ବ୍ରଜରାଜନଗର,୬।୨(ଡି.ଏନ୍.ଏ.): ରବିବାର ଦ୍ୱିତୀୟ ରିମାଣ୍ଡର ପ୍ରଥମ ଦିନ ଗୋପାଳଙ୍କୁ ପୋଲିସ ବାରକ୍ ଭିତରେ କ୍ରାଇମବ୍ରାଞ୍ଚ ଜେରା କରିଛି। କଟକ ଏସ୍ସିବିରୁ ଏକ ୪ଜଣିଆ ଡାକ୍ତର ଦଳ ଆସି ଗୋପାଳଙ୍କ ଲେବରାଲ ଭଏସ ଆନାଲିସିସ କରିଛନ୍ତି। ତାଙ୍କ ସହିତ ମନସ୍ତତ୍ତ୍ୱବିତ ଡାକ୍ତରମାନେ ମଧ୍ୟ ଅଛନ୍ତି। ଦିନ ତମାମ କ୍ରାଇମବ୍ରାଞ୍ଚ ପଚରାଉଚରା ଜାରିରଖିଛି। ତା’ସହିତ ସେଣ୍ଟ୍ରାଲ ଫୋରେନସିକ ଟିମ୍ ମଧ୍ୟ ଆସି ପହଞ୍ଚତ୍ ସାରିଛନ୍ତି। ଏହି ପରୀକ୍ଷା ଓଡ଼ିଶାରେ ଦ୍ୱିତୀୟ ଥର ପାଇଁ କରାଯାଉଛି। ଏହି ପରୀକ୍ଷା ଦ୍ୱାରା ଅଭିଯୁକ୍ତଙ୍କୁ ସାଦାସିଧା ପ୍ରଶ୍ନ ପଚରାଯାଇଥାଏ। ପରେ ଘଟଣା ସମ୍ପର୍କରେ ପଚରା ଯାଏ। ତାରି ଭିତରୁ ପ୍ରଥମେ ପଚରାଯାଇଥିବା ପ୍ରଶ୍ନର ଉତ୍ତର ଓ ପରେ ପଚରାଯାଇଥିବା ପ୍ରଶ୍ନର ଉତ୍ତରରେ କେତେ ତାଳମେଳ ରହୁଛି, ଅଭିଯୁକ୍ତ କେତେ ସତ କହୁଛନ୍ତି କହିବାର ଶୈଳୀରୁ ଜଣାପଡିଯାଇଥାଏ। ଏହି ପରୀକ୍ଷା ପରେ କ୍ରାଇମବ୍ରାଞ୍ଚକୁ ସଫଳତା ମିଳିବ ବୋଲି ଆଶା କରାଯାଉଛି। କାରଣ ପ୍ରଥମେ ପାଟଣାଗଡ଼ ବୋମା ବିସ୍ଫୋରଣ ଘଟଣାରେ ପୁଞ୍ଜିଲାଲ ମେହେରକୁ ଏହି ପରୀକ୍ଷା କରାଯାଇଥିଲା ଯେଉଁଥିରେ କ୍ରାଇମବ୍ରାଞ୍ଚକୁ ସଫଳତା ମିଳିଥିଲା।
