ନୂଆଦିଲ୍ଲୀ,୪।୪: ଚେନ୍ନାଇ ସୁପର କିଙ୍ଗସ IPLରେ ଏପରି ଏକ ସଫଳତା ହାସଲ କରିଛି ଯାହା ପୂର୍ବରୁ ଅନ୍ୟ କୌଣସି ଦଳ କରିପାରି ନାହିଁ। ଚେନ୍ନାଇ ଏବେ ଇଣ୍ଡିଆନ ପ୍ରିମିୟର ଲିଗରେ ସର୍ବାଧିକ ୨୦୦ ରନ କିମ୍ବା ତା’ଠାରୁ ଅଧିକ ସ୍କୋର କରିଥିବା ଦଳ ପାଲଟିଛି। CSK ଶୁକ୍ରବାର ପଞ୍ଜାବ କିଙ୍ଗସ ବିପକ୍ଷରେ ମୋଟ ୨୦୯ ରନ ସ୍କୋର କରି ଏହି ରେକର୍ଡ ସ୍ଥାପନ କରିଛି। ଏହା ୩୬ତମ ଥର ଚେନ୍ନାଇ ଦଳ IPLରେ ୨୦୦ ରନ ସ୍କୋର ଅତିକ୍ରମ କରିଛି।
IPL ଇତିହାସରେ ସର୍ବାଧିକ ଥର ୨୦୦ ରନ ସ୍କୋର ଅତିକ୍ରମ କରିବାର ରେକର୍ଡ ବର୍ତ୍ତମାନ ଚେନ୍ନାଇ ସୁପର କିଙ୍ଗସ ପାଖରେ ଅଛି। CSK ୩୬ଥର ହାସଲ କରିଛି। ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ୩୫ ଥର ଏହା କରିଛି। ପଞ୍ଜାବ କିଙ୍ଗସ ଦଳ ମଧ୍ୟ ୩୨ ଥର ୨୦୦ ରନ କିମ୍ବା ତା’ଠାରୁ ଅଧିକ ସ୍କୋର କରିଛି। ମୁମ୍ବାଇ ଇଣ୍ଡିଆନ୍ସ ମଧ୍ୟ ୩୨ଥର ଏକ ମ୍ୟାଚରେ ୨୦୦ ରନ ସୀମା ଅତିକ୍ରମ କରିଛି।
୩୬ ଥର ଚେନ୍ନାଇ ସୁପର କିଙ୍ଗସ
୩୫ ଥର ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ
୩୨ ଥର ପଞ୍ଜାବ କିଙ୍ଗସ
୩୨ ଥର ମୁମ୍ବାଇ ଇଣ୍ଡିଆନ୍ସ
୩୦ ଥର କୋଲକାତା ନାଇଟ ରାଇଡର୍ସ
