କାବୁଲ,୨୧ ।୨: ପାକିସ୍ତାନ ଓ ଆଫଗାନିସ୍ତାନ ମଧ୍ୟରେ ଡୁରାଣ୍ଡ ଲାଇନକୁ ନେଇ ପୁଣିଥରେ ତୁତୁମେମେ ଆରମ୍ଭ ହୋଇଯାଇଛି । ତାଲିବାନ ଦ୍ୱାରା ମୁଖ୍ୟ ବ୍ୟବସାୟିକ ଓ କ୍ରସିଂ ପଏଣ୍ଟ ତୋରଖମ ଗେଟକୁ ବନ୍ଦ କରିବା ପରେ ଇସଲାମିକ ଏମିରେଟ ବଳ ଓ ପାକିସ୍ତାନର ସୀମା ରକ୍ଷକଙ୍କ ମଧ୍ୟରେ ମୁହାଁମୁହିଁ ହୋଇଛି । ଟୋଲୋ ନ୍ୟୁଜ ପକ୍ଷରୁ ଏହି ସୂଚନା ଦିଆଯାଇଛି । ସୀମାରେ ଉଭୟ ପକ୍ଷର ଉପର ଅଞ୍ଚଳରେ ଥିବା ଲୋକେ ମାରପିଟ ଆରମ୍ଭ କରିଦେଇଛନ୍ତି ।
ତୋରଖମ ଗେଟରେ ଥିବା ଜଣେ ଗୁଇନ୍ଦା ଅଧିକାରୀ କରିମୁଲ୍ଲା ଆଗା କହିଛନ୍ତି, ସେଥିରୁ ଗୋଟିଏ, ପାକିସ୍ତାନର ଓ ଅନ୍ୟଟି ଆମ ପ୍ରତିରକ୍ଷା ମନ୍ତ୍ରଣାଳୟର । ଫାଟକ ବନ୍ଦ ହେଲେ ଚିକିତ୍ସା ପାଇଁ ବିଦେଶ ଯାଉଥିବା ଲୋକେ ଓ ତାଙ୍କ ସହ ଥିବା ତାଙ୍କ ପରିଜନଙ୍କୁ ଅସୁବିଧା ହେବ । ପୁଣିଥରେ ଗେଟକୁ ଖୋଲିବାକୁ ଉଭୟ ପକ୍ଷର ସହମତି ପାଇଁ ସେ ପୁଣିଥରେ ଡାକିଛନ୍ତି । ଜଣେ ରୋଗୀ ନଜିବୁଲ୍ଲାହ କହିଛନ୍ତି ରୋଗୀଙ୍କୁ ଅନୁମତି ଦେବାକୁ ପାକିସ୍ତାନ ଉପରେ ଚାପ ପକାଇବା ଜରୁରୀ । ରୋଗୀଙ୍କ ସହ ୨-୩ ଜଣ ରହିଛନ୍ତି । ସେ କହିଛନ୍ତି ପାକିସ୍ତାନ ଆମ ସହ ଭଲ ବ୍ୟବହାର ଦେଖାଉନାହିଁ ।
ଟୋଲୋ ନ୍ୟୁଜର ସୂଚନା ଅନୁଯାୟୀ, ପାକିସ୍ତାନ ଦ୍ୱରା ଆଫଗାନିସ୍ତାନର ରୋଗୀଙ୍କୁ ଗେଟ ପାର ହେବାକୁ ମନା କରିଦେବା ପରେ ତାଲିବାନ ତୋରଖମ ଗେଟ ବନ୍ଦ କରି ଦେଇଥିଲା ।
