ନୂଆଦିଲ୍ଲୀ,୨୫।୧୨: କ୍ରମାଗତ ଭାବେ ବଢୁଥିବା କରୋନା ମାମଲା ପୁଣି ଥରେ ଲୋକଙ୍କୁ ଭୟଭୀତ କରିବା ଆରମ୍ଭ କରିଛି । ସୂତ୍ରରୁ ପ୍ରକାଶ ଯେ, କରୋନାଙ୍କ ନୂଆ ସବ-ଭାରିଆଣ୍ଟ ଜେଏନ୍.୧ର ୬୩ ଟି ମାମଲା ଏ ପର୍ଯ୍ୟନ୍ତ ନିଶ୍ଚିତ ହୋଇଛି।ନ୍ୟୁଜ ଏଜେନ୍ସି ପିଟିଆଇ ସୂତ୍ରରୁ ପ୍ରକାଶ ଯେ ଗୋଆରେ ସର୍ବାଧିକ ୩୪ଟି ମାମଲା ଆସିଛି। ମହାରାଷ୍ଟ୍ରରେ ୯ଟି, କର୍ନାଟକରେ ୮ଟି, କେରଳରେ ୬ ଟି, ତାମିଲନାଡୁରେ ୪ଟି ଏବଂ ତେଲଙ୍ଗାନାରେ ୨ଟି ମାମଲା ରେକର୍ଡ ହୋଇଛି।
ଗତ ୨୪ ଘଣ୍ଟାରେ ଦେଶରେ କୋଭିଡ -୧୯ର ୬୨୮ଟି ମାମଲା ରୁଜୁ ହୋଇଥିବାବେଳେ କେରଳରେ ଜଣେ ବ୍ୟକ୍ତି ପ୍ରାଣ ହରାଇଛନ୍ତି। ଏଭଳି ପରିସ୍ଥିତିରେ କରୋନା ଭୂତାଣୁ ଯୋଗୁ ପ୍ରାଣ ହରାଇଥିବା ଲୋକଙ୍କ ସଂଖ୍ୟା ୫ ଲକ୍ଷ ୩୩ ହଜାର ୩୩୩କୁ ବୃଦ୍ଧି ପାଇଛି। ସ୍ବାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, କୋଭିଡରୁ ୪ କୋଟି ୪୪ ଲକ୍ଷ ୭୧ ହଜାର୮୬୦ଲୋକ ଭଲ ହୋଇସାରିଛନ୍ତି।
