ଅବକାରୀ ବିଭାଗର ଦାଦାଗିରି: ଜଙ୍ଗଲ ଭିତରେ ଲୁଚି ରହି ହଠାତ୍‌ ଓଗାଳୁଛନ୍ତି ଜନସାଧାରଣଙ୍କ ରାସ୍ତା

ଦାରିଙ୍ଗବାଡି,୧୫।୧୦(ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ପ୍ରମୁଖ ପର୍ଯ୍ୟଟନକ୍ଷେତ୍ର ଭାବେ ବେଶ ଜଣାଶୁଣା । ଦୈନିକ ଶହଶହ ପର୍ଯ୍ୟଟକ ଦାରିଙ୍ଗବାଡିକୁ ଯାତାୟାତ କରୁଛନ୍ତି । ତେବେ ଦାରିଙ୍ଗବାଡିଠାରୁ ସୋରଡ଼ା ମଧ୍ୟରେ ପ୍ରାୟ ୨୦ କିମି ଜଙ୍ଗଲ ଓ ଘାଟି ରାସ୍ତା ରହିଛି । ଏହି ଘାଟି ରାସ୍ତାରେ ଯାତାୟାତ ବେଳେ  ପର୍ଯ୍ୟଟକ ମାନେ ଅନେକ ସମୟରେ ଭୟଭୀତ ହୋଇ ଯାତାୟତ କରିଥାନ୍ତି। କାରଣ ଯାତାୟତ କରୁଥିବା ବେଳେ ବାଲିଗୁଡା ଓ ଦାରିଙ୍ଗବାଡି ଅବକାରୀ ବିଭାଗ ପକ୍ଷରୁ ଗଞ୍ଜେଇ ଧରିବା ଆଳରେ ଜଙ୍ଗଲରେ ଲୁଚି ରହିଥିବା ଅବକାରୀ ବିଭାଗର ସରକାରୀ ଗାଡି ହଠାତ ରାସ୍ତା ଉପରକୁ ମାଡିଆସି  ପର୍ଯ୍ୟଟକ ଓ ଯାତ୍ରୀମାନଙ୍କୁ ଅଡ଼ୁଆରେ ପକାଉଛନ୍ତି।
 ତେବେ ରାଜପଥରେ ପରିବାର ନେଇ ଯାଉଥିବା ପର୍ଯ୍ୟଟକମାନେ ଅବକାରୀ ବିଭାଗର ଏଭଳି ଆଚରଣକୁ ନା ପସନ୍ଦ କରିବା ସହ ଭୟଭୀତ ହେଉଛନ୍ତି । ଏଭଳି ଦୃଶ୍ୟ ମଙ୍ଗଳବାର ଭୋର ସମୟରେ ରାଜପଥର ବାଇମାଲା ନିକଟରେ ଦେଖିବାକୁ ମିଳିଛ। ଅବକାରୀ ବିଭାଗ ଏଭଳି ଯାଞ୍ଚ କରୁଥିବା ସ୍ଥାନଠାରୁ ମାତ୍ର ୧ ଶହ ମିଟର ଦୂରତାରେ ଯାଞ୍ଚ ପାଇଁ ବନ ବିଭାଗର  ଚେକ ଗେଟ୍‌ ରହିଛି। ସେଠାରେ ବନ ବିଭାଗର ସହାୟତାରେ ଉକ୍ତ ଚେକ ଗେଟ୍‌ରେ ଗାଡିମୋଟର ଯାଞ୍ଚ କରିପାରନ୍ତା। ମାତ୍ର ତାହା ନ କରି ଯାତ୍ରୀ ଯାତାୟତ ସମୟରେ ନିଜ ସରକାରୀ ଗାଡିକୁ ଅପବ୍ୟବହାର କରି ହଠାତ ଯାତ୍ରୀଙ୍କ ଗାଡି ସାମ୍ନାକୁ ଆସି ଅଟକାଇବା କେତେ ଯଥାର୍ଥ ଅଛି ତାହାକୁ ନେଇ ପ୍ରଶ୍ନ ଉଠୁଛି। ଜିଲା ପୋଲିସ ପ୍ରଶାସନ ତଦନ୍ତ କରି ରାଜପଥରେ ଯାତାୟାତ କରୁଥିବା ମହିଳା ପର୍ଯ୍ୟଟକ ଓ ଯାତ୍ରୀଙ୍କୁ ସୁରକ୍ଷିତ ଯାତାୟାତ ବ୍ୟବସ୍ଥା କରିବା ଆବଶ୍ୟକ ରହିଛି ବୋଲି ସାଧାରଣରେ ଦାବି ହେଉଛି । ଉକ୍ତ ରାଜପଥରେ ପ୍ରସୂତି, ରୋଗୀ ବ୍ରହ୍ମପୁରକୁ ଯାତାୟତ ସମୟରେ ମଧ୍ୟ ଅବକାରୀ ବିଭାଗର ଏଭଳି ଆଚରଣ ଲୋକଙ୍କୁ ଚକିତ କରୁଛି।
ଏ ନେଇ ଅବକାରୀ ବିଭାଗର ଦାରିଙ୍ଗବାଡି ଓଆଇସି ପ୍ରକାଶ ଚନ୍ଦ୍ର ମଲିକ କହିଛନ୍ତି ଯେ, ଯଦି ସରକାରୀ ଗାଡି ଏଭକି ରାସ୍ତାରେ ଅଟକାଇବ ନାହିଁ ତେବେ ଚୋରା ଚାଲାଣ କରୁଥିବା ଗଞ୍ଜେଇ ବେପାରୀ ଆମକୁ ଗାଡି ତଳେ  ଚାପିଦେଇ ପଳାଇବେ ବୋଲି ସେ ଯୁକ୍ତି ବଢିଛନ୍ତି ।
ତେବେ ଏଠି ପ୍ରଶ୍ନ ଉଠୁଛି ଯେ, ସରକାର ଗୁଇନ୍ଦା ବିଭାଗକୁ ନିୟୋଜିତ କରିଥିବା ବେଳେ ଗୁଇନ୍ଦା ରିପୋର୍ଟ ଅନୁସାରେ ସନ୍ଦେହ ଘେରରେ ଥିବା ଗାଡି ଗୁଡିକୁ ଅଟକାଇବା ବଦଳରେ କିଭଳି ସମସ୍ତ ଗାଡିକୁ ରାଜପଥରେ ହଇରାଣ କରାଯାଉଛି । ବିଶେଷ କରି ମହିଳାମାନେ ଅବକାରୀ ବିଭାଗର ଏଭଳି ଆଚାରଣକୁ ନେଇ ଭୟଭୀତ ହେଉଥିବା ଅଭିଯୋଗ ହେଉଛି।
ଏନେଇ ବିଭାଗର ବାଲିଗୁଡା ଆଇଆଇସି ରାମଜୀ ପଟେଲ କହିଛନ୍ତି ଯେ, ଏଭଳି ଅଟକାଇବା କୌଣସି ଗାଇଡଲାଇନ୍‌ ନଥିବା ବେକେ କେବଳ ଗଞ୍ଜେଇ ବେପାରୀଙ୍କୁ ଧରିବାକୁ ଆମେ ଏଭଳି କରୁଛୁ। ଭଦ୍ରଲୋକ ଦେଖିଲେ ଛାଡି ଦେଉଛୁ।

