ପାତ୍ରପୁର,୨୭/୧୦(ଉମା ଚରଣ ନେପାକ): ସାମୁଦ୍ରିକ ବାତ୍ୟା ମନ୍ଥାକୁ ଦୃଷ୍ଟିରେ ରଖି ବ୍ଲକ ଓ ତହସିଲ ପ୍ରଶାସନ ପାହାଡ଼ ଉପରେ ଥିବା ବୁରାତାଲ ଓ ଆଙ୍କୁଲି ପଂଚାୟତର ୩୦ରୁ ଉର୍ଦ୍ଧ୍ୱ ଗ୍ରାମରେ ଆଦିବାସୀଙ୍କୁ ସଚେତନ କରିବା ସହ ତଳୁଆ ଅଞ୍ଚଳକୁ ଆସିବା ପାଇଁ କହିଛି।
ସୋମବାର ସକାଳ ଚିକିଟି ବିଧାୟକ ମନୋରଞ୍ଜନ ଦ୍ୟାନସାମନ୍ତରାୟ ବିଡ଼ିଓ ଓ ତହସିଲଦାରଙ୍କୁ ନେଇ ଏକ ଜରୁରୀ ବୈଠକ କରି ପାହାଡ଼ ଉପରେ ଥିବା ଗାଁର ଆଦିବାସୀ ନଦୀ ତଟ ଗ୍ରାମ ଏବଂ ଗର୍ଭବତୀ ମହିଳାଙ୍କୁ କିଭଳି ସୁରକ୍ଷିତ ସ୍ଥାନକୁ ସ୍ଥାନାନ୍ତର ହେବ ଓ ଜରୁରୀ ସାମଗ୍ରୀ ତଥା ଶୁଖିଲା ଖାଦ୍ୟ ପାନୀୟ ଜଳ ଔଷଧ ଗଛିତ ରଖିବାକୁ ପରାମର୍ଶ ଦେଇଥିଲେ l ଅପରାହ୍ନ ସମୟରେ ଆଙ୍କୁଳି ପଂଚାୟତର କିଛି ଗ୍ରାମବାସୀଙ୍କୁ ତାଡକାସାହି ବାତ୍ୟା ଆଶ୍ରୟସ୍ଥଳକୁ ଆଣିଥିବା ବେଳେ ସନ୍ଧ୍ୟା ସୁଦ୍ଧା ଆଉ କିଛି ଗ୍ରାମବାସୀଙ୍କୁ ସ୍ଥାନାନ୍ତର କରାଯିବ ବୋଲି ସୂଚନା ମିଳିଛି l ବର୍ତ୍ତମାନ ସୁଦ୍ଧା ୩୦୦ ଲୋକ ସ୍ଥାନାନ୍ତର ହେଇଛନ୍ତି।
Dharitri – Odisha’s No.1 Odia Daily
