କେନ୍ଦୁଝର, ୨୭।୧୨ (ସ୍ବ.ପ୍ର.) କଟକଣା ସତ୍ତ୍ୱେ କେନ୍ଦୁଝର ଜିଲାର ବିଭିନ୍ନ ପର୍ଯ୍ୟଟନ କେନ୍ଦ୍ରରେ ଭିଡ ଦେଖିବାକୁ ମିଳିଛି ା ପୁରୁଣା ବର୍ଷକୁ ବିଦାୟ ଦେବା ପାଇଁ ଭୋଜିଭାତ ସାଙ୍ଗକୁ ନାଚଗୀତର ଆୟୋଜନ ଦେଖିବାକୁ ମିଳିଛି। ବିଶେଷ କରି କାନଝରୀ, ଖଣ୍ଡାଧାର, ଭୀମକୁଣ୍ଡ, ଗୁଣ୍ଡିଚାଘାଗୀ, ହାଣ୍ଡିଭଙ୍ଗା, ମୁର୍ଗା, ହଦଗଡ ଆଦି ପର୍ଯ୍ୟଟନ କେନ୍ଦ୍ରରେ ଲୋକଙ୍କ ଭିଡ ଦେଖିବାକୁ ମିଳିଛି। ସାନଘାଗରା, ଘଟଗାଁ ମା’ ତାରିଣୀ ପୀଠ ଛାଡିଦେଲେ ଅନ୍ୟ ପ୍ରାୟ ସବୁଠି ଭିଡ଼ ଦେଖିବାକୁ ମିଳିଛି। କାନଝରୀ ଜଳଭଣ୍ଡାରରେ ପର୍ଯ୍ୟଟକ ମାନେ ଗାଧୋଇବା ଓ ବୋଟିଂ ର ମଜା ଉଠାଇଛନ୍ତି। ଅନେକ ଜନଗହଳିପୂର୍ଣ୍ଣ ପର୍ଯ୍ୟଟନ କେନ୍ଦ୍ରରେ ପର୍ଯ୍ୟଟକଙ୍କ ସୁରକ୍ଷା ବ୍ୟବସ୍ଥା କିମ୍ବା ପୋଲିସ ମୁତୟନ କରାଯାଇ ନ ଥିଲେ ହେଁ ସେଭଳି କାୈଣସି ଅଘଟଣର ସୂଚନା ନାହିଁ ା କୋଭିଡ ପାଇଁ ଦୁଇ ବର୍ଷ ହେଲା ପର୍ଯ୍ୟଟନ କେନ୍ଦ୍ର ଗୁଡିକ ବନ୍ଦ ରହିଥିବା ବେଳେ ସେସବୁ ଖୋଲା ଯିବା ପରେ ପର୍ଯ୍ୟଟକଙ୍କ କ୍ରମାଗତ ଭିଡ଼ ଜମୁଥିଲା। ପୁଣି ବଡ଼ଦିନ ଠାରୁ ଅଧିକ ଭିଡ଼ ଆଶଙ୍କା କରି ସରକାର କଟକଣା ଲଗାଇଥିଲେ ହେଁ ଅନେକ ସ୍ଥାନରେ କୋଭିଡ ଗାଇଡଲାଇନର ଖୋଲାଖୋଲି ଉଲ୍ଲଂଘନ କରାଯାଇଥିଲେ ହେଁ ପ୍ରଶାସନ ପକ୍ଷରୁ ସେଭଳି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଉଛି ା
କାଗଜପତ୍ରରେ କଟକଣା ସୀମିତ ହୋଇଥିବା ବେଳେ ଅନେକ ସ୍ଥାନରେ କଟକଣା ସତ୍ତ୍ୱେ ଭୋଜିଭାତ, ସଭାସମିତି ଉତ୍ସବ ମଧ୍ୟ ଆୟୋଜନ ହୋଇଥିବା ଦେଖିବାକୁ ମିଳିଛି।
