ମୁମ୍ବାଇ,୨୮।୩ : ମଙ୍ଗଳବାର ବମ୍ବେ ହାଇକୋର୍ଟ କହିଛନ୍ତି ଯେ ଏକ ସଭ୍ୟ ସମାଜରେ ବୁଲା କୁକୁରମାନଙ୍କ ପ୍ରତି ନିର୍ଦ୍ଦୟଭାବ, କ୍ରୁରତା ତଥା ଘୃଣାଭାବ କେବେ ମଧ୍ୟ ଗ୍ରହଣୀୟ ନୁହେଁ। ଏକ ମାମଲାର ଶୁଣାଣି ବେଳେ କୋର୍ଟ ଏକ ହାଉସିଂ ସୋସାଇଟିକୁ ଏହି ସମସ୍ୟାର ସମାଧାନ ପାଇଁ ଆବେଦନକାରୀଙ୍କ ସହ ସହଯୋଗ କରିବାକୁ କହିଥିଲେ।
ଜଷ୍ଟିସ ଜିଏସ କୁଲକର୍ଣ୍ଣି ଏବଂ ଜଷ୍ଟିସ ଆର.ଏନ ଲଡ୍ଡାଙ୍କ ଏକ ଡିଭିଜନ ବେଞ୍ଚ ହାଇକୋର୍ଟ ବିଲଡିଂ କମ୍ପ୍ଲେକ୍ସରେ ଅନେକ ବୁଲା ବିଲେଇ ଏବଂ କୁକୁରଙ୍କ ଯତ୍ନ ନିଆଯାଉଥିବାର ଉଦାହରଣ ଦେଇଛନ୍ତି। ଜଷ୍ଟିସ କୁଲକର୍ଣ୍ଣି କହିଛନ୍ତି, ହାଇକୋର୍ଟ ବିଲ୍ଡିଂ ପରିଦର୍ଶନ କରନ୍ତୁ, ଆପଣ ବିଲେଇଙ୍କ ସଂଖ୍ୟା ଦେଖିଛନ୍ତି କି, ସେମାନେ ବେଳେବେଳେ ଘୁମାଉଥାନ୍ତି। ଆପଣ ଯେଉଁଠାରେ ବି ବିଲେଇକୁ ଛାଡ଼ିବାକୁ ନିଅନ୍ତି, ସେମାନେ କିଛି ଦିନ ପରେ ପୁଣି ଘରକୁ ଫେରି ଆସନ୍ତି । ଏହି ପ୍ରାଣୀମାନେ ଆମ ସମାଜର ଏକ ଅଂଶ। ଆମକୁ ସେମାନଙ୍କର ଯତ୍ନ ନେବାକୁ ପଡିବ। ବର୍ତ୍ତମାନ ଅବସର ନେଇଥିବା ଜଣେ ବିଚାରପତିଙ୍କ ଉଦାହରଣ ମଧ୍ୟ କୋର୍ଟ ଦେଇଛନ୍ତି। ସମ୍ପୃକ୍ତ ବିଚାରପତି ତାଙ୍କ ସହିତ ବିସ୍କୁଟ ରଖୁଥିଲେ ଏବଂ କୁକୁରମାନେ ତାଙ୍କୁ ଦେଖିବା ମାତ୍ରେ ତାଙ୍କ ପଛରେ ଗୋଡାଉଥିଲେ।
