ଲଣ୍ଡନ,୧୬।୬: ୨ ଥର ମନୋରଞ୍ଜନ ଜଗତର ସବୁଠୁ ଶ୍ରେଷ୍ଠ ପୁରସ୍କାର ଓସ୍କାର ଜିତିଥିବା ଅଭିନେତ୍ରୀ ତଥା ବ୍ରିଟିଶ ରାଜନେତ୍ରୀ ଗ୍ଲେଣ୍ଡା ଜ୍ୟାକ୍ଶନଙ୍କ ଗୁରୁବାର ପରଲୋକ ଘଟିଛି। ତାଙ୍କୁ ୮୭ ବର୍ଷ ହୋଇଥିଲା। ଅସୁସ୍ଥାତା ଅନୁଭବ କରିବା ଯୋଗୁ ଗୁରୁବାର ଗ୍ଲେଣ୍ଡା ଘରେ ଥିବାବେଳେ ତାଙ୍କ ମୃତ୍ୟୁ ଘଟିଥିବା ଏଜେଣ୍ଟ ଲିଓନେଲ ଲାର୍ନର କହିଛନ୍ତି। ନିକଟରେ ସେ ‘ଦ ଗ୍ରେଟ୍ ଏସ୍କେପର୍’ ଫିଲ୍ମର ଶୁଟିଂ ଶେଷ କରିଥିଲେ। ୧୯୩୬ରେ ଉତ୍ତର-ପଶ୍ଚିମ ଲଣ୍ଡନର ବିର୍ଖେନହେଡ୍ରେ ସେ ଜନ୍ମ ଗ୍ରହଣ କରିଥିଲେ। ୧୯୬୦ରୁ ୭୦ ଦଶକ ମଧ୍ୟରେ ବ୍ରିଟିଶ୍ ଫିଲ୍ମ ଇଣ୍ଡଷ୍ଟ୍ରିରେ ସେ ଖୁବ୍ ଚର୍ଚ୍ଚିତ କଳାକାର ଭାବେ ଉଭା ହୋଇଥିଲେ। ରାଜନୀତିରେ ସାମିଲ ହେବା ପରେ ଗ୍ଲେଣ୍ଡା ଲେବର ପାର୍ଟି ନେତା ଭାବେ ୨୩ ବର୍ଷ କାର୍ଯ୍ୟ କରିଛନ୍ତି। ୧୯୯୭ରେ ସେ ବ୍ରିଟେନ୍ର ପରିବହନ ମନ୍ତ୍ରୀ ଦାୟିତ୍ୱରେ ଥିଲେ।
