ଦାରିଙ୍ଗବାଡ଼ି,୧୦ା୧(ଅରୁଣ ସାହୁ): ଏକାଦଶ ତମ ଦାରିଙ୍ଗବାଡ଼ି ଶୀତ ମହୋତ୍ସବର ତୃତୀୟ ଦିବସରେ ଭାଷା ଓ ସାହିତ୍ୟ ସମାରୋହ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ବିଶିଷ୍ଠ ସାହିତି୍ୟକ, କବି, ଲେଖକ, ଗବେଷକ ଯୋଗଦେଇଥିଲେ। କାର୍ଯ୍ୟକ୍ରମରେ ମୁଖ୍ୟ ଆକର୍ଷଣ ଥିଲେ ବ୍ୟଙ୍ଗକବି ଜ୍ଞାନ ହୋତା, ପ୍ରିୟବ୍ରତ ପଣ୍ଡା, ବ୍ୟଙ୍ଗକବି ସୁଶାନ୍ତ ମିଶ୍ର ପ୍ରମୁଖ।
ପ୍ରକାଶ ଯେ, ଏହି ସମାରୋହକୁ ବନାନୀ ସାରସ୍ବତ ପରିଷଦର ସଭାପତି ପତିତପାବନ ରାଉତଙ୍କ ଆହ୍ବାନକ୍ରମେ ବିଡିଓ ତଥା ମହୋତ୍ସବ କମିଟିର ସମ୍ପାଦକ ପ୍ରୀତିରଞ୍ଜନ ରଥଙ୍କ ଅଧ୍ୟକ୍ଷତାରେ ତହସିଲଦାର ଧୀରଜ ପାତ୍ର ଉଦ୍ଘାଟକ ଅତିଥି ଭାବେ ଯୋଗଦେଇଥିଲେ। ଅନ୍ୟ ଅତିଥିଙ୍କ ମଧ୍ୟରେ ବାଲିଗୁଡ଼ା ଆଇଟିଡିଏର ପ୍ରକଳ୍ପ ପ୍ରଶାସକ କୃପାସିନ୍ଧୁ ବେହେରା, ମୁଖ୍ୟ ବକ୍ତା ଭାବେ ବାଲିଗୁଡା ଆଦିବାସୀ ମହାବିଦ୍ୟାଳୟର ଅଧ୍ୟାପକ ଡ. ବିଭୂତି ଭୂଷଣ ଆଚାର୍ଯ୍ୟ, ସମ୍ମାନିତ ଅତିଥି ଭାବେ ବାଲିଗୁଡ଼ା ଶାଳବଣ ସାହିତ୍ୟ ସଂସଦର ସମ୍ପାଦକ ରବୀନ୍ଦ୍ରନାଥ ରଥ, ଦାରିଙ୍ଗବାଡ଼ି ଡଃ ଭୀମରାଓ ଆମ୍ବେଦକର ଜାତୀୟ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଡଃ ପ୍ରତାପ କୁମାର ବେହେରା, ଦାରିଙ୍ଗବାଡ଼ି ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଧାନଶିକ୍ଷକ ଉମାଶଙ୍କର ସାମନ୍ତରାୟ, ଟିକାବାଲି ସାହିତ୍ୟ ସଂସଦର ସମ୍ପାଦକ ମନୋଜ କୁମାର ଭୋଇ, ଫିରିଙ୍ଗିଆ ଶାଳପର୍ଣ୍ଣି ସାହିତ୍ୟ ସଂସଦର ସଭାପତି ଡଃ ବିରଞ୍ଚି ନାରାୟଣ ସାହୁ, ଫୁଲବାଣୀ ବାଣୀଫୁଲ ସାରସ୍ବତ ଅଭିଯାନର ସମ୍ପାଦକ ରାମକୃଷ୍ଣ ମହାନ୍ତି, କଳାହାଣ୍ଡି ଜିଲାର ବ୍ୟଙ୍ଗକବି ସୁଶାନ୍ତ ମିଶ୍ର, କଳାହାଣ୍ଡି ଜିଲାର ଯୁବକବି ହେମନ୍ତ ସାହୁ ପ୍ରମୁଖ ମଞ୍ଚାସୀନ ଥିଲେ କାର୍ଯ୍ୟକ୍ରମରେ ବ୍ଲକ ପ୍ରକଳ୍ପ ସଂଯୋଜକ ଜଗନ୍ନାଥ ରଥ ମଞ୍ଚ ପରିଚାଳନ କରିଥିଲେ। କବିତା ପାଠ ଉତ୍ସବରେ ବରିଷ୍ଠ ଶିକ୍ଷକ ତଥା ବନାନୀ ସାରସ୍ବତ ପରିଷଦର ସହ ସମ୍ପାଦକ ପ୍ରଶାନ୍ତ କୁମାର ସାହୁ, ଗୃହ ବିଜ୍ଞାନ ବିଭାଗର ଅଧ୍ୟାପିକା ସସ୍ମିତା ସାମନ୍ତ ଏବଂ ବବଲୀନ ନାୟକ ସଂଯୋଜନା କରିଥିଲେ। କାର୍ଯ୍ୟକ୍ରମରେ ସମସ୍ତ କବୟିତ୍ରୀ, କବି ନିଜ କବିତା ପାଠ କରିଥିଲେ। ଅତିଥିଙ୍କୁ ସ୍ମାରକପତ୍ର ସହ ସମ୍ବର୍ଦ୍ଧିତ କରାଯାଇଥିଲା ଏଥି ସହ କବିତା ପାଠ କରିଥିବା ସମସ୍ତ କବୟିତ୍ରୀ, କବିଙ୍କୁ ମାନପତ୍ର ପ୍ରଦାନ ସହ ସମ୍ବର୍ଦ୍ଧନା କରାଯାଇଥିଲା। ସମାରୋହରେ ବ୍ଲକ ମଙ୍ଗଳ ସମ୍ପ୍ରସାରଣ ଅଧିକାରୀ ବିଶ୍ୱଜିତ ଜାଲି ଧନ୍ୟବାଦ ଜଣାଇଥିଲେ।
