ମୁମ୍ବାଇ: ବଲିଉଡ୍ ନାୟିକା ଦୀପିକା ପାଦୁକୋନ ଏବେ ଖୁବ୍ ଚର୍ଚ୍ଚାରେ । ବଲିଉଡ୍ ନାୟକ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ଏହାସହ ଯୋଡି ହୋଇଯାଇଛି ଡ୍ରଗ୍ସ ମାମଲା । ଆଉ ଏହି ମାମଲରେ କେତେଜଣ ସେଲିବ୍ରିଟିଙ୍କ ନାଁ ଥିବା ବେଳେ ଦୀପିକା ଏମାନଙ୍କ ମଧ୍ୟରୁ ଜଣେ । ଡ୍ରଗ୍ସ ମାମଲାରେ ତାଙ୍କ ନାଁ ଆସିବା ପରଠାରୁ ତାଙ୍କୁ ଆଉ ରଣବୀର ସିଂଙ୍କ ସହ ଦେଖିବାକୁ ମିଳୁନାହିଁ କହିଲେ ଚଳେ । ହେଲେ ଏହି ଦମ୍ପତି ସୋସିଆଲ ମିଡିଆରେ ଖୁବ୍ ଆକ୍ଟିଭ ରହୁଛନ୍ତି । ଅନେକ ସମୟରେ କିଛି ନା କିଛି ଭିଡିଓ ବା ଫଟୋ ଶେୟାର କରି ପ୍ରଶଂସକଙ୍କ ନିକଟତର ହେଉଛନ୍ତି । ନିକଟରେ ରଣବୀର ତାଙ୍କ ଇନଷ୍ଟାଗ୍ରାମରେ ଏକ ଭିଡିଓ ଶେୟାର କରିଛନ୍ତି ଯାହା ଏକ ବିଜ୍ଞାପନର । ଆଉ ଏଥିରେ ଉଭୟ ନଜର ଆସିଛନ୍ତି । ବିଜ୍ଞାପନଟି ଜିଓ ଫାଇବରର ହୋଇଥିବା ବେଳେ ଉଭୟ ଏଥିରେ ଖୁବ୍ ମସ୍ତି କରୁଥିବା ଦେଖାଯାଇଛି । ଏହି ଭିଡିଓଟି ରଣବୀର ପୋଷ୍ଟ କରିବା ପରେ ତାହା ତାଙ୍କ ପ୍ରଶଂସକଙ୍କୁ ପସନ୍ଦ ଆସିଛି । କେହି କେହି କମେଣ୍ଟରେ ଉଭୟଙ୍କ ପ୍ରଶଂସା କରିଥିବା ବେଳେ ଉଭୟଙ୍କୁ ପୁଣିଥରେ ଏକାଠି କୌଣସି ଫିଲ୍ମରେ ଦେଖିବାକୁ ଇଚ୍ଛା ରଖିଥିବା ପ୍ରକାଶ କରିଛନ୍ତି । ଅବଶ୍ୟ ଦୀପବୀର ପୂର୍ବରୁ ରାମଲିଳା, ବାଜିରାଓ ମସ୍ତାନୀ, ପଦ୍ମାବତ ଆଦିରେ ଏକାଠି ନଜର ଆସି ସାରିଛନ୍ତି । ଏହି ଯୋଡି ଦର୍ଶକଙ୍କୁ ମଧ୍ୟ ପସନ୍ଦ ଆସିଛି ।
