ନୂଆଦିଲ୍ଲୀ,୨୧।୩ : ଜଣେ ସାତ ବର୍ଷର ଶିଶୁଙ୍କୁ ଅପହରଣ ଓ ହତ୍ୟା ମାମଲାରେ ତାମିଲନାଡୁର ଜଣେ ବ୍ୟକ୍ତିଙ୍କୁ ଦିଆଯାଇଥିବା ମୃତ୍ୟୁଦଣ୍ଡର ଶୁଣାଣି ସୁପ୍ରିମକୋର୍ଟ ମଙ୍ଗଳବାର କରିଛନ୍ତି। ଏହି ଘଟଣା ୨୦୦୯ ମସିହାରେ ଘଟିଥିଲା। ପ୍ରଧାନ ବିଚାରପତି ଡି.ଓ୍ବାଇ. ଚନ୍ଦ୍ରଚୂଡ଼, ଜଷ୍ଟିସ ହିମା କୋହଲି ଏବଂ ଜଷ୍ଟିସ ପିଏସ ନରସିଂହଙ୍କ ଏକ ବେଞ୍ଚ ଏହି ଦୋଷୀଙ୍କ ଦୋଷକୁ କାଏମ ରଖିଛନ୍ତି। ତେବେ ବେଞ୍ଚ ତାଙ୍କ ମୃତ୍ୟୁ ଦଣ୍ଡକୁ କୋଡିଏ ବର୍ଷ କାରାଦଣ୍ଡରେ ପରିଣତ କରିଛନ୍ତି।
ମୃତ୍ୟୁଦଣ୍ଡ କୋହଳ କରିବାବେଳେ ଦୋଷୀଙ୍କର ଦୋଷ ସାବ୍ୟସ୍ତ ହୋଇଛି। ତାଙ୍କ ଦୋଷର ପୁନର୍ବିଚାର ପାଇଁ ଆବେଦନ ମହମ୍ମଦ ଆରିଫଙ୍କ ବିଚାର ଆଧାରରେ ଖୋଲା କୋର୍ଟରେ କରାଯିବା ଉଚିତ। ଆବେଦନକାରୀଙ୍କ ଦୋଷ ଉପରେ ସନ୍ଦେହ କରିବାର କୌଣସି କାରଣ ଆମେ ଦେଖୁନାହୁଁ ବୋଲି ବେଞ୍ଚ କହିଛନ୍ତି। ଦୋଷୀ ସାବ୍ୟସ୍ତ ହେବା ପାଇଁ ସମୀକ୍ଷା ଅଧୀନରେ ଥିବା କ୍ଷମତାକୁ ବ୍ୟବହାର କରିବା ଆବଶ୍ୟକ ନୁହେଁ। ଆମେ ମୃତ୍ୟୁଦଣ୍ଡକୁ କୋଡ଼ିଏ ବର୍ଷ କାରାଦଣ୍ଡରେ ପରିବର୍ତ୍ତନ କରୁଛୁ। ଫେବୃଆରୀ ୨୦୧୩ ରେ ଦୋଷୀ ସୁନ୍ଦର ଓରଫ ସୁନ୍ଦରାଜନ ସୁପ୍ରିମକୋର୍ଟଙ୍କ ଦ୍ୱାରା ମୃତ୍ୟୁଦଣ୍ଡାଦେଶରେ ଦଣ୍ଡିତ କରାଯାଇଥିଲା। ତେବେ, ନଭେମ୍ବର୨୦୧୮ ରେ ପାଞ୍ଚ ବର୍ଷ ପରେ ସର୍ବୋଚ୍ଚ ନ୍ୟାୟାଳୟ ମୃତ୍ୟୁଦଣ୍ଡର ନିଷ୍ପତ୍ତି ସମୀକ୍ଷା କରିବାକୁ ରାଜି ହୋଇଥିଲେ।
ମିଥ୍ୟା ସତ୍ୟପାଠ ଦାଖଲ ପାଇଁ କୁଡାଲୋର ପୋଲିସ ଅଧିକାରୀଙ୍କ ବିରୋଧରେ କୋର୍ଟ ଅବମାନନା ମାମଲା ଆରମ୍ଭ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। କୋର୍ଟରେ ଦାଖଲ ହୋଇଥିବା ଆଫିଡେଭିଟ ଆଧାରରେ ତାଙ୍କ ବିରୋଧରେ କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ନାହିଁ ବୋଲି ପଚାରି କୁଡାଲୋର ପୋଲିସ ଅଧିକାରୀଙ୍କୁ ନୋଟିସ ଜାରି କରାଯାଇଛି। ୨୦୧୩ରେ ସୁପ୍ରିମକୋର୍ଟଙ୍କ ରାୟ ବିରୋଧରେ ସୁନ୍ଦରରାଜନ ଏକ ସମୀକ୍ଷା ଆବେଦନ କରିଥିଲେ। ଏବେ କୋର୍ଟ ତାଙ୍କ ପାଇଁ ନୂଆ ଦଣ୍ଡାଦେଶ ଶୁଣାଇଛନ୍ତି। ଏହି ଦଣ୍ଡକୁ ମୃତ୍ୟୁଦଣ୍ଡରୁ ଆଜୀବନ କାରାଦଣ୍ଡରେ ପରିବର୍ତ୍ତନ କରାଯାଇଛି।
