ମୁମ୍ବାଇ: ଦେଶରେ କରୋନା ମହାମାରୀ କାୟା ବିସ୍ତାର କରିବା ପରଠାରୁ ଏହାକୁ ଦୂରେଇ ଦେବାକୁ ପ୍ରୟାସ ଜାରି ରହିଛି । ସ୍ୱାସ୍ଥ୍ୟବିଶେଷଜ୍ଞଙ୍କ ପରାମର୍ଶ ଅନୁଯାୟୀ, ସମସ୍ତେ ମାସ୍କ ପିନ୍ଧିବା ଜରୁରୀ ବୋଲି କୁହାଯାଇଛି । ଲୋକେ ୧୦ଟଙ୍କାରୁ ଆରମ୍ଭ କରି ପାଖାପାଖି ୫୦୦ଟଙ୍କିଆ ପର୍ଯ୍ୟନ୍ତ ମାସ୍କ ପିନ୍ଧୁଥିବା ଦେଖାଯାଇଛି । ହେଲେ ବଲିଉଡ୍ ସେଲିବ୍ରିଟିମାନେ ଯେଉଁ ମାସ୍କ ବ୍ୟବହାର କରୁଛନ୍ତି ତାହା ଖୁବ୍ ଦାମୀ ବୋଲି ଜଣାପଡିଛି । ନିକଟରେ ପଦ୍ମାବତ ଫେମ୍ ଦୀପିକା ପାଦୁକୋନ ଏକ ବ୍ଲାକ କଲର ମାସ୍କ ପିନ୍ଧିଥିଲେ ଯାହା ଏବେ ଚର୍ଚ୍ଚାକୁ ଆସିଛି । ନିକଟରେ ସେ ଏକ ପାର୍ଟିକୁ ଯିବା ସମୟରେ ବ୍ଲାକ କଲର ବଡିଶୁଟ୍, ବ୍ଲାକ ପ୍ୟାଣ୍ଟ ସହ ବ୍ଲାକ କଲର ମାସ୍କ ପିନ୍ଧିଥିଲେ । ହେଲେ ସେ ଯେଉଁ ମାସ୍କ ପିନ୍ଧିଥିଲେ ତାହାର ଦାମ ୧ହଜାର କି ୨ ହଜାର ନୁହେଁ ବରଂ ୨୫ ହଜାର ଟଙ୍କା ବୋଲି ଜଣାପଡିଛି । ଯେଉଁଥିପାଇଁ ଏବେ ଏହି ମାସ୍କ ଆସିଛି ଚର୍ଚ୍ଚାକୁ । ଦୀପିକାଙ୍କ ଏହି ମାସ୍କ ଲୁଇସ୍ ବେଟାନ ମାସ୍କ ଅଟେ । ଏହି କମ୍ପାନୀ ଦାମୀ ଜିନିଷ ପାଇଁ ବେଶ୍ ଜଣାଶୁଣା । କମ୍ପାନୀ ଦାବି କରିଛି ଯେ ଯଦି ଆପଣ ଦିନସାରା ଏହି ମାସ୍କ ପିନ୍ଧୁଛନ୍ତି ତେବେ ଆପଣଙ୍କୁ କିଛି ଅସୁବିଧା ଲାଗିବ ନାହିଁ । ଏବେ ଆଲୋଚନା ହେଉଛି କି ଏହି ମାସ୍କ କେବଳ ଏଲିଟ କ୍ଲାସର ଲୋକଙ୍କ ପାଇଁ କାରଣ ସାଧାରଣ ଲୋକେ ଏତେ ଦାମ୍ ଦେଇ ଏହି ମାସ୍କ କିଣିବା ମୁସ୍କିଲ ।
