଂ ସାମାଜିକ ସମନ୍ବୟ। ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ମହାକୁମ୍ଭର ଏହି ବାର୍ତ୍ତା ହେଉଛି ଯେ ଭାରତ ଏକତାବଦ୍ଧ ରହିବ।
