ନୂଆଦିଲ୍ଲୀ, ୯ା୧୨: ଶନିବାର ଶ୍ରୀନଗରରେ ଆତଙ୍କବାଦୀ ମାନଙ୍କ ସହିତ ଗୁଳିମାଡରେ ଜଣେ ବରିଷ୍ଠ ପୋଲିସ ଅଧିକାରୀ ଆହତ ହୋଇଛନ୍ତି। ତୁରନ୍ତ ମହମ୍ମଦ ହାଫିଜ ଚାଡଙ୍କୁ ଜମ୍ମୁ କଶ୍ମୀର ମେଡିକାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି। ପୋଲିସ ଏବଂ ସେନା ପକ୍ଷରୁ ଘଟଣାସ୍ଥଳକୁ ଘେରାବନ୍ଦୀ କରି ସର୍ଚ୍ଚ ଅପରେସନ କରାଯାଉଛି।
ହାଫିଜଙ୍କ ଘର ଉତ୍ତର କଶ୍ମୀର କୂପୱାଡା ଜିଲାର ହୋଇଥିବା ବେଳେ ବର୍ତମାନ ସେ ବେମିନା ଅଞ୍ଚଳରେ ରହିଛନ୍ତି। ଜମ୍ମୁ କଶ୍ମୀର ପୋଲିସ୍ ଇନ୍ସପେକ୍ଟର ମାସରୁର ଅହମ୍ମଦ ୱାନିଙ୍କ ସହକର୍ମୀ ତଥା ପରିବାର ସଦସ୍ୟ ସହରରେ ପୁଷ୍ପମାଲ୍ୟ ଅର୍ପଣ ସମାରୋହରେ ତାଙ୍କୁ ଶୁଭେଚ୍ଛା ଜଣାଇବାର ଗୋଟିଏ ଦିନ ପରେ ଶ୍ରୀନଗରରେ ଏହି ଘଟଣା ଘଟିଛି।
