କର୍ଲାମୁଣ୍ଡା:୧୪।୧୨(ପ୍ରଦୀପ କୁମାର ସାହୁ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ରେଗଡ଼ା ପଞ୍ଚାୟତରେ ଦ୍ୱିତୀୟ ଗଜାନନ କ୍ରିକେଟ କପ୍ ଭୋଇରମୁଣ୍ଡା ୨୦୨୫ ଅନୁଷ୍ଠିତ ହୋଇଯାଇଛି। ଭୋଇରମୁଣ୍ଡା ଗଜାନନ ଯୁବକ ସଂଘ ପକ୍ଷରୁ ଆୟୋଜିତ ଟୁର୍ନାମେଣ୍ଟ ଚଳିତ ମାସ ୮ ତାରିଖରୁ ଆରମ୍ଭ ହୋଇଥିବା ବେଳେ ରବିବାର ଫାଇନାଲ ମ୍ୟାଚ୍ ବଡ଼ ଡୁଙ୍ଗୁରୀଗୁଡା ଓ ତେରେସିଙ୍ଗା ମଧ୍ୟରେ ଖେଳାଯାଇଥିଲା। ଏଥିରେ ବଡ଼ଡୁଙ୍ଗୁରୀଗୁଡା ଦଳ ତେରେସିଙ୍ଗା ଦଳକୁ ପରାସ୍ତ କରି ଚାମ୍ପିୟନ ହୋଇଛି।
ଟୁର୍ନାମେଣ୍ଟରେ ମ୍ୟାନ୍ ଅପ୍ ଦ ମ୍ୟାଚ୍ ସୁବ୍ରତ ନାଗ ହୋଇଥିବା ବେଳେ ମ୍ୟାନ୍ ଅପ୍ ଦି ସିରିଜ୍ ମନୋରଞ୍ଜନ ଗହିର ହୋଇଥିଲେ। ଆୟୋଜିତ ପୁରସ୍କାର ବିତରଣ ସଭାରେ ମୁଖ୍ୟ ଅତିଥି ଭାବେ କଳାହାଣ୍ଡି ଜିଲା ପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର ସିଂହଦେଓ, ସମ୍ମାନିତ ଅତିଥି ଭାବେ ରେଗଡ଼ା ସରପଞ୍ଚ ଦିପ୍ତିରାଣୀ ସାହୁ, ଯୁବ ସମାଜସେବୀ ନୀଳ ମାଧବ ସିଂହଦେଓ, ନୀଳାମ୍ବର ବେହେରା, ପୂର୍ବତନ ସରପଞ୍ଚ ସୁଶାନ୍ତ ପରିଡା, ଏଡିଇଓ ଗୁଣନିଧି କୁମାର, ଭିକାରୀ କୁମାର, ଖୁସିରାମ ସାହୁ, ମହାଦେବ ସାହୁ, ତରୁଣୀ ସାହୁ, ଘନ ସାହୁ, ଜଗତରାମ ସାହୁ, ଦୁର୍ଜନ ସାହୁ, କରୁଣା ସାହୁ, ଲିଙ୍ଗରାଜ ସାହୁ ପ୍ରମୁଖ ଯୋଗଦେଇ ବିଜେତା ଏବଂ ଉପବିଜେତା ଦଳକୁ ନଗଦ ରାଶି ସହିତ ଟ୍ରଫି ପ୍ରଦାନ କରିଥିଲେ।
ଟୁର୍ନାମେଣ୍ଟରେ ବୀର କିଶୋର ଦୀପ ଏବଂ ଘନଶ୍ୟାମ ଭୋଇ ଖେଳ ପରିଚାଳନା କରିଥିଲେ। ସ୍କୋର ବୋର୍ଡ ଦାୟିତ୍ୱରେ କ୍ଷିତିଶ ମାଝୀ ରହିଥିବା ବେଳେ ଗୁଣନିଧି କୁମାର ଓ ଦେବରାଜ ବିଭାର ଧାରା ବିବରଣୀ ପ୍ରଦାନ କରିଥିଲେ।
ପୁରସ୍କାର ବିତରଣ ସଭାକୁ ଗୋଲ୍ଡି ଦୀପ ପରିଚାଳନା କରିଥିଲେ। ସମ୍ପାଦକ ଅଶୋକ ସାହୁ ଅତିଥି ପରିଚୟ ପ୍ରଦାନ କରିଥିଲେ। ଟୁର୍ନାମେଣ୍ଟକୁ ସଫଳ କରିବାରେ ସଂଘ ସଭାପତି ଗିରିଧାରୀ ସାହୁ, ଅଭିମନ୍ୟୁ ସାହୁ, ରାଜେଶ ସାହୁ, ମୁକେଶ କୁମାର, ରତ୍ନା ସାହୁ, ଜଳନ୍ଧର ସାହୁ, ବିଶାମିତ୍ର ସାହୁ, ଜଗଦୀଶ ଭୁଏ, ଧନଶାଗର ସାହୁ ପ୍ରମୁଖ ସହଯୋଗ କରିଥିଲେ।