Enter your email to get our daily news in your inbox.

All Right Reserved By Dharitri.Com

ଇଂଲଣ୍ଡ ଗସ୍ତ ପୂର୍ବରୁ ଆୟର୍ଲାଣ୍ଡରେ ଟି୨୦ ସିରିଜ ଖେଳିବ ଟିମ୍‌ ଇଣ୍ଡିଆ

ନୂଆଦିଲ୍ଲୀ,୧୯ା୩: ବିଶ୍ୱ ଚାମ୍ପିୟନ ଭାରତ, ଇଂଲଣ୍ଡରେ ଧଳା ବଲ ସିରିଜ୍‌ ଖେଳିବା ପୂର୍ବରୁ ଆସନ୍ତା ଜୁନରେ ଆୟର୍ଲାଣ୍ଡ ବିପକ୍ଷରେ ଏକ ଟି୨୦ ସିରିଜ୍‌ ଖେଳିବ। ଆୟର୍ଲାଣ୍ଡର ଡାଇରେକ୍ଟର…

କାଳବୈଶାଖୀ: ଉଡ଼ିଲା ଘର ଛପର, ଭାଙ୍ଗିଲା ଗଛ

ବିନିକା,୧୯ା୩ (ରାମ ଗୋପାଳ ବାଘ): ସୁବର୍ଣ୍ଣପୁର ଜିଲା ବିନିକା ଅଞ୍ଚଳରେ କାଳବୈଶାଖୀ ପ୍ରଭାବରେ ବ୍ୟାପକ କ୍ଷତି ହୋଇଛି l ଗ୍ରାମାଞ୍ଚଳ ଓ ସହରାଞ୍ଚଳରେ ଘର ଛପର ଉଡାଇ…

