ଓ୍ବାଶିଂଟନ/ମେଲବୋର୍ନ/ ଲଣ୍ଡନ,୧୨।୩ : ମାର୍ଚ୍ଚ ୧୩ରେ ଆମେରିକା ଏବଂ ବ୍ରିଟେନ ଏକ ବଡ ଘୋଷଣା କରିବାକୁ ଯାଉଛନ୍ତି। ଚାଇନାକୁ ରୋକିବା ପାଇଁ ଏହି ଦୁଇ ଦେଶ ଅଷ୍ଟ୍ରେଲିଆକୁ ବିପଜ୍ଜନକ ଅସ୍ତ୍ର ଯୋଗାଇ ଦେବେ। ଏହି ବୁଡ଼ାଜାହାଜ ଚୁକ୍ତିରେ ଆମେରିକାର ରାଷ୍ଟ୍ରପତି ଜୋ ବାଇଡେନ, ଅଷ୍ଟ୍ରେଲୀୟ ପ୍ରଧାନମନ୍ତ୍ରୀ ଆନ୍ଥୋନୀ ଆଲବାନେ ଏବଂ ବ୍ରିଟେନର ପ୍ରଧାନମନ୍ତ୍ରୀ ଋଷି ସୁନକ ସାମିଲ ହେବେ।
ଏହି ଅସ୍ତ୍ରଗୁଡିକର କାରବାର ପାଇଁ ଚୁକ୍ତି ସେପ୍ଟେମ୍ବର ୨୦୨୧ ରେ କରାଯାଇଥିଲା। ଏହାର ମୁଖ୍ୟ ଉଦ୍ଦେଶ୍ୟ ହେଉଛି ଭାରତ-ପ୍ରଶାନ୍ତ ମହାସାଗରୀୟ ଅଞ୍ଚଳରେ ଚାଇନାର ଅବରୋଧକୁ ରୋକିବା। ଏହି ଯୋଜନାର ନାମ ଔକୁସ(ଏୟୁକେୟୁଏସ) ରଖାଯାଇଛି। ଭାରତ-ପ୍ରଶାନ୍ତ ମହାସାଗରରେ ଚାଇନା ଉପରେ କଡା ନଜର ରଖିବାକୁ ଆମେରିକା, ଅଷ୍ଟ୍ରେଲିଆ ଏବଂ ବ୍ରିଟେନ ମିଳିତ ଭାବେ ୨୦୨୧ ମସିହାରେ ଔକୁସ ଯୋଜନା ଘୋଷଣା କରିଥିଲେ। ଏହା ଅନ୍ତର୍ଗତ ଆମେରିକୀୟ ନିର୍ମିତ ବୁଡ଼ାଜାହାଜ ୨୦୩୨ ପ୍ରାରମ୍ଭରେ ପହଞ୍ଚିବ ବୋଲି ଆଶା କରାଯାଉଛି ।
ଆମେରିକାର ରାଷ୍ଟ୍ରପତି ଜୋ ବାଇଡେନ ୧୩ ମାର୍ଚ୍ଚରେ ସାନ ଡିଏଗୋରେ ଅଷ୍ଟ୍ରେଲିଆ ଏବଂ ବ୍ରିଟେନର ନେତାମାନଙ୍କୁ ଭେଟିବେ। ଏଠାରେ, ୟୁଏସଏସ ମିସୌରୀ ବୁଡ଼ାଜାହାଜରେ, ତିନି ନେତା ନୂତନ ସହଭାଗିତାକୁ ଉନ୍ମୋଚନ କରିବେ। ଆଧୁନିକ ଇତିହାସରେ ଏହା ସର୍ବ ବୃହତ ତ୍ରିପାକ୍ଷିକ ପ୍ରତିରକ୍ଷା ପ୍ରଯୁକ୍ତିବିଦ୍ୟା ସହଭାଗିତା ବୋଲି କୁହାଯାଉଛି।
ଔକସର ମୂଳ ଉଦ୍ଦେଶ୍ୟ ଥିଲା ଅଷ୍ଟ୍ରେଲିଆକୁ ଆଣବିକ ଚାଳିତ ବୁଡ଼ାଜାହାଜର ମୂଲ୍ୟବାନ ବୈଷୟିକ ଜ୍ଞାନକୌଶଳ ରପ୍ତାନି କରିବା ପାଇଁ ଆମେରିକାର ଚୁକ୍ତି। ଜାପାନ ଟାଇମ୍ସ ରିପୋର୍ଟ ଅନୁଯାୟୀ, ଏହା ପୂର୍ବରୁ କେବଳ ବ୍ରିଟେନ ସହିତ ଅଂଶୀଦାର ହୋଇଥିଲା। ସେତେବେଳେ ଏହା ୧୯୬୦ ଦଶକରେ ଏହାର ଅଣ୍ଡରୱେ ଜାହାଜକୁ ଡିଜାଇନ କରିଥିଲା ।
ଏହି ଚୁକ୍ତିନାମା ସମ୍ପର୍କରେ ଚାଇନା ଏହି ତିନୋଟି ଦେଶକୁ ଆଣବିକ ବିସ୍ତାର ଉଦ୍ୟମ ନ କରିବାକୁ ଚେତାବନୀ। ଚାଇନା ବୈଦେଶିକ ମନ୍ତ୍ରଣାଳୟର ମୁଖପାତ୍ର ମାଓ ନିଙ୍ଗ ଗଣମାଧ୍ୟମକୁ କହିଛନ୍ତି ଯେ ଆମେ ଆମେରିକା, ବ୍ରିଟେନ ଏବଂ ଅଷ୍ଟ୍ରେଲିଆକୁ ଶୀତଳ ଯୁଦ୍ଧର ମାନସିକତା ତ୍ୟାଗ କରିବାକୁ, ଅନ୍ତର୍ଜାତିକ ଦାୟିତ୍ୱକୁ ସମ୍ମାନର ସହ ପାଳନ କରିବାକୁ ଏବଂ ଆଞ୍ଚଳିକ ଶାନ୍ତି ଏବଂ ସ୍ଥିରତା ପାଇଁ ଅନୁକୂଳ କାର୍ଯ୍ୟ କରିବାକୁ ଅନୁରୋଧ କରୁଛୁ।
