ପୁରୀ,୮।୬(ଅଜିତ ମହାନ୍ତି): ଭୁବନେଶ୍ବରରେ ଅବତରଣ କରିପାରି ନାହିଁ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ହେଲିକପ୍ଟର। ପ୍ରତିକୂଳ ପାଗ ପାଇଁ ଭୁବନେଶ୍ବର ପରିବର୍ତ୍ତେ ପୁରୀରେ ଅବତରଣ କରିଛି। ସମଙ୍ଗ ଅସ୍ଥାୟୀ ବସଷ୍ଟାଣ୍ଡରେ ଅବତରଣ କରିଛି ମୁଖ୍ୟମନ୍ତ୍ରୀଙ୍କ ହେଲିକପ୍ଟର। ଫଳରେ ଏକ ବଡ଼ ଅଘଟଣ ଟଳିଛି।
ସୂଚନାଯୋଗ୍ୟ, ମୁଖ୍ୟମନ୍ତ୍ରୀ ମୟୂରଭଞ୍ ଠାରେ ଥିବା କାର୍ଯ୍ୟକ୍ରମ ସାରି ଭୁବନେଶ୍ଵର ପ୍ରତ୍ୟାବର୍ତ୍ତନ କରୁଥିଲେ। ଏହି ସମୟରେ ପାଗରେ ପରିବର୍ତନ ଦେଖିବାକୁ ମିଳିଥିଲା । କାଳବୈଶାଖୀ ବର୍ଷା ମାଡି ଆସିଥିଲା। ଯାହାଫଳରେ ଭୁବନେଶ୍ୱର ଏୟାର ପୋର୍ଟରେ ଅବତରଣ କରି ପାରି ନ ଥିଲା। ତେଣୁ ପୁରୀ ନିକଟବର୍ତ୍ତୀ ତଥା ସୁରକ୍ଷିତ ସ୍ଥାନ ଥିବାରୁ ପୁରୀରେ ହେଲିକପ୍ଟର ଅବତରଣ ପାଇଁ ନିଷ୍ପତି ହୋଇଥିଲା। ଶେଷରେ ସମଙ୍ଗ ବାସଷ୍ଟାଣ୍ଡରେ ଥିବା ଅସ୍ଥାୟୀ ହେଲି ପ୍ୟାଡରେ ମୁଖ୍ୟମନ୍ତ୍ରୀଙ୍କ ହେଲିକପ୍ଟର ଅବତରଣ କରିଥିଲା। ପାଗ ଅନୁକୂଳ ହେବା ପରେ ଭୁବନେଶ୍ବର ଅଭିମୁଖେ ହେଲିକପ୍ଟର ଉଡାଣ ଭରିବ ବୋଲି ସୂଚନା ମିଳିଛି ।
Dharitri – Odisha’s No.1 Odia Daily
