ଆଇଫୋନ୍‌ ଦେବାକୁ କହି ଠକେଇ
1:26 pmJuly 4, 2022July 4, 2022 / 21

ଅନୁଗୋଳ ଅଫିସ, ୪ା୭: ଅନୁଗୋଳ ଜିଲା ନାଲ୍‌କୋରେ କାର୍ଯ୍ୟରତ ଜଣେ ସିଆଇଏସ୍‌ଏଫ୍‌ ଯବାନ ଆଇଫୋନ୍‌ କିଣିବାକୁ ଯାଇ ଲକ୍ଷେ ଟଙ୍କା ଠକେଇର ଶିକାର ହୋଇଛନ୍ତି। ଏ ନେଇ ସମ୍ପୃକ୍ତ ଯବାନ ନାଲ୍‌କୋ ଥାନାର ଦ୍ୱାରସ୍ଥ ହେବା ପରେ ପୋଲିସ ନଂ. ୧୫୧/୨୨ରେ ମାମଲା ରୁଜୁ କରି ତଦନ୍ତ ଚଳାଇଥିବା ଜଣାପଡ଼ିଛି। ଅଭିଯୋଗରେ ଦର୍ଶାଯାଇଛି, ଗତ ୩୦ ତାରିଖରେ ସାମାଜିକ ଗଣମାଧ୍ୟମରେ ଏକ ଆଇ ଫୋନ୍‌ ଶସ୍ତାରେ ମିଳିବା ନେଇ ଅଫର ଆସିଥିଲା। ତାହାକୁ କିଣିବାକୁ ସମ୍ପୃକ୍ତ ଯବାନ ବିଜ୍ଞାପନରେ ଦିଆଯାଇଥିବା ନମ୍ବରରେ ଫୋନ୍‌ କରିଥିଲେ। ଠକ ଜଣକ ମହାରାଷ୍ଟ୍ର ନାଗପୁର ଆର୍ମିରେ କାର୍ଯ୍ୟରତ ଯବାନ ବୋଲି ପରିଚୟ ଦେଇ ଆର୍ମି ଫୋଷ୍ଟାଲରେ ପାର୍ସଲ ପାଇଁ ୨୬୫ ଟଙ୍କା ପଠାଇବାକୁ କହିଥିଲେ। ଠକଙ୍କ ଉଦ୍ଦେଶ୍ୟ ସମ୍ପର୍କରେ ଜାଣି ନ ପାରି ସିଆଇଏସ୍‌ଏଫ୍‌ ଯବାନ ଟଙ୍କା ପଠାଇ ଦେଇଥିଲେ। ପରଦିନ ସକ୍ୟୁରିଟି ବାବଦକୁ ଆଉ କିଛି ଟଙ୍କା ମଗାଯାଇଥିଲା। ଆର୍ମି ଲୋଗୋ ଥିବା ହ୍ବାଟ୍ସଆପ୍‌ରୁ ମେସେଜ ମଧ୍ୟ ଆସିଥିଲା। ତେବେ ଲୋଭରେ ସେ ୯୯ ହଜାର ୪୯୬ ଟଙ୍କା ପଠାଇବା ପରେ ଠକେଇର ଶିକାର ହୋଇଥିବା ଜାଣିବାକୁ ପାଇଥିଲେ। ଏହାପରେ ସେ ନାଲକୋ ଥାନାର ଦ୍ୱରାସ୍ଥ ହୋଇଥିବା ଜଣାପଡ଼ିଛି।