ବେଜିଂ,୯।୨: ଘର କିଣିବା ନେଇ ରିଅଲ ଇଷ୍ଟେଟ କମ୍ପାନୀ ଗ୍ରାହକଙ୍କୁ ଜବରଦସ୍ତ ଅଫର ଦେଇଥାଏ। ଏଥିରେ ଭାରୀ ଡିସକାଉଣ୍ଟ ସମେତ ଫ୍ରି ରେଜିଷ୍ଟ୍ରେଶନର ମଧ୍ୟ ସୁବିଧା ଥାଏ। ଯାହାଦ୍ୱାରା ଗ୍ରାହକ ଏହି ଲୋଭନୀୟ ଡିସକାଉଣ୍ଟରେ ଆକୃଷ୍ଟ ହେବେ। କିନ୍ତୁ ନିକଟରେ କମ୍ପାନୀ ଏପରି ଏକ ଲୋଭନୀୟ ଅଫର ଦେଇଛି ଯାହାକୁ ଶୁଣି କେବଳ ଗ୍ରାହକ ନୁହେଁ ପୁରା ବିଶ୍ୱ ତାଜୁବ ହୋଇଯାଇଛି। ଏହି ଅଫର ରହିଛି, ‘ଘର କିଣନ୍ତୁ ସ୍ତ୍ରୀ ମାଗଣା ପାଆନ୍ତୁ’। ଏହି ଅଫର୍କୁ ନେଇ ଏବେ କମ୍ପାନୀକୁ ସମାଲୋଚନା ସହିବାକୁ ପଡିଛି।
କହିରଖୁଛୁ କି, ଚାଇନାର ସବୁଠାରୁ ବଡ ରିଅଲ ଇଷ୍ଟେଟ କମ୍ପାନୀ ଏଭରଗ୍ରେଣ୍ଡ ଦ୍ୱାରା ଏପରି ଅଫର ଦିଆଯାଇଛି। ବର୍ତ୍ତମାନ ଚାଇନାର ଶେୟାର ବଜାର କ୍ଷତିରେ ଚାଲୁଥିବାବେଳେ ଘର ବିକ୍ରି ବୃଦ୍ଧି କରିବା ପାଇଁ ଦେଶର ଏହି ରିଅଲ ଇଷ୍ଟେଟ କମ୍ପାନୀ ଏପରି ଅଫର ଦେଇଛି। ଏହି କମ୍ପାନୀ ଏବେ ଦେବାଳିଆ ହୋଇଯାଇଛି। ତେଣୁ ନିଜର ଘର ସଙ୍ଗେ ସଙ୍ଗେ ବିକ୍ରି ହୋଇଯାଉ ବୋଲି ଏପରି ହୀନ ମାନସିକତାର ଅଫର ଦେଇଛି।
