ରାୟପୁର,୧୭ା୧୧: ଛତିଶଗଡରେ ଦ୍ୱିତୀୟ ପର୍ଯ୍ୟାୟରେ ନିର୍ବାଚନ ପାଇଁ ମତଦାନ ଚାଲିଥିବା ବେଳେ ନକ୍ସଲମାନେ ଶୁକ୍ରବାର ଛତିଶଗଡର ଧାମଟାରୀ ଠାରେ ଆଇଡି ବିସ୍ଫୋରଣ କରିଛନ୍ତି। ଖବର ଅନୁଯାୟୀ, ବିସ୍ଫୋରଣ ସମୟରେ ବାଇକରେ ଯାଉଥିବା ଦୁଇଜଣ ସିଆରପିଏଫ ଯବାନ ଅଳ୍ପକେ ବର୍ତ୍ତିଯାଇଛନ୍ତି ଏବଂ ସୌଭାଗ୍ୟବଶତଃ ଏହି ଘଟଣାରେ କୌଣସି ଅସୁବିଧା ହୋଇନଥିଲା।
୯୦ ସଦସ୍ୟ ବିଶିଷ୍ଟ ବିଧାନସଭାର ଅବଶିଷ୍ଟ ୭୦ ଟି ଆସନ ପାଇଁ ଶୁକ୍ରବାର ଛତିଶଗଡରେ ନିର୍ବାଚନର ଦ୍ୱିତୀୟ ତଥା ଅନ୍ତିମ ପର୍ଯ୍ୟାୟ ପାଇଁ ଭୋଟ୍ ଚାଲିଛି। ମୁଖ୍ୟମନ୍ତ୍ରୀ ଭୁପେଶ ବାଗେଲ, ତାଙ୍କ ଡେପୁଟି ଟି.ଏସ. ସିଂ ଦେଓ ଏବଂ ବିଜେପି ରାଜ୍ୟ ସଭାପତି ଅରୁଣ ସାଓଙ୍କ ଭାଗ୍ୟ ଏହି ପର୍ୟ୍ୟାୟରେ ସ୍ଥିର ହେବ।
