ବେଜିଙ୍ଗ,୩୧।୫: ଚାଇନାର ରାଷ୍ଟ୍ରପତି ସି ଜିନପିଙ୍ଗଙ୍କ ଉପରେ ଦେଶବାସୀଙ୍କ ଆକ୍ରୋଶ ବଢିବାରେ ଲାଗିଛି। ପୂର୍ବରୁ କରୋନା ପାଇଁ ଦେଶରେ ଲାଗୁ ହୋଇଥିବା କଠୋର ଆଇନ୍କୁ ଲୋକେ ବିରୋଧ କରିଥିଲେ। ବର୍ତ୍ତମାନ ଚାଇନାର ଦକ୍ଷିଣ-ପଶ୍ଚିମ ଅଞ୍ଚଳରେ ଅବସ୍ଥିତ ଏକ ମସଜିଦ ଭାଙ୍ଗିବା ଘଟଣାରେ ବିବାଦ ଦେଖାଦେଇଛି। ସୂଚନାଯୋଗ୍ୟ, ପୋଲିସ ଏକ ପୁରୁଣା ମସଜିଦର ଗମ୍ବୁଜ ଛାତ ଭାଙ୍ଗିବାକୁ ଆସିଥିଲେ, କିନ୍ତୁ ସେଠାରେ ସ୍ଥାନୀୟ ଲୋକଙ୍କ ସହ ହାତାହାତି ହୋଇଥିଲା।
📹 Footage from China’s Yunnan province allegedly shows clashes between Hui Muslims and police after being denied mosque entry.
Online info hints at authorities planning mosque demolition. pic.twitter.com/f0MTjZZqZg— Mete Sohtaoğlu (@metesohtaoglu) May 29, 2023
ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓରେ ଦେଖାଯାଇଛି ଯେ, ଲୋକମାନେ ଚାଇନା ପୋଲିସକୁ ବିରୋଧ କରି ମସଜିଦ ସାମ୍ନାରେ ବିରୋଧ ପ୍ରଦର୍ଶନ କରୁଛନ୍ତି। ବିକ୍ଷୋଭ ଯୋଗୁ ସେହି ସମୟରେ ପୋଲିସ ମସଜିଦ ଭାଙ୍ଗିବାରେ ସକ୍ଷମ ହୋଇ ପାରି ନାହିଁ। ଏବଂ ତାଙ୍କୁୁ ପଛକୁ ହଟିବାକୁ ପଡିଛି। ସରକାରଙ୍କ ଏହି କାର୍ଯ୍ୟ ଯୋଗୁ ସ୍ଥାନୀୟ ଲୋକ ଅସନ୍ତୁଷ୍ଟ ଅଛନ୍ତି ଏବଂ ମସଜିଦ ଆଗରେ ନାରାବାଜି କରୁଛନ୍ତି।
ଏଠାରେ କହି ରଖୁଛୁ କି, ୨୦୨୦ରେ କୋର୍ଟ ଏହି ମସଜିଦର କିଛି ଅଂଶକୁ ବେଆଇନ ଘୋଷଣା କରିଥିଲେ। ତେଣୁ ପୋଲିସ ଏହାକୁ ଭାଙ୍ଗିବାକୁ ଆସିଥିଲା। ପୂର୍ବରୁ ଦେଖାଯାଇଛି ଯେ, ଚାଇନା ସରକାର ସେଠାକାର ଲୋକଙ୍କ ଧାର୍ମିକ କାର୍ଯ୍ୟକଳାପକୁ ନିୟନ୍ତ୍ରଣ କରିବାକୁ ଚାହଁାନ୍ତିି, ସେଥିପାଇଁ ସେ ଲୋକଙ୍କ ଭାବବେଗ ସହ ଜଡିତ ଧାର୍ମିକ ଅନୁଷ୍ଠାନକୁ ନିଜ ଅନୁସାରେ ପରିଚାଳିତ କରିଥାନ୍ତି। ତେବେ ଚାଇନାରେ ଏକ ପୁରୁଣା ମସଜିଦ ରହିଛି। ଯାହା ୧୩ଶହ ଶତାଦ୍ଦୀର ବୋଲି କୁହାଯାଉଛି। ଏହାକୁ ନେଇ ସେଠାରେ ବିବାଦ ଦେଖାଦେଇଛି।
