ଦେବଗଡ଼,୧୮।୧୨(ଡି.ଏନ.ଏ.)
ଦେବଗଡ ନେହେରୁ ଯୁବକେନ୍ଦ୍ର ଓ ବାରକୋଟ ବ୍ଲକ ଶିରିଗିଡା ବାବା ବାଣେଶ୍ୱର କ୍ଲବ ମିଳିତ ଆନୁକୂଲ୍ୟରେ ଶିରିଗିଡା ଗ୍ରାମରେ ଏସ୍ଏଚଜି ସଦସ୍ୟାଙ୍କୁ ନେଇ କରୋନା ସଚେତନତା ଓ ଶ୍ରମଦାନ କାର୍ଯ୍ୟକ୍ରମ ଗୁରୁବାର ଅନୁଷ୍ଠିତ ହୋଇଯାଇଛି। ଯୁବକେନ୍ଦ୍ରର ସଂଯୋଜିକା ରୀତା ଶାନ୍ତି ଡୁଙ୍ଗଡୁଙ୍ଗଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟ ଅତିଥିଭାବେ ଜିଲା ନିୟୋଜନ ଅଧିକାରୀ ଚିନ୍ତାମଣି ମହାନନ୍ଦ ଯୋଗଦେଇ କରୋନା ସଚେତନତା, ବେକାରୀ ସମସ୍ୟା ଓ ଏହାର ନିରାକରଣ ସମ୍ପର୍କରେ ଜନସାଧାରଣଙ୍କୁ ବୁଝାଇଥିଲେ। ଏହି ଅବସରରେ ବାଣେଶ୍ୱର କ୍ଲବ ସଭାପତି ଭୋଲେଶ୍ୱର ବଉଳା, ଉପସଭାପତି ସୌଭାଗ୍ୟ ନାୟକ, ସମ୍ପାଦକ ଭୁବନେଶ୍ୱର ବଉଳାଙ୍କ ତତ୍ତ୍ୱାବଧାନରେ ଏକ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ା ନେହେରୁ ଯୁବକେନ୍ଦ୍ରର ତରୁଣ କୁମାର ସାମଲ, ସ୍ବୟଂ ସହାୟିକା ଗୋଷ୍ଠୀ ସଦସ୍ୟା ଓ କ୍ଲବର ଅନ୍ୟାନ୍ୟ ସ୍ବେଚ୍ଛାସେବୀମାନେ ଉପସ୍ଥିତ ରହି ଶ୍ରମଦାନ କରିବା ସହ କାର୍ଯ୍ୟକ୍ରମ ଆୟୋଜନରେ ସହଯୋଗ କରିଥିଲେ ା ନେହେରୁ ଯୁବକେନ୍ଦ୍ର ପକ୍ଷରୁ ବାବା ବାଣେଶ୍ୱର କ୍ଲବକୁ ଡଷ୍ଟବିନ ପ୍ରଦାବ କରାଯାଇଥିଲା ା
