ଏଲ୍ଜି ପାଇଁ ଓଡ଼ିଶା ବଜାର କିଭଳି ଗୁରୁତ୍ୱ ରଖୁଛି?
ସାରା ଦେଶରେ ଆମର କାରବାର ବେଶ୍ ଭଲ ରହିଛି। ପ୍ରମୁଖ ବ୍ୟବସାୟ କ୍ଷେତ୍ର ମଧ୍ୟରେ ଓଡ଼ିଶା ବଜାର ଅନ୍ୟତମ। ଏଠାରେ ଉଭୟ ଗ୍ରାମାଞ୍ଚଳ ଏବଂ ସହରାଞ୍ଚଳରେ ବ୍ୟବସାୟ ନେଟଓ୍ବର୍କ ଦୃଢ଼ କରିଛୁ। ବିଭିନ୍ନ ପଦକ୍ଷେପ ଦ୍ୱାରା ବ୍ୟବସାୟକୁ ସର୍ବାଧିକ ଗୁରୁତ୍ୱ ଦେଉଛୁ। ଏକକ ନୀତି ଯୋଗୁ ଏଲ୍ଜି ଏକ ନମ୍ବର କଞ୍ଜ୍ୟୁମର ପ୍ରଡକ୍ଟ ଯୋଗାଣକାରୀ ହୋଇପାରିଛି। ଓଡ଼ିଶାରେ ଏକ ମିଶ୍ରିତ ବଜାର ରହିଛି। ୩୦% ଲୋକ ସହରାଞ୍ଚଳ ଏବଂ ୭୦% ଲୋକ ଗ୍ରାମାଞ୍ଚଳରେ ରହୁଛନ୍ତି। ବଜାର ସର୍ଭେ ଦ୍ୱାରା ଲୋକଙ୍କ ଚାହିଦା ଅନୁଧ୍ୟାନ କରୁଛୁ। ପ୍ରତି ଓଡ଼ିଆଙ୍କ ଘରେ ଏଲ୍ଜି ପ୍ରଡକ୍ଟ ପହଞ୍ଚି ପାରିଛି। ପ୍ରଡକ୍ଟରେ ସୁଲଭତା ଦେଉଛୁ, ଯାହା ଗ୍ରାହକ ଆଦୃତି ପ୍ରଦାନ କରିପାରିଛି।
କୋଭିଡ୍୍କୁ କିଭଳି ସାମ୍ନା କରିଛନ୍ତି?
କୋଭିଡ୍-୧୯ ବ୍ୟବସାୟ କ୍ଷେତ୍ରକୁ ମାନ୍ଦାବସ୍ଥା ମଧ୍ୟକୁ ଠେଲି ଦେଇଛି। କାରବାରକୁ ଗତିଶୀଳ କରାଇବା ପାଇଁ ପ୍ରତିହତ ଯୋଜନା ହାତକୁ ନିଆଯାଇଛି। କର୍ମଚାରୀ ଏବଂ ସହଯୋଗୀଙ୍କୁ କୋଭିଡ୍ ସହାୟତା ଦିଆଯାଇଛି। ଚାହିଦାକୁ ଦେଖି ନୂଆ ଜ୍ଞାନକୌଶଳ ଏବଂ ସ୍ବତନ୍ତ୍ର ପ୍ରଡକ୍ଟ ପ୍ରସ୍ତୁତ ହେଉଛି। ସଙ୍କଟ ସ୍ଥିତି ବିଚାରକୁ ନେଇ ସମାଧାନ ପନ୍ଥା ଗ୍ରହଣ କରାଯାଇଛି। ପ୍ରଥମ ଲହରରେ ଗ୍ରାହକଙ୍କୁ ବୀମା ସୁବିଧା ଦେଇଥିଲୁ। କୋଭିଡ୍ ନିୟମକୁ ମାନି ସେବା ଯୋଗାଇଛୁ। ଦ୍ୱିତୀୟ ଲହରରେ ମେଡିକାଲ ସୁବିଧା ଓ ଡାକ୍ତରୀ ପରାମର୍ଶ ପ୍ରଦାନ କରାଯାଇଛି। ବିପଦ ସମୟରେ ଉଭୟ ଗ୍ରାହକ ଓ କର୍ମଚାରୀଙ୍କ ସହ କମ୍ପାନୀ ଛିଡ଼ା ହୋଇଛି।
ଜିଏସ୍ଟିକୁ କିଭଳି ଦେଖୁଛନ୍ତି?
