ଭୋପାଳ,୩୧।୩: ମୁଣ୍ଡ ଉପରେ ନିର୍ବାଚନ। ଏନେଇ ଜାତୀୟ ରାଜନୀତି ସରଗରମ। ଜାତୀୟ ଦଳ ଠାରୁ ଆରମ୍ଭ କରି ଆଞ୍ଚଳିକ ଦଳ ମଧ୍ୟ ନିର୍ବାଚନ ପାଇଁ ଜୋରଦାର ପ୍ରସ୍ତୁତି କଲେଣି। ସବୁ ଦଳର ଦଳୀୟ ନେତା ଠାରୁ ଶୀର୍ଷ ନେତା ମଧ୍ୟ ପ୍ରଚାର ମଇଦାନକୁ ଓହ୍ଲାଇ ଲୋକଙ୍କୁ ଭୋଟ୍ ମାଗୁଛନ୍ତି। ତେବେ ନିର୍ବାଚନ ଯେତେ ପାଖେଇ ଆସେ ନେତାଏ ଭୋଟ ମାଗିବା ସହ ସହ ନୋଟ୍(ଟଙ୍କା) କିମ୍ବା ମଦ ବାଣ୍ଟୁଥିବାର ନଜିର ରହିଛି। କିନ୍ତୁ ନିକଟରେ ଏପରି ଏକ ଭିଡିଓ ଭାଇରାଲ ହୋଇଛି। ଯେଉଁଠି ଜଣେ କଂଗ୍ରେସ ନେତା ଭୋଟ୍ ସହ ନୋଟ୍ ମାଗୁଥିବାର ଭିଡିଓ େସାସିଆଲ ମିଡିଆରେ ଭାଇରାଲ ହୋଇଛି।
ମଧ୍ୟପ୍ରଦେଶର ଜବଲପୁରରେ କଂଗ୍ରେସ ପ୍ରାର୍ଥୀ ଦିନେଶ ଯାଦବ ଘର ଘର ବୁଲି ପ୍ରଚାର କରୁଛନ୍ତି। ଏହି ସମୟରେ ସେ ଲୋକଙ୍କୁ ଭୋଟ୍ ମାଗିବା ସହ ନୋଟ୍ ମଧ୍ୟ ମାଗୁଛନ୍ତି। ତେବେ କଂଗ୍ରେସ ନେତାଙ୍କ ଭୋଟ୍ ସହ ନୋଟ୍ ମାଗିବାର ଏହି ଅଲଗା ଅନ୍ଦାଜର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
#Watch: मध्य प्रदेश के जबलपुर में कांग्रेस प्रत्याशी दिनेश यादव लोगों से वोट के साथ-साथ नोट भी मांग रहे हैं। उनके इस अनोखे अंदाज में चुनाव प्रचार करने का वीडियो वायरल हो गया है।#MadhyaPradesh #Jabalpur pic.twitter.com/fGodD7vKM6
— Hindustan (@Live_Hindustan) March 29, 2024
ଦିନେଶଙ୍କ କହିବାନୁସାରେ, ଭାଜପା ସରକାର ତାଙ୍କ ପାର୍ଟି ଅକାଉଣ୍ଟ ଫ୍ରିଜ୍ କରିଦେଇଛନ୍ତି। ଏହି ସମୟରେ ତାଙ୍କ ପାଖରେ ନିର୍ବାଚନ ଲଢିବାକୁ ଟଙ୍କାଟିଏ ବି ନାହିଁ। ଏହି କାରଣରୁ ସେ ମତଦାତାଙ୍କ ସାହାର୍ଯ୍ୟ ଲୋଡୁଛନ୍ତି। କଂଗ୍ରେସ ପ୍ରାର୍ଥୀ ଦିନେଶ ଲୋକଙ୍କ ଠାରୁ ୧୦ଯଙ୍କାରୁ ଆରମ୍ଭ କରି ୧୦୦ ଟଙ୍କା ପର୍ଯ୍ୟନ୍ତ ଗ୍ରହଣ କରୁଛନ୍ତି। ଜନତା ମଧ୍ୟ ତାଙ୍କୁ ଟଙ୍କା ଦେଇ ସାହାଯ୍ୟ କରୁଛନ୍ତି।
