ପାଟଣା,୬।୪(ବୀର କିଶୋର ଦାଶ): ରାଜ୍ୟରେ ଓଡ଼ିଆ ପକ୍ଷ ପାଳନ ହେଉଥିବାବେଳେ ସୋମବାର କେନ୍ଦୁଝର ଜିଲା ପାଟଣା ବ୍ଲକର ରାଜନଗର ରଘୁନାଥ ଜିଉ ମଠ, ଟାଙ୍ଗରପଡ଼ା ମଠ, ଭୀମକୁଣ୍ଡ ପର୍ଯ୍ୟଟନସ୍ଥଳୀ, ପାଟଣା ଆନନ୍ଦେଶ୍ୱର ଶିବ ମନ୍ଦିର ସହ ବ୍ଲକର ବିଭିନ୍ନ ଐତିହ୍ୟ ସ୍ଥଳୀ ଓ ଦେବାଳୟ ଗୁଡିକରେ ସ୍ବଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହେଇଛି। ରାଜନଗର ରଘୁନାଥ ଜିଉ ମଠରେ ସ୍ଥାନୀୟ ସରପଞ୍ଚ ସୁଧାଂଶୁ ନାଏକ, ବିଡିଓ ମାନସ କୁମାର ଦଣ୍ଡ ପାଟ, ପ୍ରୋଗ୍ରାମ ଅଫିସର ଜମାଲ ଉଦ୍ଦିନ ଖାନ,ପିଇଓ ଲଲାତେନ୍ଦୁ ବିଦ୍ୟାଧର ମହାନ୍ତ, ଡୁମୁରିଆ ପଞ୍ଚାୟତ ଭୀମକୁଣ୍ଡ ପର୍ଯ୍ୟଟନସ୍ଥଳୀରେ ସ୍ଥାନୀୟ ସରପଞ୍ଚ ଗୌରହରି ନାଏକ, ବ୍ଲକ ସାମାଜିକ ସୁରକ୍ଷା ଅଧିକାରୀ ଅଭୟ ଚରଣ ଦେହୁରୀ, ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ସୁଧାଂଶୁ ପାଇକ ରାୟ, ଏଡିଇଓ ଯଦୁ ମଣି ମହାନ୍ତ, ଜିଓ ଟେକର ଡମ୍ବରୁ ଧର ମହାନ୍ତ ପ୍ରମୁଖ ସାମିଲ ହୋଇଥିଲେ। ସେହିପରି ବଡ଼ପାଟଣା ପଞ୍ଚାୟତ ଆନନ୍ଦେଶ୍ୱର ଶିବ ମନ୍ଦିରରେ ବଡ଼ପାଟଣା ସରପଞ୍ଚ ବିନତୀ ବାନାରା, ନୋଡାଲ ଅଫିସର ସିପ୍ରା ରାଣୀ ମହାନ୍ତ,ପିଇଓ ଅଶୋକ ମହାନ୍ତ, ଟାଙ୍ଗରପଡ଼ା ମଠରେ ସରପଞ୍ଚ ଅନୁରୁଦ୍ଧ ନାଏକ, ପିଇଓ ଅଭିଳାଷ ରାଜଙ୍କ ସହ ସମ୍ପୃକ୍ତଅଞ୍ଚଳର ସାମାଜିକ କର୍ମୀ , ସ୍ଥାନୀୟ ଏସଏଚଜି ଗ୍ରୁପ ମହିଳା, ଏମବିକେ, ସିଆରପି ମିଶି ସଫେଇ କରିବା ସହ ଏହି ସ୍ଥଳୀଗୁଡ଼ିକର ସଫାସୁତରା ରଖିବାକୁ ଶପଥ ନେଇଥିଲେ।