ସାମଗ୍ରୀ ଓ ସେବା ଟିକସ (ଜିଏସ୍ଟି) ଆସିବା ପରେ ଅନେକ ସୁବିଧା ହେଉଛି। ସିଙ୍ଗଲ୍ ବିଲ୍ ବ୍ୟବସ୍ଥା ବେଶ୍ ସହାୟକ ହୋଇଛି। ପୂର୍ବର ସମସ୍ୟା ଆଉ ନାହିଁ। ବ୍ୟବସାୟ ଓ ଗ୍ରାହକଙ୍କ ମଧ୍ୟରେ ସ୍ବଚ୍ଛତା ଆସିଛି। ରାଜ୍ୟଗୁଡ଼ିକ ସ୍ତରରେ ଲାଗୁ ହେଉଥିବା ବହୁ ଟିକସ ଜିଏସ୍ଟିରେ ସାମିଲ ହେବାରୁ ଏକକ ଟିକସ ଲାଗୁ ହୋଇଛି। ବ୍ୟବସାୟ ବର୍ତ୍ତମାନ ସରଳ ଓ ସହଜ ହୋଇଛି।
ଅନ୍ୟ ବ୍ରାଣ୍ଡଠାରୁ ଏଲ୍ଜି କିଭଳି ଭିନ୍ନ?
ନୂଆ ପଦକ୍ଷେପ ଦ୍ୱାରା ପ୍ରତିଦ୍ୱନ୍ଦ୍ୱୀ ବ୍ରାଣ୍ଡଗୁଡ଼ିକଠାରୁ ଆଗରେ ରହିବାକୁ ଚେଷ୍ଟା ଜାରି ରହିଛି। ଷ୍ଟୋରରେ ଗ୍ରାହକଙ୍କ ଆବଶ୍ୟକତାକୁ ସର୍ବୋଚ୍ଚ ପ୍ରାଥମିକତା ଦିଆଯାଉଛି। ପ୍ରତି ଜିଲାରେ ସେବା କେନ୍ଦ୍ର ଏବଂ ନିର୍ଦ୍ଦିଷ୍ଟ ଜିଲାଗୁଡ଼ିକରେ ସର୍ଭିସ ସେଣ୍ଟର ସ୍ଥାପନ କରିଛୁ। ଗ୍ରାହକ ସନ୍ତୁଷ୍ଟି, ତତ୍କାଳ ସେବା ଏବଂ ବିକ୍ରି ପରବର୍ତ୍ତୀ ସେବାକୁ ଗୁରୁତ୍ୱ ଦେଇଆସିଛୁ।
ପାର୍ବଣରେ କିଛି ଯୋଜନା
ରଖିଛନ୍ତି କି?
୨୫ ବର୍ଷ ହେବ ଓଡ଼ିଶାରେ ସଫଳ ଭାବେ କାରବାର କରୁଛୁ। କୋଭିଡ୍ ସମୟରେ ସ୍ବତନ୍ତ୍ର ଇଲେକ୍ଟ୍ରୋନିକ୍ସ ସାମଗ୍ରୀର ଡିମାଣ୍ଡ ଅଧିକ ରହିଛି। ଲୋକମାନେ ଚାହଁୁଥିବା ପ୍ରଡକ୍ଟ କିଭଳି ପାଇପାରିବେ ତାକୁ ଧ୍ୟାନରେ ରଖାଯାଇଛି। ଓଡ଼ିଶାରେ ସାରା ବର୍ଷ ପର୍ବପର୍ବାଣି ରହୁଥିବାରୁ ବିଭିନ୍ନ ପଦକ୍ଷେପ ସହ ସ୍ବତନ୍ତ୍ର ଅଫର ସୁବିଧା କରାଯାଇଥାଏ। ବଜାର ସ୍ଥିତିକୁ ଦେଖି ବିଭିନ୍ନ ଅଫର ଡିଜାଇନ କରାଯିବାକୁ ଯୋଜନା ରଖାଯାଇଛି। ଏଠାରେ ୧୪ଟି ବ୍ରାଣ୍ଡ ଷ୍ଟୋର ଓ ୧୦୦୦ରୁ ଉର୍ଦ୍ଧ୍ୱ ଆଉଟଲେଟରେ ଗ୍ରାହକ କମ୍ପାନୀର ବିଭିନ୍ନ ସେବା ଲାଭ କରିପାରିବେ।
କର୍ମକ୍ଷେତ୍ର ପରିବାର ମଧ୍ୟରେ କେମିତି ସମନ୍ବୟ ରଖନ୍ତି?
ଜୀବନରେ ଅନେକ ପରୀକ୍ଷା ଆସିବ। ବିଭିନ୍ନ କାମ ପାଇଁ ସମୟ ବାହାର କରିବାକୁ ପଡ଼ିବ। କମ୍ପାନୀ କର୍ତ୍ତୃପକ୍ଷ ଓ ପରିବାରର ଲୋକଙ୍କ ସହଯୋଗ ଯୋଗୁ ସବୁ କାମ ଠିକ୍ ଭାବେ ହୋଇପାରୁଛି। କମ୍ପାନୀର ଜଣେ ବରିଷ୍ଠ ଅଧିକାରୀ ହୋଇଥିବାରୁ ଅନେକ ଦାୟିତ୍ୱ ରହିଛି। ପରିବାର ଲୋକଙ୍କ ପାଇଁ କର୍ତ୍ତବ୍ୟ ରହିଛି। ସବୁ ଥିରେ ସମନ୍ବୟ ରଖିବାକୁ ଶତ ପ୍ରତିଶତ ଚେଷ୍ଟା ଜାରି ରଖିଛି।
-ସାକ୍ଷାତ୍କାର: ଅଭୟ ଦାଶ
