ନୂଆଦିଲ୍ଲୀ/ବେଜିଂ,୧।୪: ଅରୁଣାଚଳ ପ୍ରଦେଶକୁ ନେଇ ଭାରତ ଏବଂ ଚାଇନା ମଧ୍ୟରେ ବିବାଦ ପୁଣି ବଢୁଥିବା ଜଣାପଡିଛି। ଚାଇନା ପୁନର୍ବାର ଭାରତର ଏହି ଉତ୍ତର-ପୂର୍ବ ରାଜ୍ୟ ବିଷୟରେ କିଛି କରିଛି, ଯାହା ଦୁଇ ଦେଶ ମଧ୍ୟରେ ତିକ୍ତତା ବଢାଇପାରେ। ଚାଇନା ଅରୁଣାଚଳ ପ୍ରଦେଶର ୩୦ଟି ନୂତନ ନାମର ଏକ ତାଲିକା ପ୍ରକାଶ କରିଛି। ରିପୋର୍ଟ ଅନୁଯାୟୀ, ଏହି ସମସ୍ତ ନାମ ଚାଇନିଜ ଅକ୍ଷରରେ ଲେଖାଯାଇଛି। ଚାଇନା ଏହି ନାମଗୁଡିକ ପର୍ବତ, ନଦୀ ଏବଂ କିଛି ଗୁରୁତ୍ୱପୂର୍ଣ୍ଣ ସ୍ଥାନକୁ ଦେଇଛି।
ଚାଇନାର ସିଭିଲ ବ୍ୟାପାର ମନ୍ତ୍ରଣାଳୟ ଅରୁଣାଚଳ ପ୍ରଦେଶର ଭୌଗୋଳିକ ନାମର ଚତୁର୍ଥ ତାଲିକା ପ୍ରକାଶ କରିଛି। ଏହି ଅଞ୍ଚଳରେ ଜନସାଧାରଣଙ୍କ ବ୍ୟବହାରରେ ତିରିଶ ଅତିରିକ୍ତ ନାମ ୱେବସାଇଟରେ ଆନୁଷ୍ଠାନିକ ଭାବରେ ପ୍ରକାଶ ପାଇଛି।
ଚାଇନା ସରକାର ଏପ୍ରିଲ ୨୦୨୩ରେ ଚାଇନାର ଅକ୍ଷର ବ୍ୟବହାର କରି ଏହି ଅଞ୍ଚଳରେ ୧୧ଟି ନାମ ଚୂଡାନ୍ତ କରିଛନ୍ତି, ଯାହା ତୃତୀୟ ତାଲିକା ଥିଲା। ପ୍ରଥମ ତାଲିକା ୨୦୨୭ରେ ଆସିଥିବାବେଳେ ଦ୍ୱିତୀୟ ତାଲିକା ୨୦୨୧ରେ ପ୍ରକାଶ ପାଇଥିଲା। ଚତୁର୍ଥ ତାଲିକା ପ୍ରକାଶ ପାଇବା ସହିତ ଏହା ମଧ୍ୟ କୁହାଯାଇଛି ଯେ ଏହି ନାମଗୁଡିକ ମେ ୧, ୨୦୨୪ରୁ କାର୍ଯ୍ୟକାରୀ ହେବ।
