ଚମ୍ପୁଆ, ୨୦।୬(ଡି.ଏନ.ଏ.): କେନ୍ଦୁଝର ଜିଲା ଚମ୍ପୁଆ ଏନ୍ଏସିରେ ନିର୍ମାଣ ନିୟମ ବାଟବଣା ହୋଇଛି। ଆବଶ୍ୟକ ସୂଚନା ନ ଦେଇ କରାଯାଉଛି ଲକ୍ଷ ଲକ୍ଷ ଟଙ୍କାର ନିର୍ମାଣ କାର୍ଯ୍ୟ। ଠିକାଦାର ଠାରୁ ପେଟି ଠିକାଦାରମାନେ କାମ ନେଇ କାମର ମାନ ଓ ନିୟମ ଉଲ୍ଲଂଘନ କରୁଥିବା ବେଳେ ଯନ୍ତ୍ରୀଠାରୁ ଆରମ୍ଭ କରି ଅଧିକାରୀମାନେ ଚୁପ ରହି ସମର୍ଥନ କରୁଛନ୍ତି। ଏପରିକି କାମ ଆରମ୍ଭରେ ସୂଚନାଫଳକ ଲାଗିବାକୁ ଥିବାବେଳେ ଠିକାଦାରମାନେ କାମ ଶେଷରେ ସୂଚନା ଫଳକ ଲଗାଉଥିବା ଦେଖିବାକୁ ମିଳିଛି। ଏପରିକି ବିନା ସୂଚନା ଫଳକରେ ଅଙ୍କୁଶ ବିହୀନ ଭାବେ କାର୍ଯ୍ୟ କରାଯାଉଥିବା ବେଳେ ଯନ୍ତ୍ରୀ ତାହା ଜାଣି ନ ଥିବା ଅନେକ ସମୟରେ ପ୍ରକାଶ କରୁଛନ୍ତି। ଏସମ୍ପର୍କରେ ଯନ୍ତ୍ରୀ ରଞ୍ଜନ ମହାକୁଡ଼ଙ୍କୁ ପଚାରିବାରୁ ଆମେ ଠିକାଦାରଙ୍କୁ ସୂଚନା ଫଳକ ଲଗାଇବା ପାଇଁ କହିଛୁ ଏଦିଗରେ ତୁରନ୍ତ ପଦକ୍ଷେପ ନିଆଯିବ।
