ଚେନ୍ନାଇ,୩୦।୪ : ଆଇପିଏଲ ୨୦୨୩ର ୪୧ ତମ ମ୍ୟାଚରେ ଚେନ୍ନାଇ ସୁପର କିଙ୍ଗ୍ସ (ସିଏସକେ)ରବିବାର ଅପରାହ୍ନ ସାଢ଼େ ୩ଟାରେ ପଞ୍ଜାବ କିଙ୍ଗ୍ସ(ପିବିକେଏସ)କୁ ଭେଟିବ। ଚେନ୍ନାଇର ଘରୋଇ ଗ୍ରାଉଣ୍ଡ ଏମ ଚିଦାମ୍ବରମ ଷ୍ଟାଡିୟମରେ ପଞ୍ଜାବ ବ୍ୟାଟ୍ସମ୍ୟାନଙ୍କର କଡ଼ା ପରୀକ୍ଷା କରାଯିବ। ଏହି ମ୍ୟାଚ ରେ ସ୍ପିନ ବୋଲରଙ୍କ ପ୍ରାଧାନ୍ୟ ଦେଖାଯିବାର ସମ୍ଭାବନା ରହିଛି। ଗତ ମ୍ୟାଚରେ ଉଭୟ ଦଳ ପରାଜୟର ସମ୍ମୁଖୀନ ହୋଇଛନ୍ତି। ଚେନ୍ନାଇ ରାଜସ୍ଥାନ ରୟାଲ୍ସ ଠାରୁ ୩୨ ରନରେ ପରାଜିତ ହୋଇଥିବାବେଳେ ପଞ୍ଜାବ ଲକ୍ଷ୍ନୌସୁପର ଜ୍ୟାଣ୍ଟସ ଠାରୁ ୫୬ ରନରେ ପରାସ୍ତ ହୋଇଥିଲା। ଉଭୟ ଦଳ ବିଜୟ ଟ୍ରାକକୁ ଫେରିବାକୁ ଚାହିଁବେ।
ଚେନ୍ନାଇ ସୁପର କିଙ୍ଗ୍ସ ପ୍ଲେ୍ଇଙ୍ଗ ୧୧ରେ ଡିଭନ କନୱେ, ରିତୁରାଜ ଗାଇକୱାଡ, ଅଜିଙ୍କ୍ୟ ରାହାନେ, ବେନ ଷ୍ଟୋକ୍ସ, ଶିବମ ଦୁବେ, ରବିନ୍ଦ୍ର ଜାଡେଜା, ମହେନ୍ଦ୍ର ସିଂ ଧୋନି (ଅଧିନାୟକ/ ୱିକେଟ କିପର), ତୁଷାର ଦେଶପାଣ୍ଡେ, ମହିଷ ତେକ୍ଷାନା, ମାଥିଶା ପାଥିରାନା, ଆକାଶ ସିଂ ପ୍ରମୁଖ ଅଛନ୍ତି।
ସେହିପରି ପଞ୍ଜାବ କିଙ୍ଗ୍ସ ପ୍ଲେ୍ଇଙ୍ଗ ୧୧ରେ ଶିଖର ଧାୱନ (ଅଧିନାୟକ), ଅଥର୍ଭା ଟେଡେ, ଲିଆମ ଲିଭିଙ୍ଗଷ୍ଟୋନ, ସିକନ୍ଦର ରଜା, ଜିତେଶ ଶର୍ମା (ୱିକେଟ କିପର), ସାମ କରଣ, ଶାହରୁଖ ଖାନ, ହରପ୍ରୀତ ବରାଡ, କାଗିସୋ ରବାଡା, ରାହୁଲ ଚହର, ଅର୍ଶଦୀପ ସିଂ ରହିଛନ୍ତି।
