୨୦୧୩ ମସିହାରେ ସବୁଠାରୁ ଲମ୍ବା ଚୁମ୍ବନ ପାଇଁ ଗିନିଜ ୱାଲର୍ଡ ରେକର୍ଡ ସୃଷ୍ଟି କରିଥିବା ଥାଇଲାଣ୍ଡ ଦମ୍ପତି ଏବେ ଅଲଗା ହେବାକୁ ନିଷ୍ପତ୍ତି ନେଇଛନ୍ତି। ଏକ୍କାଚାଇ ତିରାନାରଟ ଏବଂ ତାଙ୍କ ପତ୍ନୀ ଲକ୍ଷଣା ୫୮ ଘଣ୍ଟା, ୩୫ ମିନିଟ ଏବଂ ୫୮ ସେକେଣ୍ଡ ପାଇଁ ଚୁମ୍ବନ ଦେଇ ଶିରୋନାମାରେ ସ୍ଥାନ ପାଇଥିଲେ। ସମ୍ପ୍ରତି ଏକ୍କାଚାଇ ସେମାନଙ୍କ ବିଚ୍ଛେଦକୁ ନିଶ୍ଚିତ କରିଛନ୍ତି କିନ୍ତୁ ଲକ୍ଷଣାଙ୍କ ସହିତ ତାଙ୍କର ସଫଳତା ପାଇଁ ଗର୍ବ ମଧ୍ୟ ପ୍ରକାଶ କରିଛନ୍ତି।
ନିକଟରେ ଏକ ସାକ୍ଷତକାରରେ ଏକ୍କାଚାଇ କହିଛନ୍ତି, ସେ ଏକ ଲମ୍ବା ଏବଂ ଭଲ ସମୟ ଏକାଠି ବିତାଇ ଗର୍ବିତ। ମୁଁ ଭଲ ସ୍ମୃତିଗୁଡ଼ିକୁ ମନେ ରଖିବାକୁ ଚାହୁଁଛି ଏବଂ ମୁଁ ଖୁସି ଯେ ଆମେ ଏସବୁ ଏକାଠି କରିଛୁ। ଏକ୍କାଚାଇ ତାଙ୍କ ବିଶ୍ୱ ରେକର୍ଡର କଠିନ ନିୟମ ବିଷୟରେ ମଧ୍ୟ କହିଥିଲେ। ସେ କହିଲେ, ଏହା ସହଜ ନ ଥିଲା। କାରଣ ଶୌଚାଳୟ ବିରତି ସମୟରେ ମଧ୍ୟ ସେମାନଙ୍କୁ ପରସ୍ପରକୁ ଚୁମ୍ବନ କରିବାକୁ ପଡୁଥିଲା।
ଏହି ଅନନ୍ୟ ରେକର୍ଡ ସୃଷ୍ଟି କରିବା ପାଇଁ କେବଳ ଦୃଢ଼ ସମର୍ପଣ ଆବଶ୍ୟକ ନୁହେଁ ବରଂ ଶାରୀରିକ କ୍ଷମତା ମଧ୍ୟ ଆବଶ୍ୟକ। କାରଣ ଏହି ଦମ୍ପତି ୫୮ ଘଣ୍ଟା ଧରି ନ ଶୋଇ ପରସ୍ପରକୁ ଠିଆ ହୋଇ ଚୁମ୍ବନ ଦେଇଥିଲେ। ଏହି ସଫଳତା ପରେ ଏହି ଦମ୍ପତି ପ୍ରେମର ପ୍ରତୀକ ହୋଇଗଲେ।
କିନ୍ତୁ, ଏକ ଅପ୍ରତ୍ୟାଶିତ ଘଟଣାକ୍ରମରେ, ଏହି ଦମ୍ପତି ଏବେ ସେମାନଙ୍କର ଅଲଗା ହେବା ଘୋଷଣା କରିଛନ୍ତି, ଯାହା ସେମାନଙ୍କ ପ୍ରଶଂସକମାନଙ୍କୁ ନିରାଶ କରିଛି। କିନ୍ତୁ ଏହି ଦମ୍ପତି ଏହାର କାରଣ ପ୍ରକାଶ କରିନାହାଁନ୍ତି।
ଏକ୍କାଚାୟ କହିଛନ୍ତି, ମୁଁ ବିଚ୍ଛେଦ ଘୋଷଣା କରି ବହୁତ ଦୁଃଖିତ। ଏହି ଯାତ୍ରା ସ୍ମୃତିରେ ପରିପୂର୍ଣ୍ଣ ଥିଲା, କିନ୍ତୁ ଏବେ ଭିନ୍ନ ଦିଗରେ ଗତି କରିବାର ସମୟ ଆସିଛି। ସମୟ ସହିତ ଉଭୟ ଧୀରେ ଧୀରେ ଅଲଗା ହୋଇଯାଇଛୁ। ତଥାପି, ଦମ୍ପତି ଆଶ୍ୱାସନା ଦେଇଛନ୍ତି ଯେ ସେମାନେ ପାରସ୍ପରିକ ସମ୍ମାନ ଜାରି ରଖିବେ ଏବଂ ପିଲାମାନଙ୍କର ସହ-ଅଭିଭାବକତା କରିବେ।
