ଚେନ୍ନାଇ,୩୦ ।୩: ଭାରତୀୟ ଖାଦ୍ୟ ସୁରକ୍ଷା ଓ ମାନକ ପ୍ରାଧିକରଣ(ଏଫଏସଏସଏଆଇ) ପକ୍ଷରୁ ଦହିର ନାମ ପରିବର୍ତ୍ତନ କରିବାକୁ ନିର୍ଦ୍ଦେଶ ଦିଆଯିବା ପରେ ତାମିଲନାଡୁରେ ହିନ୍ଦୀ ବ୍ୟବହାରକୁ ନେଇ ବିବାଦ ଉପୁଜିଛି । ଏଫଏସଏସଏଆଇର ନିର୍ଦ୍ଦେଶ ଅନୁସାରେ ‘କର୍ଡ’ ବା ତାୟିର(ତାମିଲ)କୁ ଏବେ ଦହି(ହିନ୍ଦୀ) ନାମରେ ଲେବଲ କରାଯିବ । ଅର୍ଥାତ୍ ଦହି (କର୍ଡ) ପ୍ୟାକେଟ ଉପରେ ‘ଦହି’ ଲେଖାଯିବ । ଏହି ନିର୍ଦ୍ଦେଶ ପରେ ତାମିଲନାଡୁର ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ଅଭିଯୋଗ କରିଛନ୍ତି କି କେନ୍ଦ୍ର ସରକାର ତାମିଲନାଡୁରେ ହିନ୍ଦୀର ବ୍ୟବହାରକୁ ଜବରଦସ୍ତ ବ୍ୟବହାର କରିବାକୁ କହୁଛନ୍ତି ।
ଏହାପୂର୍ବରୁ ଏଫଏସଏସଏଆଇ ନିର୍ଦ୍ଦେଶ ଦେଇଥିଲା କି ‘ଦହି’ର ସମସ୍ତ ପ୍ୟାକେଟର ନାମ ତାମିଲନାଡୁ ଓ କର୍ନାଟକରେ ‘ଦହି’ ହେବା ଦରକାର । ଯେଉଁଠାରେ ଏହାକୁ ‘ତାୟିର’ ଅବା ‘ମୋସରୁ’ କୁହାଯାଉଛି । ଏହି ନିର୍ଦ୍ଦେଶ ପରେ ଦକ୍ଷିଣ ରାଜ୍ୟ ପକ୍ଷରୁ ଆପତ୍ତି କରାଯାଇଛି । ତାମିଲନାଡୁର ଦୁଗ୍ଧ ଉତ୍ପାଦନ ସଂଘ ଆଭିନ କହିଛି ସେ ତା’ର ପ୍ୟାକେଟ ଉପରେ ହିନ୍ଦୀ ଶବ୍ଦ ଦହି ବଦଳରେ ତାମିଲ ଶବ୍ଦ ‘ତାୟିର’ ବ୍ୟବହାର କରିବ ।
ବିବାଦ ଉପୁଜିବା ପରେ ଏଫଏସଏସଏଆଇ ଗୁରୁବାର ଦହି ଶବ୍ଦର ବ୍ୟବହାରକୁ ନେଇ ନୂଆ ଦିଶାନିର୍ଦ୍ଦେଶ ଜାରି କରିଛନ୍ତି । ଏବେ ଏଫଏସଏସଏଆଇ ଏକ ଅଧିସୂଚନା ଜାରି କରି ଦହି ପ୍ୟାକେଟ ଉପେର ଆଞ୍ଚଳିକ ନାମର ଉପଯୋଗର ଅନୁମତି ଦେଇଛି । ଅଧିସୂଚନାରେ କୁହାଯାଇଛି କି ହଦିକୁ ଏହି ନୂଆ ଉଦାହରଣ ଅନୁସାରେ ବି ଲେବଲ କରାଯାଇ ପାରିବ, ଯେମିତିକି କର୍ଡ(ଦହି) ଅବା କର୍ଡ(ମୋସରୁ) ଅବା କର୍ଡ(ଜାବୁତ ଦାଉଦ) ଅବା କର୍ଡ(ତାୟିର) କର୍ଡ(ପେରୁଗୁ) ।