ଗୋଟିଏ ଦିନରେ IPLରୁ ୩ ବଡ଼ ଖେଳାଳି ବାହାର, ଲିଗ୍‌ ଆରମ୍ଭ ପୂର୍ବରୁ ହଇଚଇ

ନୂଆଦିଲ୍ଲୀ, ୧୯।୩: ଆଇପିଏଲ୍‌ର ନୂଆ ସିଜନ ଆରମ୍ଭ ହେବାକୁ ଆଉ ମାତ୍ର କିଛି ଦିନ ବାକି ଥିବା ବେଳେ ଏକାଧିକ ଫ୍ରାଞ୍ଚାଇଜ ପାଇଁ ଅଡୁଆ ବଢ଼ିବାରେ ଲାଗିଛି।…

ଗିରଫ ମାଓବାଦୀ ଖୋଲିଲେ ବଡ଼ ଗୁମର

ବଣାଇଁ,୧୯।୩(ପ୍ରଦୀପ ତ୍ରିପାଠୀ): ଓଡ଼ିଶା ଝାଡ଼ଖଣ୍ଡ ସୀମା ସଂଲଗ୍ନ ଝାଡ଼ଖଣ୍ଡ ଲାତେହାର ଜିଲାରେ ଚାଲିଥିବା ମାଓବାଦୀ ବିରୋଧୀ ଅଭିଯାନ କ୍ରମେ ଚଳିତ ମାସ ୧୪ ତାରିଖ ସୁରକ୍ଷାକର୍ମୀ ୨ଜଣ…

ବିଶ୍ୱାସରେ ବିଷ: ୧୮ ଲକ୍ଷ ଟଙ୍କାର ଋଣ ଜାଲିଆତି, ମହିଳାଙ୍କୁ ବାନ୍ଧିଲା ତାରସିଂ ପୋଲିସ

ଭଞ୍ଜନଗର, ୧୯।୩ (ବାବୁଲା ପ୍ରଧାନ): ବିଶ୍ୱାସରେ ଦେଲେ ବିଷ । ସାଙ୍ଗସାଥୀ ଓ ପଡ଼ୋଶୀ ମହିଳାଙ୍କ ନାମରେ ବ୍ୟାଙ୍କରୁ ଚଞ୍ଚକତା କରି ଲକ୍ଷ ଲକ୍ଷ ଟଙ୍କା ଋଣ…

ପୁଣି ୮୮୦୦ ଶସ୍ତା ହେଲା ସୁନା,ରୂପା ବି ୨୫,୫୦୦ ଖସିଲା; ମୁଣ୍ଡରେ ହାତ ଦେଲେଣି ନିବେଶକ,ଆଗକୁ…

ନୂଆଦିଲ୍ଲୀ, ୧୯।୩: ଗୁରୁବାର ସାରେ ମଲ୍ଟି କମୋଡିଟି ଏକ୍ସଚେଞ୍ଜ (MCX) ରେ ସୁନା ଓ ରୁପା ଦରରେ ଜୋରଦାର ହ୍ରାସ ପରିଲକ୍ଷିତ ହୋଇଛି। ମଧ୍ୟ-ପ୍ରାଚ୍ୟରେ ଉତ୍ତେଜନା ଲାଗି…

ଦିଗପହଣ୍ଡିରେ ଦୁଇଦିନିଆ ଶିକ୍ଷଣ ସାମଗ୍ରୀ କର୍ମଶାଳା ଉଦଯାପିତ: ପ୍ରଭାବଶାଳୀ ଶିକ୍ଷାଦାନ ପାଇଁ…

ଦିଗପହଣ୍ଡି, ୧୯।୩ (ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ସ୍ଥିତ ବଡ଼ଖେମୁଣ୍ଡି ହାଇସ୍କୁଲ ପରିସରରେ ଗୋଷ୍ଠୀ ଶିକ୍ଷାଧିକାରୀଙ୍କ କାର୍ଯ୍ୟାଳୟ ପକ୍ଷରୁ ଆୟୋଜିତ ଦୁଇଦିନିଆ ଶିକ୍ଷଣ ସାମଗ୍ରୀ…

ଚଷାନିମଖଣ୍ଡି ସରକାରୀ ହାଇସ୍କୁଲର ବାର୍ଷିକୋତ୍ସବ: ମନ ଜିଣିଲା ନାଟକ ‘ଗୁରୁ ସାକ୍ଷାତ ପରଂବ୍ରହ୍ମ’

ଦିଗପହଣ୍ଡି, ୧୯।୩ (ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଅନ୍ତର୍ଗତ ଚଷାନିମଖଣ୍ଡି ଗ୍ରାମ ସରକାରୀ ହାଇସ୍କୁଲ ପରିସରରେ ବାର୍ଷିକୋତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି। ବିଦ୍ୟାଳୟର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala

Model This Week

ପିଲାଙ୍କ ଧରିତ୍ରୀ

Why Dharitri